486.66
-0.08
513.23
+1.81
8.4
-0.01
-4
Եղանակը Երևանում
Հայ
Ղարաբաղյան խնդրի լուծման հնարավորությունը դեռ 1994թ.-ին է բաց թողնվել. ԼՂՀ պաշտպանության նախկին նախարար
14:38
30 Մարտի 2010

Ղարաբաղյան խնդրի լուծման քաղաքական պահը բաց է թողնվել դեռ 1994թ.-ին, կարծում է Լեռնային Ղարաբաղի պաշտպանության նախկին նախարար Սամվել Բաբայանը։

«1994թ.-ին մենք չպետք է կանգ առնեինք, այլ պետք է ստիպեինք վերջնական փաթեթը ստորագրել։ Հասկանալով, որ մեր հակառակորդը 1994թ.-ին համաձայնվեց ստորագրել համաձայնագիրը, պետք է չէ պատրանքների գիրկն ընկնել և համարել, որ վաղը պայմանագիրը կստորագրվի և խաղաղություն կտիրի։ Դա բոլորովին լուրջ չէ»,- երեքշաբթի մամուլի ասուլիսի ընթացքում ասաց Բաբայանը։

Այս կապակցությամբ ԼՂՀ պաշտպանության նախկին նախարարը նշել է, որ երբ պատմության մեջ պատրաստվում էր այս կամ այն պայմանագրի ստորագրումը, կողմերից մեկի համար այդ պայմանները բոլորովին անընդունելի էին։

«1994թ.-ին Ադրբեջանը ստիպված էր մեզ հետ համաձայնագիր կնքել»,- պարզաբանել է  նա՝ ավելացնելով, որ տվյալ երկրների ժողովուրդների հոգեկերտվածքը հետևյալն է. «Մենք չենք կարող կես խոսքից հասկանալ միմյանց, և նման քայլերի ստիպված ենք դիմում»։

Ղարաբաղյան կողմին բանակցությունների գործընթացում ներգրավելու հնարավորության մասին խոսելիս՝ ԼՂՀ  պաշտպանության նախկին նախարարը նշել է, որ դրանից տվյալ պահին ոչինչ չի փոխվի։

«Ղարաբաղը կարող է գործընթացին մասնակից դառնա, եթե իրավիճակը սրվի և գագաթնակետին հասնի»,- ասել է նա։

Բաբայանը կարծում է նաև, որ Ադրբեջանը թույլ չի տա, որ ղարաբաղյան կողմն ինտեգրվի բանակցային գործընթացում, իսկ համանախագահները նույնիսկ չեն փորձում այդ հարցում ճնշում գործադրել Ադրբեջանի վրա և ղարաբաղյան կողմին բանակցության մեջ ներգրավել։

«Մինսկի խումբն իր դերը չի կատարում»,- ավելացրել է նա։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
11:36
23 Փետրվարի 2017
Արցախում զինծառայող է մահացել
Դեպքի մանրամասները պարզելու համար կատարվում է քննություն:
11:08
23 Փետրվարի 2017
Հակառակորդի ակտիվությունը ճնշելու համար ՊԲ–ն դիմել է կանխարգելիչ գործողությունների. հակառակորդն ունի 1 զոհ
Հակառակորդի նախահարձակ ակտիվությունը ճնշելու համար ՊԲ առաջապահ զորամասերը դիմել են կանխարգելիչ գործողությունների, ինչի արդյունքում հակառակորդը տվել է առնվազն 1 զոհ։
11:18
22 Փետրվարի 2017
ԼՂՀ ՊՆ. Ադրբեջանի քարոզչամեքենան փորձում է արդարացնել իր իսկ կողմից նախօրեին արցախյան դիրքերի արկակոծության փաստը
Ադրբեջանի զինուժի հրետակոծության հետևանքով պաշտպանության բանակը կորուստ չի ունեցել և շարունակում է առաջնագծում հանդես գալ պարտադրողի դիրքերից։
10:37
22 Փետրվարի 2017
Իրադրությունն առաջնագծում. գիշերը լարված է եղել, հակառակորդը կիրառել է նաև հրանոթներ
Հակառակորդի նախահարձակ ակտիվությունը ճնշելու համար ՊԲ առաջապահ զորամասերը դիմել են պատասխան գործողությունների և շարունակել վստահորեն իրականացնել մարտական հերթապահություն:
16:28
21 Փետրվարի 2017
ԼՂՀ ՊՆ–ն հերքում է. ՊԲ զորամասերը երբեք քաղաքացիական օբյեկտներն ու խաղաղ բնակչությանը չեն թիրախավորում
ՊԲ առաջապահ ուժերը երբեք նախահարձակի դերում հանդես չեն գալիս, իսկ ադրբեջանական մարտական դիրքերի ուղղությամբ կրակ են բացում միայն խիստ անհրաժեշտության դեպքում:
10:51
21 Փետրվարի 2017
Հակառակորդը շփման գծում դիպուկահար հրացաններ է կիրառել
Ղարաբաղա-ադրբեջանական հակամարտ զորքերի շփման գծում հակառակորդը խախտել է հրադադարի ռեժիմը տարբեր տրամաչափի հրաձգային զինատեսակներից։
10:08
21 Փետրվարի 2017
Հայտնի են Արցախի հանրաքվեի նախնական արդյունքները
Արցախի կենտրոնական ընտրական հանձնաժողովը հրապարակել է Արցախի սահմանադրական հանրաքվեի քվեարկության արդյունքները՝ ժամը 03։00-ի դրությամբ։

22:00
20 Փետրվարի 2017
Արցախի Սահմանադրության նախագծի հանրաքվեն ավարտվել է. քվեարկել է ընտրողների 75,91%–ը
Արցախի Հանրապետությունում ավարտվել է Սահմանադրության նախագծի հանրաքվեն։
18:03
20 Փետրվարի 2017
Ադրբեջանն ընդլայնում է «սև ցուցակը»
Ադրբեջանի ԱԳՆ–ն ուշադիր հետևում է Ղարաբաղի հանրաքվեին:
11:34
20 Փետրվարի 2017
Արցախում Սահմանադրական փոփոխությունների հանրաքվե է անցկացվում
Երկուշաբթի Արցախում Սահմանադրական փոփոխությունների հանրաքվե է անցկացվում։
10:48
20 Փետրվարի 2017
Իրադրությունն առաջնագծում. գիշերը հակառակորդն արձակել է ավելի քան 550 կրակոց
ՊԲ առաջապահ զորամասերը հիմնականում ձեռնպահ են մնացել հակառակորդի սադրիչ գործողություններին պատասխանելուց և շարունակել վստահորեն իրականացնել մարտական ծառայություն:

10:18
19 Փետրվարի 2017
Հակառակորդը գիշերը շփման գծում արձակել է ավելի քան 300 կրակոց
ՊԲ առաջապահ զորամասերը լիակատար վերահսկողություն են պահպանում առաջնագծում և շարունակում վստահորեն իրականացնել մարտական հերթապահություն: