483.75
+0.09
568.65
+1.41
8.21
+0.06
-2
Եղանակը Երևանում
Հայ
Ղարաբաղյան խնդիրն ունի լուծում. ԵԱՀԿ ԽՎ
14:16
11 Մարտի 2010

Ղարաբաղյան հակամարտությունն ունի լուծում, և խնդիրը պետք է լուծվի որքան հնարավոր է շուտ, հինգշաբթի Երևանում ասաց ԵԱՀԿ Խորհրդարանական Վեհաժողովի Լեռնային Ղարաբաղի հարցերով հատուկ զեկուցող և Վրաստանի հարցերով հատուկ հանձնարարությունների դեսպան Գորան Լենմարկերը:

«Հակամարտության մանրամասն լուծումը գոյություն չունի, չեմ կարծում, որ անելու շատ բան է մնացել: Խնդիրը գտնվում է քաղաքական հարթության վրա: Անհրաժեշտ է հասկանալ, որ լուծումը կարևոր է և պետք է պատրաստ լինել ներպետական բանավեճի: Անհրաժեշտ է, որպեսզի հասարակության մեջ համապատասխան վերաբերմունք ձևավորվի», - ասաց Լենմարկերը ՆԱՏՕ-ի Խորհրդարանական Վեհաժողովի «Ռոուզ Ռոթ» սեմինարի ընթացքում:

Նրա խոսքերով, հայկական կողմը հակամարտության լուծման կամք ունի: «Դա ոչ միայն իմ, այլև գործընթացին հետևող մարդկանց կարծիքն է: Ուզում եմ հուսալ, որ նմանատիպ պատրաստակամություն կառաջանա նաև ադրբեջանական կողմի մոտ», - նշեց Լենմարկերը:

ԵԱՀԿ ԽՎ հատուկ զեկուցողի խոսքերով, ղարաբաղյան հակամարտությունը չի կարելի սառեցված համարել, քանի որ դա ապակողմնորոշող պնդում է: «Հակամարտությունը կյանքի նշաններ է ցույց տալիս: Ամեն տարի առաջնային գծում զոհվում է 20-30 մարդ, իսկ դա նշանակում է, որ հակամարտությունը լուրջ լարվածություն է առաջացնում երկու երկրներում, դառնում է տնտեսական բեռի պատճառ, հանգեցնում է քաղաքական հետևանքների, կողմերից խլում է էներգիա և եռանդ: Երիտասարդությունը պետք է ուսանի և աշխատի, այլ ոչ թե գտնվի խրամատներում: Դա վկայում է, որ երկու կողմերն էլ պետք է լուծում գտնեն», - ասաց Լենմարկերը:

Միաժամանակ նա նշեց, որ լուծումը չի կարող դրսից բերվել, և արտաքին ուժերը կարող են միայն օգնել և աջակցել հակամարտող կողմերին:

«Ղարաբաղյան հակամարտության կարգավորման հարթակը Մինսկի գործընթացն է, և այլ հարթություններ, օրինակ՝ ՄԱԿ կամ Եվրոպայի Խորհուրդ, խնդիրը տեղափոխելու փորձերը սխալ են», - նշեց ԵԱՀԿ ԽՎ-ի ներկայացուցիչը:

Նրա խոսքերով, հակամարտության խաղաղ կարգավորումը նշանակում է, որ այն պետք է ընդունելի լինի երկու կողմերի համար և հաշվի առնի հասարակության և բնակչության դիրքորոշումը:

«Հայկական կողմի համար կարևոր է ապահովել և երաշխավորել հայկական բնակչության անվտանգությունը, դա լուծման հիմնական տարրերից մեկն է, և Ադրբեջանը պետք է հասկանա դա: Հայկական կողմն էլ իր հերթին պետք է հասկանա Ադրբեջանի դիրքորոշումը, որն իրեն զգում է «ագրեսիայի» և անարդարության զոհ», - նշեց Լենմարկերը:

Միաժամանակ նա ավելացրեց, որ հակամարտությունը չի կարելի օգտագործել ատելություն և թշնամություն սերմանելու համար: «Այս խնդիրն ինձ անհանգստացնում է ավելի շատ Ադրբեջանում, քան Հայաստանում», - ասաց ԵԱՀԿ ԽՎ ներկայացուցիչը: 

Նա չբացառեց այն հնարավորությունը, որ հակամարտող կողմերի որոշ խմբեր կարող են «բուռն կերպով դիմակայել» հակամարտության լուծմանը: Միաժամանակ նա կոչ արեց հասարակական կարծիքն ու հասարակությունը ձևավորող մարդկանց աջակցել իշխանություններին խաղաղ գործընթացի շարունակության գործում:

«Հակամարտության լուծումն անհրաժեշտ է գտնել որքան հնարավոր է շուտ, այլ ոչ թե հեռավոր ապագայում: Ես նույնիսկ չեմ խոսում մոտ ապագայի մասին», - ասաց Լենմարկերն՝ ավելացնելով, որ դա առաջին հերթին կփրկի առաջնային գծում կանգնած մարդկանց կյանքերը՝ չխոսելով արդեն այլ խնդիրների լուծման մասին:-0-

Loading...
Թեմատիկ նյութեր
Բաժնի այլ նյութեր
10:36
22 Նոյեմբերի 2017
Արցախում 3 զինվոր է զոհվել, ևս մեկը վիրավոր է
Արցախում 3 զինվոր է զոհվել, ևս մեկը վիրավոր է, նրա վիճակը ծանր է։
14:47
21 Նոյեմբերի 2017
ՀՀ ԱԳ նախարարը մեկնաբանել է դեկտեմբերին Սարգսյան–Ալիև հանդիպման հնարավորությունը
Նախարարը նշեց, որ ղարաբաղյան հակամարտության կարգավորման հիմնական սկզբունքների շուրջ քննարկումները վաղուց են ընթանում:
13:49
21 Նոյեմբերի 2017
ԵԱՀԿ ՄԽ–ի համանախագահների առաջարկների ամբողջական փաթեթը մնում է անփոփոխ. Լավրով
Նա դրական բնութագրեց Հայաստանի և Ադրբեջանի նախագահների գնահատականները Ժնևում կայացած վերջին հանդիպման մասին։
15:35
18 Նոյեմբերի 2017
Արցախի ՊՆ-ն ներկայացրել է օպերատիվ իրադրությունը սահմանագծում
Նոյեմբերի 12-ից 18-ն ընկած ժամանակահատվածում արցախա-ադրբեջանական հակամարտ զորքերի շփման գծում հարաբերական հանգիստ է:
12:38
16 Նոյեմբերի 2017
Բակո Սահակյանը կիսում է զինվորի առօրյան մարտական դիրքում (ՖՈՏՈ)
Արցախի նախագահ Բակո Սահակյանը կիսել է զինվորի առօրյան մարտական դիրքում` հանգիստ ծխելով շարքային զինվորների հետ։
13:04
08 Նոյեմբերի 2017
Ադրբեջանական կողմը ԵԱՀԿ առաքելությանը դուրս չի բերել առաջապահ դիրքեր
Դիտարկումն անցել է ըստ նախատեսված ժամանակացույցի, սակայն ադրբեջանական կողմը ԵԱՀԿ առաքելությանը դուրս չի բերել իր առաջապահ դիրքեր:
10:35
07 Նոյեմբերի 2017
ԵԱՀԿ դիտարկում է անցկացվելու Մարտակերտ քաղաքից դեպի հյուսիս
ԵԱՀԿ առաքելությունն Արցախի և Ադրբեջանի զինված ուժերի շփման գծի պլանային դիտարկում է անցկացնելու:
18:05
04 Նոյեմբերի 2017
 Արցախում 20–ամյա զինծառայող է զոհվել. կան վիրավորներ
Այսօր Արցախում 20–ամյա զինծառայող է զոհվել. կան վիրավորներ։
16:55
03 Նոյեմբերի 2017
CNN Greece-ը ֆիլմ է նկարահանել Արցախի մասին (ՎԻԴԵՈ)
Ֆիլմում նշվում է նաև, որ Արցախը երկար տարիներ ապրում է պատերազմի և խաղաղության միջև:
10:23
02 Նոյեմբերի 2017
Էրդողանը մտադիր է քննարկել Պուտինի հետ ղարաբաղյան կարգավորման հարցը
Թուրքիայի նախագահ Ռեջեփ Թայիփ Էրդողանը ցանկանում է հանդիպել ՌԴ նախագահ Վլադիմիր Պուտինի հետ:
15:38
28 Հոկտեմբերի 2017
Իրավիճակն արցախա-ադրբեջանական զորքերի շփման գծում եղել է լարված. ԱՀ ՊՆ
Իրավիճակն արցախա-ադրբեջանական հակամարտ զորքերի շփման գծում նախորդ շաբաթվա համեմատ եղել է լարված։
12:50
25 Հոկտեմբերի 2017
Արցախի ՊԲ հրամանատարը դեսպան Կասպշիկին է ներկայացրել ադրբեջանական սադրանքի ապացույցները
Լևոն Մնացականյանն ընդունել է ԵԱՀԿ գործող նախագահի անձնական ներկայացուցիչ, դեսպան Անջեյ Կասպշիկին: