483.51
+0.04
521.51
-0.3
8.36
-0.1
+1
Եղանակը Երևանում
Հայ
Ադրբեջանում պատմական փաստերի և իրադարձությունների խեղաթյուրման հարցում հսկայան փորձ է կուտակվել. ԼՂՀ ԱԳՆ
15:58
03 Նոյեմբերի 2009

Ադրբեջանում պատմական փաստերի և իրադարձությունների խեղաթյուրման հարցում հսկայան փորձ է կուտակվել:

«Այն, որ Ադրբեջանում պատմական փաստերի ու իրադարձությունների աղավաղման ու խեղաթյուրման հարցերում հսկայական փորձ են կուտակել, հանրահայտ իրողություն է: Եվ ահա Ադրբեջանին սփոփելու նպատակով, թուրքական «Սաբահ» թերթը կեղծիքների թողարկման ոլորտում կրտսեր եղբորը գերազանցելու փայլուն օրինակ է մատուցում` ապակողմնորոշելով և մոլորեցնելով իր բազմահազար ընթերցողներին», - ասվում է երեքշաբթի «Նովոստի-Արմենիա» գործակալությանը տրամադրած ԼՂՀ արտգործնախարարության տեղեկատվական վարչության պետ Մարսել Պետրոսյանի՝ «Սաբահ» թուրքական թերթում տպագրված հոդվածի կապակցությմաբ արված մեկնաբանության մեջ:

Մեկնաբանության մեջ նշվում է, որ թերթի խմբագրակազմը երևի թե լավ գիտե, որ իր ընթերցողները շատ հեռու են տարածաշրջանին առնչվող պատմական անցքերից:

«Այնպես որ նրանց կարելի է հրամցնել ցանկացած անհեթեթություն, ինչպես օրինակ թեկուզ հետևյալ բնույթի այսպիսի մի ապատեղեկատվություն` Ղարաբաղը ինչ որ ժամանակ եղել է Օսմանյան կայսրության կազմում, և երբ անցել է Ռուսաստանին, իբր նրա բնակչության ոչ ավել, ոչ պակաս 95 տոկոսը կազմում էին թուրքերը», - ասվում է մեկնաբանության մեջ:

««Թուրքական ժողովրդական առածն ասում  է`դժոխք ճանապարհվող մարդը ընկեր է փնտրում: Ադրբեջանի համար այդ ընկերը վաղուց է գտնվել հանձին Թուրքիայի, որոնց հարաբերությունների միջուկը ոչ թե «մեկ ազգ, երկու պետություն» սկզբունքի իրականացումն է կամ անաչառ ու հավիտենական բարեկամության մասին հավաստիացումներն ու հաճոյախոսությունները, այլ հայատյացությունը, մասնավորապես Լեռնային Ղարաբաղի միջազգային հեղինակությունը նսեմացնելու ախտի հասնող մարմաջը: Այս առումով ամենևին պատահական չէ ս. թ. հոկտեմբերի 20-ի`  թուրքական «Սաբահ» թերթում ոմն Նազըլ Յըլրջակի հեղինակությամբ տպագրված հոդվածը: Ըստ թերթի, պարզվում է, որ դեռևս 11-րդ դարից մինչև 1800-ական թվականները Ղարաբաղը գտնվել է թուրքերի հպատակության ներքո: Չնայած նույն հոդվածում միանգամայն անտեղի կերպով հատուկ շեշտվում է, որ «Թայիփ Էրդողանը փայլուն հիշողություն ունի»,  այնուամենայնիվ, կասկածի տեղիք է տալիս թուրքական հեղինակավոր թերթի հիշողությունը: Այլապես մոռացության չէին մատնի, թե  11-րդ դարից մինչև 20-րդ դարի քսանական  թվականները  իրենց նախորդները քանի-քանի անգամներ են Ղարաբաղում և նրա մատույցներում  ջարդվել ու մազապուրծ ճողոպրել առանց ետ նայելու», - նշվում է մեկնաբանության մեջ:

Մեկնաբանության մեջ ասվում է, որ «Սաբահ» թերթի հիպերբոլիկ երևակայությունը սահմաններ չունի: Այս հարցում նույնպես գերազանցելով ադրբեջանական լրատվամիջոցներին, մեղադրանք է ներկայացնում Ռուսաստանին, իբր վերջինս անցյալ դարերում Ղարաբաղի տարածքից վտարել է թուրք բնակչությանը` նրանց փոխարեն բնակեցնելով հայերին: Բարեբախտաբար այս թերթը անտեղյակ է, թե հայերը որ մոլորակից են ժամանել այս տարածաշրջան: Իմանար` անկասկած այդ մասին էլ կգրեր: Թերթը գրչի թեթևակի մի հարվածով  ղարաբաղյան պատերազմի հետեևանքով ադրբեջանցի տեղահանվածների թիվը եռապատկում և հասցնում է մեկուկես միլիոնի: Ավելին, պարզվում է, որ Շուշիի թանգարանում պահվող հնագույն ձեռագրերը առևանգվել են հայերի կողմից: Թերթը ավելորդ է համարում գրել, թե գիր չունեցող քոչվոր ցեղերը (այժմ ադրբեջանցիները) հնագույն ժամանակներում ինչ գրերով են ստեղծել այդ ձեռագրերը կամ ինչի մասին են  վկայում դրանք», - նշվում է մեկնաբանության մեջ:

««Թերթը համառությամբ լռել է Սումգայիթի, Բաքվի, Կիրովաբադի, Մարաղայի և այլ տասնյակ բնակավայրերի խաղաղ հայ բնակչության հանդեպ ադրբեջանցիների ցուցաբերած վայրագությունների մասին: Դրա փոխարեն իր սուրբ պարտքն է համարել անդրադառնալ Խոջալլուի հետ կապված իրադարձություններին, իհարկե, նախ զգալիորեն ուռճացնելով սպանվածների և վիրավորների թիվը, ապա հայերին ներկայացնելով որպես հրեշներ: Անշուշտ սխալ կլիներ «Սաբահ» թերթից ճշմարիտ տեղեկատվություն ակնկալել ղարաբաղյան իրադարձությունների առնչությամբ: Հո՞ չէր արձանագրի , որ հայերը Խոջալլուի խաղաղ բնակիչներին հատուկ միջանցք էին տրամադրել անվտանգ հեռանալու ռազմական գործողությունների թատերաբեմից: Եվ որ այդ ողբերգական իրադարձությունները տեղի են ունեցել ոչ թե բուն Խոջալլուի տարածքում, այլ Աղդամի մատույցներում, այն տարածքում, որը գտնվում էր ադրբեջանական զինուժի, ավելի ստույգ` Ադրբեջանի ժողովրդական ճակատի հրոսակախմբերի վերահսկողության տակ: Հայերը ինչպես կարող էին կռահել, որ հանուն իշխանափոխության, ժողովրդական ճակատի բախտախնդիրները կրակ կարող են բացել յուրայինների վրա և ոչնչացնել անզեն ու անօգնական մարդկանց: Երևի թե Ադրբեջանի ժողովրդական ճակատի տաք պարագլուխները իշխանության հասնելու այլընտրանք չունեին, մանավանդ որ տեղի ունեցած միջադեպը նախ կվերագրեն հայերին և ապա ամենակարևորը` կմեղադրեն իշխանություններին  ադրբեջանցի խաղաղ բնակիչների անվտանգության ապահովման գործում հանցավոր անտարբերության մեջ: Ընդհանուր առմամբ, ադրբեջանցիները ինտերնետը լցրել են այսպես կոչված «Խոջալլուի ցեղասպանության» կեղծ քարոզչությամբ, և այստեղ գլխավոր կազմակերպիչը Հեյդար Ալիևի անվան պետական հիմնադրամն է, որը, մասնավորապես, գույները խտացնելու համար  բացահայտ կեղծիք է օգտագործել` լուսանկարներում պատկերված Կոսովոյի այլանդակված դիակները ներկայացնելով որպես Խոջալլուի ողբերգության զոհեր», - ասվում է մեկնաբանության մեջ:

««Թվում է` «Սաբահ» թերթը ադրբեջանական լրատվամիջոցներից վարակվել է ծերունական մարազմով, քանզի նման ախտանշանները ակնհայտորեն առկա են: Այլապես այս կապակցությամբ գոնե մի աննշան մեջբերում կաներ Ադրբեջանի նախկին նախագահ, ոչ պակաս հայատյաց Այազ Մութալիբովից: Այնուհանդերձ, արժանին պետք է մատուցել Ադրբեջանի ժողովրդական ճակատի առաջնորդներին, որոնք ոսկերչական ճշգրտությամբ հաշվարկներ էին արել: «Սաբահը» միտումնավոր  համր լռություն է պահպանում նաև այս ամենի շուրջ, իսկ դրա փոխարեն, իբր իմիջիայլոց գրում է. «Գուցե՞ Թուրքիայի հանրային հեռուստատեսությունը սկսի հեռուստասերիալ ցուցադրել Լեռնային Ղարաբաղի օկուպացիայի և Խոջալլուի ջարդերի մասին»», - նշվում է մեկնաբանության մեջ:

««Ինչ խոսք, առաջարկությամբ հանդես գալը չի կարելի մեղք որակել: Ճշմարտությունը խեղաթյուրելն է մեղք: Չենք կարծում, որ երբևէ «Սաբահ» թերթին կհաջողվի իր մեղքերին թողություն տալ: Չնայած դրան, այնուամենայնիվ, արժե ձգտել, թեկուզ հանուն ինքնամաքրման:  Իսկ գուցե՞  Թուրքիայի հանրային հեռուստատեսությունը այդ հեռուստասերիալների հեռարձակումը սկսի 1915 թվականի դեպքերից: «Սաբահ» թերթը երբևէ համարձակություն կունենա՞ հանդես գալ նման առաջարկությամբ:

«Իսկ ինչ վերաբերվում է Ղարաբաղի հանդեպ Թուրքիայի դիրքորոշմանը, ապա ԼՂՀ-ում դրան վերաբերվում են, անչափ մեղմ ասած, սառը անտարբերությամբ», - ասվում է ԼՂՀ ԱԳՆ-ի մեկնաբանության մեջ:-0-

Loading...
Թեմատիկ նյութեր

Բաժնի այլ նյութեր
10:02
22 Մարտի 2017
Ադրբեջանական զինուժը հայ դիրքապահների ուղղությամբ ակտիվ կրակ է վարել դիպուկահար հրացաններից
Հակառակորդը դիպուկահար հրացաններից առավել ակտիվ կրակ է վարել արևելյան և հյուսիսարևելյան հատվածներում:
10:42
21 Մարտի 2017
Իրադրությունն առաջնագծում. հակառակորդը գիշերն արձակել է ավելի քան 300 կրակոց
ՊԲ առաջապահ զորամասերը հիմնականում ձեռնպահ են մնացել պատասխան գործողություններից։
10:19
20 Մարտի 2017
Գիշերը շփման գծում իրադրությունը հանգիստ է եղել
Հակառակորդը տարբեր տրամաչափի հրաձգային զինատեսակներից, հրադադարի պահպանման ռեժիմը խախտել է ավելի քան 25 անգամ:
10:40
18 Մարտի 2017
Հակառակորդը հայ դիրքապահների ուղղությամբ արձակել է ավելի քան 250 կրակոց
Հակառակորդը տարբեր տրամաչափի հրաձգային զինատեսակներից հայ դիրքապահների ուղղությամբ արձակել է ավելի քան 250 կրակոց:
10:11
17 Մարտի 2017
Հակառակորդը գիշերը հայ դիրքապահների ուղղությամբ արձակել է շուրջ 450 կրակոց
Հակառակորդը տարբեր տրամաչափի հրաձգային զինատեսակներից հայ դիրքապահների ուղղությամբ արձակել է շուրջ 450 կրակոց:
21:01
16 Մարտի 2017
Արցախի ՊՆ-ն հերքում է ԱՀ պաշտպանության նախարարի վիրավորման մասին լուրերը
Սենոր Հասրաթյանը հերքում է ԱՀ պաշտպանության նախարար Լևոն Մնացականյանի վիրավորման մասին տեղեկատվությունը:
16:07
16 Մարտի 2017
Համացանցում հայտնվել է արցախցի դիպուկահարների կողմից հակառակորդի երկու տեսախցիկի ոչնչացման պահը
Ինտերնետում հայտնվել են արցախցի դիպուկահարների կողմից առաջնագծում երկու ադրբեջանական տեսախցիկների ոչնչացման տեսանյութի կադրերը:
10:46
16 Մարտի 2017
 Իրադրությունն առաջնագծում. հակառակորդը գիշերն արձակել է ավելի քան 550 կրակոց
ՊԲ առաջապահ զորամասերը հիմնականում ձեռնպահ են մնացել պատասխան գործողություններից։
10:44
15 Մարտի 2017
Իրադրությունն առաջնագծում. հակառակորդը գիշերն արձակել է ավելի քան 1890 կրակոց
ՊԲ առաջապահ զորամասերը շարունակում են վստահորեն իրականացնել մարտական հերթապահություն։

13:01
14 Մարտի 2017
Արցախի արտգործնախարարը մեկնել է Հունաստան
Կարեն Միրզոյանը աշխատանքային այցով գտնվում է Հունաստանում` «Մեր հերոսական Արցախը» խորագրով միջոցառումներին մասնակցելու նպատակով։
10:45
14 Մարտի 2017
ԵԱՀԿ առաքելությունը դիտարկում կանցկացնի Մարտակերտի շրջանի ուղղությամբ
Մարտի 15-ին ԵԱՀԿ առաքելությունը շփման գծի պլանային դիտարկում է անցկացնելու Մարտակերտի շրջանի ուղղությամբ՝ Թալիշ բնակավայրից դեպի հյուսիս-արևմուտք:
10:17
14 Մարտի 2017
Հակառակորդը շփման գծի հարավային ուղղությամբ կիրառել է 82 միլիմետրանոց ականանետ
Շփման գծի հարավային ուղղությամբ ադրբեջանական զինուժը կիրառել է 82 միլիմետրանոց ականանետ: