481.79
+0.02
538.93
-1.33
8.53
+0.03
+17
Եղանակը Երևանում
Հայ
ԵԱՀԿ Մինսկի խմբի համանախագահները մտադիր են նոր ազդակ հաղորդել ղարաբաղյան կարգավորմանը
15:22
07 Հունիսի 2010

ԵԱՀԿ Մինսկի խմգի համանախագահներ Իգոր Պոպովը (Ռուսաստան), Ռոբերտ Բրադտկեն (ԱՄՆ) և Բերնար Ֆասիեն (Ֆրանսիա) մտադիր են նոր ազդակ հաղորդել ղարաբաղյան կարգավորման գործընթացին, տեղեկացնում է «ՌԻԱ Նովոստին»:

«Համանախագահները հունիսի 4-ին Վենետիկում հանդիպել են Ադրբեջանի արտգործնախարար Էլմար Մամեդյարովի հետ, որպեսզի քննարկեն Լեռնային Ղարաբաղի հակամարտության շուրջ բանակցությունների ընթացիկ փուլը: Քանի որ նմանատիպ հանդիպում նրանք անցկացրել են մայիսի 12-ին Բրյուսելում Հայաստանի արտաքին գործերի նախարար Էդվարդ Նալբանդյանի հետ: Առաջիկայում համանախագհները կքննարկեն իրենց հետագա քայլերը` բանակցային գործընթացին նոր ազդակ հաղորդելու համար»,- ասվում է հունիսի 4-ին Վենետիկում Ադրբեջանի արտաքին գործերի նախարար Էլմար Մամեդյարովի հետ կայացած հանդիպումից հետո համանախագահների համատեղ հայտարարությունում, որը հրապարակվել է երկուշաբթի ԵԱՀԿ պաշտոնական կայքում:

Մամեդյարովն ուրբաթ Վենետիկում կայացած բանակցությունների արդյունքներով ասել է լրագրողներին, որ Ադրբեջանը պատրաստ է շարունակել աշխատանքը հակամարտության կարգավորման Մադրիդյան թարմացված սկզբունքների շուրջ, նշելով, որ դրանցում կան որոշ կետեր, որոնք ադրբեջանական կողմը առաջարկում է լրամշակել:

Հայ-ադրբեջանական, Լեռնային Ղարաբաղի հակամարտության հանգուցալուծման` Մադրիդյան կոչված հիմնական սկզբունքները ներկայացվել են Հայաստանին և Ադրբեջանին՝ Ֆրանսիայի և Ռուսաստանի արտաքին գործերի նախարարների և ԱՄՆ պետքարտուղարի օգնականի կողմից 2007 թվականի նոյեմբերին` Իսպանիայի մայրաքաղաքում: Իտալական Աքվիլա քաղաքում 2009 թվականի հուլիսին կայացած «մեծ ութնյակի» գագաթնաժողովի ժամանակ համանախագահ երկրների ղեկավարները հանդես եկան համատեղ հայտարարությամբ, որում ասվում էր, մասնավորապես, որ բանակցությունների սեղանին են մնում Մադրիդյան սկզբունքները, և կոչ արեցին հնարավորինս ավարտել դրանց համաձայնեցման գործընթացը:

Ընթացիկ տարվա հունվարի 15-ին Սոչիում կայացած Ռուսաստանի, Հայաստանի և Ադրբեջանի նախագահների եռակողմ հանդիպման ընթացքում ԵԱՀԿ Մինսկի խմբի համանախագահները Հայաստանի և Ադրբեջանի նախագահներին ներկայացրեցին Մադրիդյան սկզբունքների թարմացված տարբերակը, որոնց առնչությամբ կողմերը երկու շաբաթվա ընթացքում պետք է ներկայացնեին իրենց առաջարկությունները:

ՄԽ ռուս նախկին համանախագահ Յուրի Մերզլյակովն ընթացիկ տարվա ապրիլին` Երևանում համանախագահների և Հայաստանի ղեկավարության միջև տեղի ունեցած հանդիպումից հետո ասաց, որ ներկայումս համաձայնեցվում են համանախագահների կողմից արված վերջին առաջարկությունները, և հայկական կողմը իր անհամաձայնությունը հայտնեց մադրիդյան թարմացված սկզբունքների որոշ կետերի վերաբերյալ:

Միաժամանակ Մերզլյակովը նշեց, որ համանախագահները չեն սրում իրավիճակը, քանի որ երկու տարի առաջ նույն իրավիճակն էր նկատվում նաև մադրիդյան սկզբունքների վերաբերյալ, որոնք Հայաստանն ընդունում էր, բայց ոչ ամբողջությամբ:

Վենետիկում Մամեդյարովն ասաց նաև, որ Ադրբեջանը պատրաստ է աշխատել թարմացված սկզբունքների հիման վրա, որպեսզի դուրս գա համաձայնեցված համապարփակ խաղաղ պայմանագրի վրա, և որ ադրբեջանական կողմը պատրաստ է հետագայում էլ հանդիպել, եթե հայկական կողմն անկեղծ ցանկություն ունենա առաջ շարժվելու:

Միաժամանակ նա նշեց, որ եթե հայկական կողմից հայեցակարգային որոշում լինի, ապա հարցը կարող է շարժվել տեղից:

Նա նշեց նաև, որ հասկանում է համանախագահների` բանակցային գործընթացի ակտիվացման ցանկությունը, քանի որ արդեն կա ԱՄՆ, Ֆրանսիայի և Ռուսաստանի ներկայացուցիչների կողմից պատրաստած փաստաթուղթ:
 
Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

 

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-

Loading...
Թեմատիկ նյութեր
Բաժնի այլ նյութեր
15:03
26 Մայիսի 2017
Պայմանագրային զինծառայող է զոհվել հակառակորդի գնդակից
Ուրբաթ` մայիսի 26–ին, ՊԲ զորամասերից մեկում պայմանագրային զինծառայող է զոհվել:
15:21
25 Մայիսի 2017
ԵԱՀԿ–ի դիտարկման ընթացքում Ադրբեջանը օգտագործել է հսկողության աերոստատ. ԱԳՆ
Ադրբեջանը ԵԱՀԿ առաքելությանը դուրս չի բերել իր առաջապահ դիրքեր։
12:27
24 Մայիսի 2017
ԵԱՀԿ–ն դիտարկում կանցկացնի Մարտակերտի Սեյսուլան բնակավայրից դեպի արևմուտք
Արցախի Հանրապետության իշխանությունները պատրաստակամություն են հայտնել աջակցել դիտարկման անցկացմանը:
10:44
24 Մայիսի 2017
Հակառակորդն առաջնագծում կիրառել է ականանետեր ու նռնականետեր. հայկական կողմը դիմել է պատասխան գործողությունների
ՊԲ առաջապահ զորամասերը շարունակել են վստահորեն իրականացնել մարտական հերթապահություն։
10:37
23 Մայիսի 2017
Հակառակորդը Դ-44 տիպի հրանոթ է կիրառել շփման գծում
Մայիսի 22-ին և լույս 23-ի գիշերը արցախա-ադրբեջանական հակամարտ զորքերի շփման գծում հակառակորդը տարբեր տրամաչափի հրաձգային զինատեսակներից շուրջ 100 անգամ խախտել է հրադադարի պահպանման ռեժիմը։
13:08
22 Մայիսի 2017
Շահումյան-Սոթք ավտոճանապարհը երկկողմանի փակ է լինելու
Արհեստական քարաթափման պատճառով երկկողմանի փակ է լինելու Շահումյան-Սոթք ավտոճանապարհը։
10:32
22 Մայիսի 2017
Հակառակորդը գիշերն արձակել է ավելի քան 750 կրակոց` կիրառելով նաև 60 մմ ականանետ
ՊԲ առաջապահ զորամասերը հիմնականում ձեռնպահ են մնացել պատասխան գործողություններից։
10:37
20 Մայիսի 2017
Արցախում 21–ամյա զինծառայող է զոհվել
Արցախում այսօր առավոտյան 21–ամյա զինծառայող է զոհվել։
18:17
19 Մայիսի 2017
Ադրբեջանի ԶՈՒ–ն կրակ է վարել իր իսկ դիրքերի ուղղությամբ (ՏԵՍԱՆՅՈՒԹ)
Ադրբեջանի զինուժն այսօր անցել է բանականության մեջ չտեղավորվող գործողության։
12:40
19 Մայիսի 2017
Հակառակորդը շփման գծում ականանետ և նռնականետ է կիրառել
Արցախա-ադրբեջանական հակամարտ զորքերի շփման գծում  հակառակորդը տարբեր տրամաչափի հրաձգային զինատեսակներից խախտել է  հրադադարի պահպանման ռեժիմը։
10:15
18 Մայիսի 2017
Հակառակորդը մոտ 60 անգամ խախտել է հրադադարի պահպանման ռեժիմը շփման գծում
ՊԲ առաջապահ զորամասերը ձեռնարկել են կանխարգելիչ միջոցառումներ։
16:06
17 Մայիսի 2017
ՊԲ–ի կանխարգելիչ գործողությունների արդյունքում հակառակորդը կրել է կորուստներ (ՏԵՍԱՆՅՈՒԹ)
ՊԲ մարտական հերթապահության մեջ գտնվող ստորաբաժանումները ձեռնարկել են կանխարգելիչ գործողություններ: