482.74
-0.81
570.65
+2.43
8.24
+0.06
-2
Եղանակը Երևանում
Հայ
ԼՂՀ վարչապետը հանդիպել է ԱՄՆ արևմտյան ափի ՀՅԴ Կենտրոնական կոմիտեի անդամների հետ
19:53
24 Նոյեմբերի 2009

ԼՂՀ վարչապետ Արա Հարությունյանը նախօրեին հանդիպել է ԱՄՆ արևմտյան ափի ՀՅԴ Կենտրոնական կոմիտեի անդամների հետ ԿԿ ներկայացուցիչ Ավետիք Իզմիրլյանի գլխավորությամբ:

Լեռնային ղարաբաղի պատվիրակությունը ԱՄՆ-ում է գտնվում «Հայաստան» համահայկական հիմնադրամի ամենամյա հեռուստամարաթոնին մասնակցելու համար, որը նոյեմբերի 26-ին կանցկացվի Լոս Անջելեսում:

Ինչպես երեքշաբթի «Նովոստի-Արմենիա» գործակալությանը հայտնեցին ԼՂՀ կառավարության տեղեկատվության և հասարակայնության հետ կապերի վարչությունից, հանդիպմանը քննարկվել են ադրբեջանաղարաբաղյան հակամարտության կարգավորմանը, հայ-թուրքական հարաբերություններին, Հայրենիք-Սփյուռք փոխգործակցությանն առնչվող հարցեր:

Հանրապետության կառավարության ղեկավարն ընդգծել է, որ Արցախի շարունակական զարգացումը հանդիսանում է հայոց պետականության ամրապնդման կարևորագույն հիմքերից մեկը, և այս գործընթացում հայ ժողովրդի բոլոր հատվածները պետք է լինեն համախմբված ու միակամ:

Այս տեսանկյունից Արա Հարությունյանը կարևորել է Շուշիի վերականգնումը, ինչն իր հերթին հանդիսանում է Արցախի զորացման հանգուցային բաղադրամասերից մեկը:

Հանդիպմանը ներկա են եղել Հայ Առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը, ԼՂՀ նախագահի աշխատակազմի տեղեկատվության գլխավոր վարչության պետ Դավիթ Բաբայանը, ԱՄՆ-ում ԼՂՀ մշտական ներկայացուցիչ Ռոբերտ Ավետիսյանը:

Նույն օրը վարչապետի գլխավորած պատվիրակությունն այցելել է Վահան և Անուշ Շամլեյան ազգային վարժարան և հանդիպել դպրոցի ուսուցչական կազմի և աշակերտների հետ:

Արա Հարությունյանը բարձր է գնահատել հաստատության դերը մատաղ սերնդի հայեցի դաստիարակության գործում՝ ընդգծելով, որ հենց դպրոցում է կերտվում ազգի ապագան:

Վարչապետը կարևորել է նաև վարժարանի երկարամյա կապը Աշանի միջնակարգ դպրոցի հետ` այն համարելով Հայրենիք-Սփյուռք համագործակցության վառ օրինակ:

Նոյեմբերի 23-ին  Արա Հարությունյանն այցելել է նաև Հայ Առաքելական եկեղեցու Հյուսիսային Ամերիկայի Արևմտյան թեմի առաջնորդարան և հանդիպել թեմի առաջնորդ Հովնան արքեպիսկոպոս Տերտերյանի, ծխական խորհրդի և հայ համայնքի ներկայացուցիչների հետ:

Վարչապետը ներկաներին ծանոթացրել է ԼՂՀ սոցիալ-տնտեսական իրավիճակին, ադրբեջանաղարաբաղյան հակամարտության կարգավորման ներկա փուլին և Շուշիում իրականացվող տարբեր ծրագրերի ընթացքին:

Խոսելով Հայրենիք-Սփյուռք կապերի մասին` Արա Հարությունյանն ընդգծել է Հայ Առաքելական եկեղեցու դերը այդ կապերի հետագա զարգացման և ընդլայնման, Հայոց անկախ պետականության կայացման և Սփյուռքում հայապահպանման գործում:

Նույն օրը վարչապետ Արա Հարությունյանը հանդիպում է ունեցել նաև բարերար Իսահակ Վարդանյանի հետ:

Հանդիպման ընթացքում քննարկվել են Արցախում շինարարության ոլորտում իրականացվելիք ծրագրերի հետ կապված հարցեր:

Արա Հարությունյանը երախտագիտություն է հայտնել Իսահակ Վարդանյանին` Արցախին մշտական աջակցություն ցուցաբերելու համար և հույս հայտնել, որ ակտիվ համագործակցությունը կշարունակվի նաև ապագայում: -0-

Loading...
Թեմատիկ նյութեր
Բաժնի այլ նյութեր
23:32
14 Դեկտեմբերի 2017
Հայաստանի նախագահը նշեց ղարաբաղյան բանակցությունների 2 հիմնական ուղղությունները
Հայաստանի նախագահ Սերժ Սարգսյանը ներկայացրեց այն երկու հիմնական ուղղությունները, որոնցով պետք է ընթանա ղարաբաղյան կարգավորման բանակցային գործընթացը:
17:20
08 Դեկտեմբերի 2017
Ղարաբաղյան հակամարտության կողմերի միջև երկխոսությունը դեռ չի հանգեցնում լուրջ առաջընթացի. Լավրով
Նրա խոսքով, սա հեշտ հարց չէ, սակայն նրանք կշարունակեն զբաղվել դրանով։
13:45
06 Դեկտեմբերի 2017
ԵԱՀԿ առաքելության դիտարկումն Արցախի և Ադրբեջանի սահմանում անցել է ըստ նախատեսված ժամանակացույցի
ԵԱՀԿ առաքելությունն Արցախի և Ադրբեջանի զինված ուժերի շփման գծի պլանային դիտարկում է անցկացրել Մարտունու շրջանի Կուրոպատկինո բնակավայրից դեպի հյուսիս:
12:18
05 Դեկտեմբերի 2017
ԵԱՀԿ–ն պլանային դիտարկում է անցկացվելու շփման գծում
ԵԱՀԿ առաքելությունը շփման գծի պլանային դիտարկում է անցկացնելու Մարտունու շրջանի Կուրոպատկինո բնակավայրից դեպի հյուսիս:
11:00
03 Դեկտեմբերի 2017
ՀՀ նախագահ. մենք կարողանում ենք և պաշտպանելու ենք մեր սահմանն ու հայրենիքը (ՖՈՏՈ)
ՀՀ նախագահն Արցախ կատարած այցի շրջանակում մասնակցել է զորավարժությունների։
21:05
01 Դեկտեմբերի 2017
ՀՀ նախագահն աշխատանքային այցով այցելել է Արցախ (ՖՈՏՈ)
ՀՀ նախագահն աշխատանքային այցով այսօր այցելել է Արցախ։
10:36
22 Նոյեմբերի 2017
Արցախում 3 զինվոր է զոհվել, ևս մեկը վիրավոր է
Արցախում 3 զինվոր է զոհվել, ևս մեկը վիրավոր է, նրա վիճակը ծանր է։
14:47
21 Նոյեմբերի 2017
ՀՀ ԱԳ նախարարը մեկնաբանել է դեկտեմբերին Սարգսյան–Ալիև հանդիպման հնարավորությունը
Նախարարը նշեց, որ ղարաբաղյան հակամարտության կարգավորման հիմնական սկզբունքների շուրջ քննարկումները վաղուց են ընթանում:
13:49
21 Նոյեմբերի 2017
ԵԱՀԿ ՄԽ–ի համանախագահների առաջարկների ամբողջական փաթեթը մնում է անփոփոխ. Լավրով
Նա դրական բնութագրեց Հայաստանի և Ադրբեջանի նախագահների գնահատականները Ժնևում կայացած վերջին հանդիպման մասին։
15:35
18 Նոյեմբերի 2017
Արցախի ՊՆ-ն ներկայացրել է օպերատիվ իրադրությունը սահմանագծում
Նոյեմբերի 12-ից 18-ն ընկած ժամանակահատվածում արցախա-ադրբեջանական հակամարտ զորքերի շփման գծում հարաբերական հանգիստ է:
12:38
16 Նոյեմբերի 2017
Բակո Սահակյանը կիսում է զինվորի առօրյան մարտական դիրքում (ՖՈՏՈ)
Արցախի նախագահ Բակո Սահակյանը կիսել է զինվորի առօրյան մարտական դիրքում` հանգիստ ծխելով շարքային զինվորների հետ։
13:04
08 Նոյեմբերի 2017
Ադրբեջանական կողմը ԵԱՀԿ առաքելությանը դուրս չի բերել առաջապահ դիրքեր
Դիտարկումն անցել է ըստ նախատեսված ժամանակացույցի, սակայն ադրբեջանական կողմը ԵԱՀԿ առաքելությանը դուրս չի բերել իր առաջապահ դիրքեր: