486.7
-0.08
515.12
-0.38
8.43
+0.02
-1
Եղանակը Երևանում
Հայ
Աշոտ Ղուլյանը ԼՂՀ խորհրդարանի խոսնակ է վերընտրվել
13:33
10 Հունիսի 2010

Աշոտ Ղուլյանը Լեռնային Ղարաբաղի Ազգային Ժողովի նախագահ է վերընտրվել հինգշաբթի տեղի ունեցած հինգերորդ գումարման խորհրդարանի առաջին նիստի ընթացքում։

Ղուլյանը գլխավորում է «Արցախի դեմոկրատական կուսակցությունը», որը մայիսի 23-ին տեղի ունեցած խորհրդարանական ընտրություններում համամասնական ընտրահամակարգով հավաքել է ընտրողների ձայների 28,6 տոկոսը։ Կուսակցությունը Ղարաբաղի 33-տեղանոց խորհրդարանում պատգամավորական հինգ տեղ է հավաքել  համամասնական ընտրակարգով և երկու տեղ՝ մեծամասնական ընտրակարգով։ 

Առաջին նիստը, ԼՂՀ Սահմանադրությանը համապատասխան, անցկացրել է տարիքով ամենամեծ պատգամավոր Արպատ Ավանեսյանը։

 «Մայիսի 23-ին արցախցիները հերթական անգամ դրսևորեցին քաղաքացիական բարձր դիրք՝ քվեարկելով երիտասարդ հանրապետության հզորության և բարեկեցության օգտին։ Ժողովուրդը ապացուցեց, որ Արցախն ընդունակ է ինքնուրույն որոշել իր ճակատագիրը, և այս ուղին մեզ համար անդառնալի է»,- իր բացման խոսքում ասել է ԼՂՀ նախագահ Բակո Սահակյանը։ Պետության ղեկավարն ընդգծել է, որ նորընտիր պատգամավորները պարտավոր են արդարացնել ժողովրդի բարձր վստահությունը։

Նոր խորհրդարանի աշխատանքն օրհնել է Հայ Առաքելական Եկեղեցու Արցախյան թեմի առաջնորդ, Պարգև արքեպիսկոպոս Մարտիրոսյանը։

Նիստի մասնակիցները ծափահարություններով են ողջունել խորհրդարանի շենքում գտնվող ֆրանսիացի պատգամավորներին։ Նորընտիր խորհրդարանականները երդման արարողություն են անցել, որի տեքստն ընթերցել է ժողովրդական ամենաերիտասարդ ընտրյալ Արսեն Միքայելյանը։

Լեռնային Ղարաբաղի հանրապետության՝ մայիսի 23-ին կայացած հինգերորդ գումարման խորհրդարանի ընտրությունների արդյունքում համամասնական ընտրակարգով վեցտոկոսանոց շեմը հաղթահարել են առաջադրված չորս կուսակցություններից երեքը՝ «Ազատ Հայրենիքը» (ձայների 46,4 տոկոս), «Արցախի դեմոկրատական կուսակցությունը» (28,6 տոկոս), ՀՅԴ (20,2 տոկոս)։ Նոր խորհրդարանում «Ազատ Հայրենիքը» կուսակցական ցուցակներով ստացել է 8 տեղ, «Արցախի դեմոկրատական կուսակցությունը»՝ 5 տեղ, Դաշնակցությունը՝ 4։ Մեծամասնական համակարգով անցած 6 թեկնածուներն առաջադրվել են «Ազատ Հայրենիք» կուսակցության ցուցակներով, երկուսը՝ «Արցախի դեմոկրատական կուսակցության» ցուցակներով, երկուսն էլ՝ ՀՅԴ-ի ցուցակներով։ -0-

Loading...
Թեմատիկ նյութեր
Բաժնի այլ նյութեր
20:57
27 Փետրվարի 2017
Սերժ Սարգսյան. ելակետային է Արցախի ժողովրդի ազատ կամարտահայտությամբ իր ապագան որոշելու իրավունքը
Արցախյան խնդրի լուծման հարցում ելակետային է Արցախի ժողովրդի ազատ կամարտահայտությամբ իր ապագան որոշելու իրավունքը:
18:14
27 Փետրվարի 2017
Ադրբեջանցի գրոհայինների դիակները դուրս են բերվել չեզոք գոտուց
Երկուշաբթի ժամը 17:00-ի սահմաններում ավարտվեց չեզոք գոտուց ադրբեջանական գրոհայինների դիակների տարհանման գործընթացը:
12:39
27 Փետրվարի 2017
ԱՀ ՊՆ. ադրբեջանցիների դիակների տարհանման գործընթացը չի իրականացվել ադրբեջանական կողմի մեղքով
Երեկ ադրբեջանցիների դիակների տարհանման գործընթացը չի իրականացվել ոչ թե արցախյան, այլ ադրբեջանական կողմի մեղքով։
10:53
27 Փետրվարի 2017
Իրադրությունը շփման գծում. հակառակորդը կիրառել է ականանետեր` արձակելով շուրջ 1150 կրակոց
ՊԲ առաջապահ զորամասերը շարունակում են վստահորեն իրականացնել իրենց առջև դրված մարտական խնդիրը՝ անհրաժեշտության դեպքում դիմելով նաև պատասխան գործողությունների։

10:37
26 Փետրվարի 2017
Հակառակորդը գիշերը շփման գծում կրակել է հաուբիցից, հրանոթներից, ականանետերից և նռնականետերից
ՊԲ առաջապահ զորամասերը հակառակորդի նախահարձակ ակտիվությունը ճնշելու համար դիմել են պատասխան գործողությունների և շարունակել վստահորեն իրականացնել մարտական հերթապահություն։
19:19
25 Փետրվարի 2017
ՀՀ ՊՆ-ն ներկայացրել է Մարտունու վրա կատարած հարձակման տեսագրությունը և հակառակորդի զոհերի անունները
Հայաստանի պաշտպանության նախարարության մամուլի քարտուղար Արծրուն Հովհաննիսյանը հրապարակել է Մարտունու վրա կատարած հարձակման տեսանյութը:
17:07
25 Փետրվարի 2017
ՀՀ ՊՆ-ն ներկայացրել է ադրբեջանական ագրեսիայի տեսագրությունը
Հայաստանի պաշտպանության նախարարության մամուլի քարտուղար Արծրուն Հովհաննիսյանը Facebook-ի իր էջում հրապարակել է ադրբեջանական ագրեսիայի տեսագրությունը:

13:31
25 Փետրվարի 2017
Հայկական կողմը խոստացել է ներկայացնել ադրբեջանական ագրեսիայի տեսագրությունը
Հայկական կողմն ունի գիշերն իրականացված ադրբեջանական ագրեսիայի վկայության տեսագրությունը:
11:48
25 Փետրվարի 2017
Ադրբեջանական կողմն ապատեղեկատվություն է տարածում՝ խոսելով հայկական կողմի «հարձակումների» մասին
Արդեն մի քանի օր շարունակ Ադրբեջանի ռազմաքաղաքական ղեկավարությունը լարում էր իրավիճակը շփման գծում:
10:45
25 Փետրվարի 2017
ԱՀ ՊՆ.Շփման գծում նկատվում է հակառակորդի կենդանի ուժի և զինտեխնիկայի տեղաշարժ
Հակառակորդը գիշերը հարձակման փորձ է նախաձեռնել շփման գծի միանգամից երկու` հարավարևելյան (Մարտունի) և արևելյան (Ակնա) ուղղություններով
18:45
24 Փետրվարի 2017
ԱՀ ՊՆ. հակառակորդը հրետակոծել է Թալիշը
Թշնամին թիրախավորել է ոչ միայն մարտական հենակետերը, այլև Թալիշ բնակավայրը։
10:43
24 Փետրվարի 2017
Հակառակորդը շփման գծում կիրառել է ականանետեր և ՁՀՆ-7 տիպի նռնականետ
Փետրվարի 23-ին և լույս 24-ի գիշերը արցախա-ադրբեջանական հակամարտ զորքերի շփման գծում հակառակորդը հրադադարի պահպանման ռեժիմը խախտել է ավելի քան 75 անգամ