483.66
-1.12
567.24
-4.56
8.15
-0.04
+7
Եղանակը Երևանում
Հայ
Լեռնային Ղարաբաղը զուտ հայկական տարածք է. թուրք լրագրող
14:50
16 Նոյեմբերի 2009

Լեռնային Ղարաբաղը զուտ հայկական տարածք է, Լեռնային Ղարաբաղի հանրային հեռուստատեսությանը տված հարցազրույցում հայտարարել է Ստեփանակերտում գտնվող լրագրող Նագեհան Ալչեն, ով Ստամբուլում հրատարակվող «Աքշամ» թերթի թղթակիցն է:

«Մենք Թուրքիայում սխալվում էինք, Ղարաբաղը հարյուրտոկոսանոց հայկական տարածք է, և մենք հասկացել ենք, որ դուք բավականին վճռական ենք այդ հողերը չզիջելու հարցում»,-ասել է նա:

Լրագրողը նշել է, որ ցանկանում էր սեփական աչքերով տեսնել Լեռնային Ղարաբաղը, անձամբ ծանոթանալ ղարաբաղցիների աշխարհայացքի, հեռանկարների և ակնկալիքների հետ: «Դիմելով իմ գլխավոր խմբագրին Ղարաբաղ մեկնելու առաջարկով՝ ես դրական պատասխան ստացա», - ասել է Ալչեն:

Լրագրողի կարծիքով, Լեռնային Ղարաբաղի շուրջ գոյություն ունեցող տարածքային վեճը հետաքրքրում է նաև Թուրքիային:

«Այն, ինչ ես տեսա այստեղ, ցրեց Ղարաբաղի անցյալի և ապագայի վերաբերյալ մինչ այժմ գոյություն ունեցող կասկածները: Այս ամենին հիմնականում նպաստեցին մի շարք պաշտոնատար անձանց և շարքային քաղաքացիների հետ ունեցած զրույցները: Մենք տպավորված ենք Ստեփանակերտով և մտադիր ենք կրկին այցելել այստեղ», - նշել է Ալչեն:

Միաժամանակ լրագրողն ասել է, որ Ստամբուլում բնակվող հայերը «հատկանշական դեր են խաղում մեգապոլիսի հասարակական և մշակութային կյանքի ակտիվացման գործում»:

Իր կարծիքն արտահայտելով Օսմանյան Թուրքիայում Հայոց ցեղասպանության վերաբերյալ՝ Ալչեն նշել է, որ պատմաբան չէ և չի կարող ասել, թե, արդյո՞ք, եղել է դա ցեղասպանություն, ողբերգություն, սակայն հավաստիացրել է, որ «1915 թ.-ին տեղի են ունեցել ողբերգական իրադարձություններ»:

«Ես ցավում եմ նման երևույթների համար: Մենք պետք է ընկերներ դառնանք, քանի որ եղել ենք ընկերներ և միասին պատմություն ենք կերտել: Պետք է անցյալից ներկա և ապագա տեղափոխել այդ ընկերությունը և ոչ թե տխրությունը», - ասել է Ալչեն:

Մեկնաբանելով հայ-թուրքական հարաբերությունների բարելավմանն ուղղված երկու երկրների իշխանությունների փորձերը՝ լրագրողը հայտարարել է, որ «մենք ցանկանում ենք, որպեսզի սահմանները բացվեն, սակայն ղարաբաղյան խնդիրն այդ գործընթացի հիմնական խոչընդոտներից մեկն է: Մեր կառավարությունը հայտարարում է այն մասին, որ մինչև ղարաբաղյան հակամարտությունը չլուծվի, սահմանները չեն բացվեն: Կապրենք, կտեսնենք»:

Պատասխանելով այն հարցին, թե արդյոք նա մտավախություններ չունի՞ Ադրբեջանի իշխանությունների կողմից անհամազոր արձագանքների կապակցությամբ՝ Ալչեն հայտարարել է, որ «Ադրբեջանում, ամենայն հավանականությամբ, գոհ չեն լինի այն փաստից, որ մենք գտնվում ենք Ղարաբաղում, մենք գիտենք այդ մասին»:

«Կփորձենք լինել անաչառ, ներկայացնել տարածաշրջանի բնութագիրն ու գրել ճշմարիտ պատմություններ: Հնարավոր է, որ Ադրբեջանում մեզ պերսոնա նոն գրատա համարեն, սակայն ես չեմ ցանկանում նեղացնել որևէ մեկին Ադրբեջանում և Հայաստանում: Սա պարզապես իմ աշխատանքն է, ես լրագրող եմ և, ելնելով իմ մասնագիտությունից, պետք է այցելեմ ամեն տեղ», - նշել է Ալչեն:

Լեռնային Ղարաբաղ կատարած այցի ընթացքում թուրք լրագրողը լուսանկարչի հետ ծրագրում է այցելել Շուշի, հանրապետության մի շարք բնակավայրեր, հանդիպել փախստականների հետ և ծանոթանալ նրանց կենցաղի և կարգավիճակի հետ:-0-

Loading...
Թեմատիկ նյութեր
Բաժնի այլ նյութեր
14:47
21 Նոյեմբերի 2017
ՀՀ ԱԳ նախարարը մեկնաբանել է դեկտեմբերին Սարգսյան–Ալիև հանդիպման հնարավորությունը
Նախարարը նշեց, որ ղարաբաղյան հակամարտության կարգավորման հիմնական սկզբունքների շուրջ քննարկումները վաղուց են ընթանում:
13:49
21 Նոյեմբերի 2017
ԵԱՀԿ ՄԽ–ի համանախագահների առաջարկների ամբողջական փաթեթը մնում է անփոփոխ. Լավրով
Նա դրական բնութագրեց Հայաստանի և Ադրբեջանի նախագահների գնահատականները Ժնևում կայացած վերջին հանդիպման մասին։
15:35
18 Նոյեմբերի 2017
Արցախի ՊՆ-ն ներկայացրել է օպերատիվ իրադրությունը սահմանագծում
Նոյեմբերի 12-ից 18-ն ընկած ժամանակահատվածում արցախա-ադրբեջանական հակամարտ զորքերի շփման գծում հարաբերական հանգիստ է:
12:38
16 Նոյեմբերի 2017
Բակո Սահակյանը կիսում է զինվորի առօրյան մարտական դիրքում (ՖՈՏՈ)
Արցախի նախագահ Բակո Սահակյանը կիսել է զինվորի առօրյան մարտական դիրքում` հանգիստ ծխելով շարքային զինվորների հետ։
13:04
08 Նոյեմբերի 2017
Ադրբեջանական կողմը ԵԱՀԿ առաքելությանը դուրս չի բերել առաջապահ դիրքեր
Դիտարկումն անցել է ըստ նախատեսված ժամանակացույցի, սակայն ադրբեջանական կողմը ԵԱՀԿ առաքելությանը դուրս չի բերել իր առաջապահ դիրքեր:
10:35
07 Նոյեմբերի 2017
ԵԱՀԿ դիտարկում է անցկացվելու Մարտակերտ քաղաքից դեպի հյուսիս
ԵԱՀԿ առաքելությունն Արցախի և Ադրբեջանի զինված ուժերի շփման գծի պլանային դիտարկում է անցկացնելու:
18:05
04 Նոյեմբերի 2017
 Արցախում 20–ամյա զինծառայող է զոհվել. կան վիրավորներ
Այսօր Արցախում 20–ամյա զինծառայող է զոհվել. կան վիրավորներ։
16:55
03 Նոյեմբերի 2017
CNN Greece-ը ֆիլմ է նկարահանել Արցախի մասին (ՎԻԴԵՈ)
Ֆիլմում նշվում է նաև, որ Արցախը երկար տարիներ ապրում է պատերազմի և խաղաղության միջև:
10:23
02 Նոյեմբերի 2017
Էրդողանը մտադիր է քննարկել Պուտինի հետ ղարաբաղյան կարգավորման հարցը
Թուրքիայի նախագահ Ռեջեփ Թայիփ Էրդողանը ցանկանում է հանդիպել ՌԴ նախագահ Վլադիմիր Պուտինի հետ:
15:38
28 Հոկտեմբերի 2017
Իրավիճակն արցախա-ադրբեջանական զորքերի շփման գծում եղել է լարված. ԱՀ ՊՆ
Իրավիճակն արցախա-ադրբեջանական հակամարտ զորքերի շփման գծում նախորդ շաբաթվա համեմատ եղել է լարված։
12:50
25 Հոկտեմբերի 2017
Արցախի ՊԲ հրամանատարը դեսպան Կասպշիկին է ներկայացրել ադրբեջանական սադրանքի ապացույցները
Լևոն Մնացականյանն ընդունել է ԵԱՀԿ գործող նախագահի անձնական ներկայացուցիչ, դեսպան Անջեյ Կասպշիկին:
11:26
25 Հոկտեմբերի 2017
Հակառակորդը կրկին ակտիվություն է դրսևորել ղարաբաղա-ադրբեջանական հակամարտ զորքերի շփման գծում
Ադրբեջանական զինուժը 60 մմ-ոց ականանետերից արձակել է 23 արկ: