486.21
-0.98
517.62
-1.72
8.15
+0.04
-5
Եղանակը Երևանում
Հայ
ԼՂՀ վարչապետ մի շարք հանդիպումներ է ունեցել Նյու Յորքում
16:43
18 Նոյեմբերի 2009

ՍՏԵՓԱՆԱԿԵՐՏ, 18 նոյեմբերի. /Նովոստի-Արմենիա/. ԼՂՀ վարչապետ Արա Հարությունյանը նոյեմբերի 17-ին Նյու Յորք քաղաքում այցելել է Սուրբ Վարդան մայր տաճար և Հայ Առաքելական Եկեղեցու ԱՄՆ Արևելյան թեմի առաջնորդարանում հանդիպում ունեցել թեմի առաջնորդ Խաժակ արքեպիսկոպոս Բարսամյանի, մի շարք կազմակերպությունների ղեկավարների և հայկական համայնքի ներկայացուցիչների հետ:

Ինչպես «Նովոստի-Արմենիա գործակալությանը հայտնեցին ԼՂՀ կառավարության տեղեկատվության և հասարակայնության հետ կապերի վարչությունից Արա Հարությունյանը ներկայացրել է հանրապետության սոցիալ-տնտեսական իրավիճակը, իրականացվող ծրագրերը, ինչպես նաեւ ադրբեջանաղարաբաղյան հակամարտության կարգավորման ներկա ընթացքն ու հեռանկարները:

«ԼՂՀ կառավարության ղեկավարը նշել է Հայրենիք-Սփյուռք հարաբերությունների շարունակական զարգացման ու ընդլայնման անհրաժեշտությունը և այդ գործում եկեղեցու կարևոր դերակատարությունը»,-ասված է հաղորդագրության մեջ:

Երկուստեք ընդգծվել է նաև Շուշի քաղաքի նշանակությունը և նրա շենացման կարեւորությունը հայ ժողովրդի և պետականության համար:

Նույն օրը վարչապետ Արա Հարությունյանն այցելել է ՄԱԿ-ում ՀՀ մշտական ներկայացուցչություն և հանդիպել Միացյալ ազգերի կազմակերպությունում Հայաստանի մշտական ներկայացուցիչ Կարեն Նազարյանի հետ:

Հանդիպման ժամանակ քննարկվել են ադրբեջանաղարաբաղյան հակամարտության կարգավորման, տարածաշրջանային և համաշխարհային քաղաքական զարգացումների հետ կապված հարցեր:

Արա Հարությունյանն ընդգծել է, որ ԼՂՀ-ում մեծ նշանակություն են տալիս միջազգային տարբեր ատյաններում արցախյան հիմնախնդրի անկողմնակալ և ճշմարտացի ներկայացմանը, և այս համատեքստում առանձնակի կարևորություն ունի ՄԱԿ-ը:

ԼՂՀ կառավարության ղեկավարը գոհունակությամբ նշել է, որ Հայաստանի ներկայացուցչությունն ակտիվացրել է աշխատանքն այս ուղղությամբ, և նման գործելաոճը պետք է պահպանվի նաև հետագայում:    

Նոյեմբերի 17-ին վարչապետ Արա Հարությունյանը հանդիպում է ունեցել նաև Հայ ոսկերիչների միության մի խումբ անդամների հետ` կազմակերպության նախագահ Պոլ Մինոյանի գլխավորությամբ:

Հանդիպմանը քննարկվել են Արցախի սոցիալ-տնտեսական իրավիճակին և տարբեր ծրագրերի իրականացմանն առնչվող հարցեր:

Վարչապետը կարևորել է նման միությունների դերը` նշելով, որ նրանց արդյունավետ գործունեությունը հանդիսանում է հայկական համաշխարհային բիզնես ներուժի համախմբման և հայրենիքի հետ գործնական ու փոխշահավետ համագործակցության զարգացման անհրաժեշտ պայմաններից մեկը:-0-

ԱՄՆ-ում ԼՂՀ վարչապետի հանդիպումներին մասնակցում էին Հայ Առաքելական Եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը, ԼՂՀ Նախագահի աշխատակազմի տեղեկատվության գլխավոր վարչության պետ Դավիթ Բաբայանը, ԱՄՆ-ում ԼՂՀ մշտական ներկայացուցիչ Ռոբերտ Ավետիսյանը:

Loading...
Թեմատիկ նյութեր
Բաժնի այլ նյութեր
11:06
20 Հունվարի 2017
Հակառակորդն ինտենսիվ խախտել է հրադադարի ռեժիմն առաջնագծում
Հունվարի 19-ին և լույս 20-ի գիշերը ղարաբաղա-ադրբեջանական հակամարտ զորքերի շփման գծի բոլոր հատվածներում հակառակորդը խախտել է հրադադարի ռեժիմը:
11:54
19 Հունվարի 2017
Հրապարակվել է ԼՂՀ–ում Սահմանադրության նախագծի հանրաքվեի օրը
ԼՂՀ նախագահ Բակո Սահակյանը ստորագրել է հրամանագիր Արցախի Հանրապետության Սահմանադրության նախագիծը հանրաքվեի դնելու մասին:
10:31
19 Հունվարի 2017
Իրադրությունն առաջնագծում. հակառակորդը հայ դիրքապահների ուղղությամբ արձակել է ավելի քան 600 կրակոց
ՊԲ առաջապահ զորամասերը շարունակել են վստահորեն իրականացնել իրենց առջև դրված մարտական խնդիրը՝ խիստ անհրաժեշտության դեպքում դիմելով նաև պատասխան գործողությունների:

18:11
18 Հունվարի 2017
Ղարաբաղում զոհված զինծառայողը պարգևատրվել է «Մարտական ծառայություն» մեդալով
ԼՂՀ նախագահ Բակո Սահակյանը հունվարի 18-ին ստորագրել է հրամանագիր, համաձայն որի` Անդրանիկ Մուսիկյանը հետմահու պարգևատրվել է «Մարտական ծառայություն» մեդալով:
16:48
18 Հունվարի 2017
Ղարաբաղում հակառակորդի կողմից արձակված կրակոցից զինծառայող է մահացել
Դեպքի մանրամասները պարզելու համար կատարվում է քննություն:
11:03
18 Հունվարի 2017
Հակառակորդը խախտել է հրադադարի ռեժիմը խոշոր տրամաչափի դիպուկահար հրացաններից
Հունվարի 17-ին և լույս 18-ի գիշերը ղարաբաղա-ադրբեջանական հակամարտ զորքերի շփման գծում հակառակորդը խախտել է հրադադարի ռեժիմն ավելի քան 45 անգամ:
17:36
17 Հունվարի 2017
Արցախի խորհրդարանը համաձայնություն է տվել հանրապետության Սահմանադրության նախագիծը հանրաքվեի դնելուն
Լեռնային Ղարաբաղի Հանրապետության Ազգային ժողովն արտահերթ նիստում համաձայնություն է տվել Արցախի Հանրապետության Սահմանադրության նախագիծը հանրաքվեին ներկայացնելուն:
14:28
17 Հունվարի 2017
Լավրով. ղարաբաղյան հակամարտության կարգավորումը Ադրբեջանի ներքին գործը չէ
Լեռնային Ղարաբաղի հակամարտության կարգավորումը վերացական չէ և «Ադրբեջանի բացառապես ներքին գործերի թեման չէ», հայտարարել է ՌԴ ԱԳ նախարար Սերգեյ Լավրովը 2016 թ,-ի ամփոփիչ մամուլի ասուլիսի ժամանակ:

10:50
17 Հունվարի 2017
Արցախում զինծառայող է վիրավորվել
Դեպքի մանրամասները պարզելու համար կատարվում է քննություն:
15:19
16 Հունվարի 2017
Զինծառայող է մահացել Արցախում հրազենային վիրավորումից
ՊԲ զինծառայողը մահացու հրազենային վիրավորում է ստացել։
14:20
16 Հունվարի 2017
Քաղաքագետը չի բացառում Ադրբեջանի կողմից ԼՂՀ սահմանում իրավիճակի սրումը
Ղարաբաղա-ադրբեջանական հակամարտ զորքերի շփման գծում Ադրբեջանի կողմից իրավիճակի մասշտաբային սրումը չի բացառվում:
11:35
16 Հունվարի 2017
Մահացել է հակառակորդի գնդակից վիրավորված հայ զինծառայողը
2016 թվականի դեկտեմբերի 30 ծանր վիրավորում ստացած հայ զինծառայողը մահացել է նախօրեին Երևանի Կենտրոնական հոսպիտալում: