478.38
-0.01
573.43
+2.18
8.23
-0.08
+29
Եղանակը Երևանում
Հայ
Ադրբեջանը շրջաններ է կորցրել՝ չենթարկվելով ՄԱԿ-ի ԱԽ-ի բանաձևերին. ՀՀ նախագահ
12:47
22 Մարտի 2010

Ադրբեջանը շրջաններ է կորցրել՝ չենթարկվելով ՄԱԿ-ի ԱԽ-ի՝ ղարաբաղյան հարցին վերաբերող բանաձևերին և մշտապես խախտելով զինադադարը, ասել է ՀՀ նախագահ Սերժ Սարգսյանը «Euronews»-ին տված հարցազրույցում:

Հայաստանի հանրային հեռուստատեսությունը ցուցադրել է հարցազրույցների հատվածներ, որոնք չեն ներկայացվել «Euronews»-ի հիմնական ռեպորտաժում:

ՀՀ նախագահը գանգատվել է, որ չկա խնդրի էության մեջ խորանալու ցանկություն, չեն ցանկանում նաև տեսնել, թե ինչպես է այդ ամենը տեղի ունեցել:

«Մի՞թե այսօր, երբ այդ իրադարձություններից հետո անցել է 16-17 տարի, մենք մոռացել ենք պատճառահետևանքային կապը», - ասել է նախագահը:

Նա հիշեցրել է, որ ՄԱԿ-ի Անվտանգության խորհուրդը 1993 թ.-ին ընդունել է Լեռնային Ղարաբաղի խնդրին վերաբերող չորս բանաձև:

«Որևէ մեկը հարցրե՞լ է, թե ինչու չորս բանաձև: Ո՞րն է պատճառը, որ իրար ետևից չորս բանաձևերի ընդունումից հետո ՄԱԿ-ի Անվտանգության խորհուրդն այլևս բանաձևեր չընդունեց: Այն պատճառով, որ ՄԱԿ-ի ԱԽ-ի առաջին բանաձևը վերաբերում էր հենց ռազմական գործողությունների դադարին: ՄԱԿ-ը կոչ արեց Ադրբեջանին դադարեցնել ռազմական գործողությունները, իսկ Հայաստանին միայն կոչ արեց օգտագործել սեփական հեղինակությունը Լեռնային Ղարաբաղում խաղաղություն հաստատելու համար, ինչը Հայաստանն ամբողջությամբ կատարեց», - ասել է ՀՀ նախագահը:

Նրա խոսքերով, Ադրբեջանը չէր ենթարկվում այդ բանաձևերին, մշտապես խախտում էր հրադադարն ու կորցնում նոր շրջաններ:

«Նոր բանաձևից հետո Ադրբեջանը խախտում էր հրադադարն ու նոր շրջան կորցնում: Իսկ ի՞նչ պետք է աներ Լեռնային Ղարաբաղի բնակչությունը: Բարձրացներ ձեռքերը, որպեսզի ադրբեջանցիները գային ու սպանեի՞ն իրենց», - նշել է ՀՀ նախագահը:

«Ի՞նչ պետք է անեն ղարաբաղցիները: Վերադարձնե՞ն տարածքները, որպեսզի Ադրբեջանը կրկին հարձակվի և նրանք կրկի՞ն պաշտպանվեն: Այժմ Ադրբեջանը սպառնում է Լեռնային Ղարաբաղին և Հայաստանին ռազմական գործողությունների վերսկսմամբ: Իսկ եթե ռազմական գործողությունների արդյունքում ղարաբաղցիներին հաջողվի ևս մեկ կամ երկու շրջան զբաղեցնե՞լ: Կրկի՞ն պետք է մեղադրեն ղարաբաղցիներին կամ Հայաստանին նրանում, որ իրենք պաշտպանվել են», - ասել է Սարգսյանը:

ՀՀ նախագահն ընդգծել է նաև, որ եթե Ադրբեջանը ցանկանում է վերադարձնել Ղարաբաղն իր կազմի մեջ, ապա պետք է վերականգնի Խորհրդային Միությունը:

Նա անդրադարձել է նաև հակամարտության գոտի փախստականների վերադարձի խնդրին:

Նրա խոսքերով, մարդիկ պետք է իմանան, թե ուր են վերադառնում, թե ինչպիսի օրենքներով են ապրելու, ինչպիսի դատարան է իրենց դատելու, եթե Աստված չանի հանցագործություն կատարեն:

Սարգսյանը նշել է, որ հայկական կողմը չի մերժում փախստականների վերադարձի իրավունքը, սակայն դա պետք է տեղի ունենա Լեռնային Ղարաբաղի կարգավիճակի վերջնական սահմանումից հետո:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
15:11
19 Սեպտեմբերի 2017
Վարչապետ. Հայաստանն ամեն վայրկյան պատրաստ է պատասխանել Արցախի նկատմամբ ցանկացած ոտնձգությանը
Հայաստանն ամեն վայրկյան պատրաստ է պատասխանել Արցախի նկատմամբ ցանկացած ոտնձգությանը:
18:15
18 Սեպտեմբերի 2017
Արցախի շփման գիծը հարկավոր է ամրապնդել. Վիգեն Սարգսյան
Հարկավոր է շարունակել Արցախի առաջնագծի ամրապնդումը, հայտարարեց ՀՀ պաշտպանության նախարար Վիգեն Սարգսյանը Հայաստան–Սփյուռք 6–րդ համաժողովի շրջանակում։
16:23
18 Սեպտեմբերի 2017
Բաքվի հայատյացության քաղաքականության հետևանքները ժամանակի հետ դառնում են վտանգավոր. ԼՂՀ օմբուդսմեն
Բաքվի հայատյացության քաղաքականության հետևանքները ժամանակի հետ դառնում են ավելի վտանգավոր, հայտարարեց Արցախի մարդու իրավունքների պաշտպան Ռուբեն Մելիքյանը:
14:19
18 Սեպտեմբերի 2017
Ի տարբերություն Ադրբեջանի, Արցախի կարծիքով, ղարաբաղյան հակամարտության խաղաղ կարգավորումն այլընտրանք չունի
Ի տարբերություն Ադրբեջանի, Արցախի կարծիքով, ղարաբաղյան հակամարտության խաղաղ կարգավորմանը այլընտրանք չունի:
12:07
18 Սեպտեմբերի 2017
Սարգսյան. Հայաստանի և Արցախի զինված ուժերն անկայուն տարածաշրջանում անվտանգության և խաղաղության երաշխավորներն են
Հայաստանի և Արցախի զինված ուժերն են այսօր այս անկայուն տարածաշրջանում անվտանգության և խաղաղության երաշխավորը, հայտարարել է ՀՀ նախագահ Սերժ Սարգսյանը։
11:32
18 Սեպտեմբերի 2017
Արցախի բնակչությունն ունի սեփական երկրում ազատ, անկախ և անվտանգ ապրելու բնական իրավունք. ՀՀ նախագահ
Արցախի բնակչությունն ունի սեփական երկրում ազատ, անկախ և անվտանգ ապրելու բնական իրավունք, հայտարարել է ՀՀ նախագահ Սերժ Սարգսյանը` ելույթ ունենալով Հայաստան–Սփյուռք 6–րդ համաժողովի շրջանակում։
13:17
15 Սեպտեմբերի 2017
Ադրբեջանական ԶԼՄ–ները հերթական ապատեղեկատվություն են տարածել. Արցախի ՊՆ
Արցախի Հանրապետության պաշտպանության նախարարությունն ապատեղեկատվություն է անվանել ադրբեջանական ԶԼՄ—ներում տարածված տեղեկությունները հայ զինվորների մահվան մասին։
10:43
11 Սեպտեմբերի 2017
ԵԱՀԿ–ն դիտարկում կանցկացնի Հադրութում
Դիտարկումը կանցկացվի Հադրութի շրջանի արևելյան ուղղությամբ:
17:18
07 Սեպտեմբերի 2017
Արցախի նախագահն ընդունել է կառավարության հրաժարականը
Սեպտեմբերի 7-ին Ազգային ժողովի հատուկ նիստում տեղի է ունեցել Արցախի Հանրապետության նախագահի երդման հանդիսավոր արարողությունը։  
14:16
07 Սեպտեմբերի 2017
Արցախի նախագահ Բակո Սահակյանը ստանձնեց պաշտոնը
Բակո Սահակյանը երդում է տվել Սահմանադրությամբ սահմանված կարգով ևստանձնել երկրի ղեկավարի պաշտոնը:
20:35
05 Սեպտեմբերի 2017
ՄԱԿ–ում տարածվել է Արցախի ԱԳՆ–ի փաստաթուղթը Արցախի մեկուսացմանն ուղղված Ադրբեջանի քաղաքականության մասին
Սեպտեմբերի 1-ին փաստաթուղթը հրապարակվել է ՄԱԿ պաշտոնական կայքէջում:
17:37
01 Սեպտեմբերի 2017
Լավրով. եթե Արևմուտքը ընդուներ մեր հռչակագրերը, ղարաբաղյան հակամարտությունը կարգավորված կլիներ
Ռուսաստանը պատասխանատու կողմ է, որը հստակ հետամուտ է այն հռչակագրերին, որոնք ընդունվել են վերջին 20 տարում ԵԱՀԿ–ում և Ռուսաստան–ՆԱՏՕ խորհրդում։