485.92
+0.24
514.49
-2.52
8.16
-0.01
-7
Եղանակը Երևանում
Հայ
Հայ-թուրքական հարաբերությունները որևէ կերպ չեն առնչվում ադրբեջանաղարաբաղյան հակամարտության կարգավորման հետ. ԼՂՀ վարչապետ
14:24
19 Նոյեմբերի 2009

ՍՏԵՓԱՆԱԿԵՐՏ, 19 նոյեմբերի. /Նովոստի-Արմենիա/. Հայ-թուրքական հարաբերությունները որևէ կերպ չեն առնչվում ադրբեջանաղարաբաղյան հակամարտության կարգավորման հետ, և դրանց հետագա զարգացումը չի կարող լինել Արցախյան հիմնախնդրում միակողմանի զիջումների և 1915 թվականի ցեղասպանության չճանաչման հաշվին:

Այս մասին ԼՂՀ վարչապետ Արա Հարությունյանը խոսել է նոյեմբերի 18-ին Նյու Յորք քաղաքում ՀՅԴ ԱՄՆ Արևելյան շրջանի կենտրոնական կոմիտեի ներկայացուցիչ Անդրանիկ Գասպարյանի և կենտրոնական կոմիտեի անդամ Հրայր Բարոնյանի հետ ունեցած հանդիպման ժամանակ:

Ինչպես հինգշաբթի «Նովոստի-Արմենիա» գործակալությանը հայտնեցին ԼՂՀ կառավարության տեղեկատվության և հասարակայնության հետ կապերի վարչությունից, հանդիպման ժամանակ քննարկվել են ադրբեջանաղարաբաղյան հակամարտության կարգավորմանը, հայ-թուրքական հարաբերություններին, Արցախի սոցիալ-տնտեսական զարգացմանը և Հայրենիք-Սփյուռք կապերին վերաբերող մի շարք հարցեր:

ԼՂՀ կառավարության ղեկավարն ընդգծել է, որ հայ-թուրքական հարաբերությունները որևէ կերպ չեն առնչվում ադրբեջանաղարաբաղյան հակամարտության կարգավորման հետ, և դրանց հետագա զարգացումը չի կարող լինել Արցախյան հիմնախնդրում միակողմանի զիջումների և 1915 թվականի ցեղասպանության չճանաչման հաշվին:

Վարչապետը նշել է, որ Հայրենիք-Սփյուռք կապերի հետագա ամրապնդման եւ ընդլայնման հիմքերից մեկը հայրենասեր սերնդի դաստիարակումն է:

Խոսելով Շուշիի վերականգնման մասին` երկուստեք ընդգծվել է այդ գործընթացի կենսական նշանակությունը համայն հայության համար, որի հաջող իրականացումը կտա բազմաթիվ հարցերի պատասխանը:

Հանդիպմանը մասնակցում էին Հայ Առաքելական Եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը, ԼՂՀ նախագահի աշխատակազմի տեղեկատվության գլխավոր վարչության պետ Դավիթ Բաբայանը, ԱՄՆ-ում ԼՂՀ մշտական ներկայացուցիչ Ռոբերտ Ավետիսյանը:

Նույն օրը ԼՂՀ վարչապետի գլխավորած պատվիրակությունը ՄԱԿ-ում ՀՀ մշտական ներկայացուցիչ Կարեն Նազարյանի ուղեկցությամբ այցելել է Միավորված ազգերի կազմակերպություն և ծանոթացել այդ հեղինակավոր կազմակերպության կառուցվածքին և աշխատանքներին:

Արա Հարությունյանը նշել է, որ Արցախի անկախության միջազգային ճանաչումը եւ ՄԱԿ-ին մեր հանրապետության անդամակցությունը լոկ ժամանակի խնդիր է:    

 

Այնուհետև կառավարության ղեկավարը մեկնել է Պարամուս քաղաք և Հայ ավետարանչական միության կենտրոնական գրասենյակում հանդիպում ունեցել կազմակերպության գործադիր տնօրեն Էնդրյու Տուրիկյանի հետ:

Հանդիպման ընթացքում քննարկվել են Արցախում տարբեր ծրագրերի իրականացմանն առնչվող հարցեր: Հատուկ անդրադարձ է կատարվել Հադրութ քաղաքում նոր մանկապարտեզային համալիրի կառուցմանը:

Արա Հարությունյանը բարձր է գնահատել Հայ ավետարանչական միության ներդրումը մեր հանրապետության նախադպրոցական ցանցի վերականգնման ու զարգացման գործում և հույս հայտնել, որ այդ ակտիվ համագործակցությունը կշարունակվի այսուհետ եւս: 

Նոյեմբերի 18-ին Էջուատեր քաղաքում ԼՂՀ վարչապետի գլխավորած պատվիրակության պատվին կազմակերպվել է ճաշկերույթ, որին մասնակցում էին հայկական համայնքի մոտ վեց տասնյակ ներկայացուցիչներ և բարերարներ:

Իր խոսքում Արա Հարությունյանը ներկայացրել է մեր հանրապետության սոցիալ-տնտեսական իրավիճակը, Շուշի քաղաքի վերականգնմանն ու զարգացմանն ուղղված ծրագրերը, պատասխանել ներկաներին հուզող հարցերին:

Միջոցառմանը ներկա էին ԱՄՆ-ում ՀՀ արտակարգ և լիազոր դեսպան Թաթուլ Մարգարյանը և ՄԱԿ-ում ՀՀ մշտական ներկայացուցիչ Կարեն Նազարյանը: -0-

Loading...
Թեմատիկ նյութեր
Բաժնի այլ նյութեր
15:19
16 Հունվարի 2017
Զինծառայող է մահացել Արցախում հրազենային վիրավորումից
ՊԲ զինծառայողը մահացու հրազենային վիրավորում է ստացել։
14:20
16 Հունվարի 2017
Քաղաքագետը չի բացառում Ադրբեջանի կողմից ԼՂՀ սահմանում իրավիճակի սրումը
Ղարաբաղա-ադրբեջանական հակամարտ զորքերի շփման գծում Ադրբեջանի կողմից իրավիճակի մասշտաբային սրումը չի բացառվում:
11:35
16 Հունվարի 2017
Մահացել է հակառակորդի գնդակից վիրավորված հայ զինծառայողը
2016 թվականի դեկտեմբերի 30 ծանր վիրավորում ստացած հայ զինծառայողը մահացել է նախօրեին Երևանի Կենտրոնական հոսպիտալում:
10:42
16 Հունվարի 2017
Արցախի ՊԲ–ն խիստ գործողությունների կդիմի առաջնագծում լարվածության սրման դեպքում
Արցախի պաշտպանության բանակն ավելի խիստ գործողությունների կդիմի, եթե հակառակորդն առաջնագծում շարունակի լարել իրավիճակը:
12:17
14 Հունվարի 2017
Ղարաբաղի ընտանիքները «Տաշիր» հիմնադրամից 4 հազարական դոլար կստանան չորրորդ երեխայի համար
Հունվարի 20-ին «Տաշիր» բարեգործական հիմնադրամը 4000-ական դոլար է հատկացնելու 2016թ.-ի ընթացքում Արցախի ընտանիքներում ծնված չորրորդ երեխաներին:
10:40
14 Հունվարի 2017
Գիշերը հակառակորդը շփման գծի հյուսիսարևելյան ուղղությամբ կիրառել է ՀԱՆ-17 տիպի նռնականետ
Հակառակորդը հայ դիրքապահների ուղղությամբ արձակել է ավելի քան 500 կրակոց:
11:03
13 Հունվարի 2017
Հակառակորդը խախտել է հրադադարի ռեժիմը գնդացիրներից
Ղարաբաղա-ադրբեջանական հակամարտ զորքերի շփման գծում հակառակորդը հրադադարի պահպանման ռեժիմը  խախտել է շուրջ 40 անգամ:
19:36
12 Հունվարի 2017
Լավրովը ԵԱՀԿ գործող նախագահի հետ կքննարկի ղարաբաղյան խնդիրը
ՌԴ արտաքին գործերի նախարար Սերգեյ Լավրովը ղարաբաղյան խնդիրը կքննարկի ԵԱՀԿ գործող նախագահի հետ։

10:20
12 Հունվարի 2017
Իրադրությունն առաջնագծում. հակառակորդը գիշերն արձակել է ավելի քան 400 կրակոց
ՊԲ առաջապահ զորամասերը ձեռնպահ են մնացել պատասխան գործողություններից և շարունակել վստահորեն իրականացնել մարտական հերթապահություն:
10:50
11 Հունվարի 2017
Իրադրությունն առաջնագծում. ադրբեջանական ԶՈւ–ի կողմից առավել ինտենսիվ խախտումներ են արձանագրվել Մարտունու հատվածում
ՊԲ առաջապահ զորամասերը շարունակել են վստահորեն իրականացնել իրենց առջև դրված մարտական խնդիրը՝ պատասխան գործողությունների դիմելով միայն խիստ անհրաժեշտության դեպքում:
12:12
10 Հունվարի 2017
ԵԱՀԿ ՄԽ–ն կոչ է անում Հայաստանին վերադարձնել ադրբեջանցի սպանված զինծառայողի մարմինը
ԵԱՀԿ Մինսկի խմբի համանախագահները նախօրեին հայտարարություն են տարածել:
10:38
09 Հունվարի 2017
Իրադրությունն առաջնագծում. հակառակորդը գիշերը հրադադարի ռեժիմը խախտել է շուրջ 30 անգամ
ՊԲ առաջապահ զորամասերը տիրապետում են օպերատիվ-մարտավարական իրադրությանը և շարունակում իրականացնել մարտական դիրքերի հուսալի պահպանություն։