484.53
+0.08
528.09
+0.81
8.57
-0.08
+12
Եղանակը Երևանում
Հայ
Մարսելի բնակչությունն ու իշխանությունները համակրում են ղարաբաղցիներին անկախության համար իրենց պայքարում. փոխքաղաքապետ
16:22
02 Նոյեմբերի 2009

Մարսելի բնակչությունն ու իշխանությունները համակրում են ղարաբաղցիներին անկախության համար իրենց պայքարում, ասաց Ֆրանսիայի Ազգային ժողովի պատգամավոր, Մարսելի փոխքաղաքապետ Ռոլան Բլյումը ԼՂՀ Ազգային ժողովի նախագահ Աշոտ Ղուլյանի գլխավորած պատվիրակության պատվին կայացած ընդունելության ընթացքում։

Պատվիրակության կազմում են ԼՂՀ ԱԺ սոցիալական ոլորտի հարցերի մշտական  հանձնաժողովի նախագահ Արպատ Ավանեսյանը, ԼՂՀ մշակույթի և երիտասարդության հարցերի նախարար Նարինե Աղաբալյանը,  Ստեփանակերտի քաղաքապետ Վազգեն Միքայելյանը և ԼՂՀ ԱԳՆ բազմակողմ համագործակցության  վարչության պետ Իրինա Բեգլարյանը։ 

«Ընդունելությանը Մարսելի քաղաքապետի անունից ողջունելով ԼՂՀ Ազգային Ժողովի նախագահին և նրա գլխավորած պատվիրակության անդամներին՝  քաղաքապետի առաջին տեղակալ, Ֆրանսիայի Ազգային ժողովի պատգամավոր Ռոլան Բլյումն ընդգծեց Մարսելի բնակչության ու քաղաքի իշխանությունների համակրանքը ԼՂՀ անկախության պայքարի հանդեպ: Հավարտ իր խոսքի՝ Ռոլան Բլյումը Մարսելի քաղաքապետի անունից Պատվո մեդալ հանձնեց ԼՂՀ Ազգային ժողովի նախագահ Աշոտ Ղուլյանին»,- տեղեկացնում է ԼՂՀ Ազգային Ժողովի մամուլի ծառայությունը։
         
Իր հերթին Ղարաբաղյան շարժման 20-ամյակին նվիրված հուշամեդալ հանձնելով Մարսելի փոխքաղաքապետին՝ Աշոտ Ղուլյանը պատասխան խոսքում ջերմ ընդունելության և աջակցության համար երախտագիտություն հայտնեց Մարսելի իշխանություններին և հայ համայնքի ներկայացուցիչներին, վերահաստատեց Արցախի ժողովրդի հավատարմությունը ազատության և անկախության համամարդկային արժեքներին:

Նույն օրվա երեկոյան ԼՂՀ պատվիրակությունը հյուրընկալվեց «Ֆրանսիայի հայ երիտասարդություն» (JAF) միության մշակութային կենտրոնում, որտեղ ԼՂՀ մշակույթի և երիտասարդության հարցերի նախարար Նարինե Աղաբալյանը և միության ղեկավարները քննարկեցին մշակութային և երիտասարդական բնույթի համատեղ ծրագրերի իրականացման հնարավորություններն ու առաջիկա անելիքները` առկա  համագործակցությունը խորացնելու նպատակով: Իսկ ուշ երեկոյան, կենտրոնի դահլիճում ներկայացվեց «Արցախի ձայներ» համույթի երաժշտական ծրագրի բեմադրությունը:

Համերգի ավարտին ԼՂՀ մշակույթի և երիտասարդության հարցերի նախարարը շնորհակալական խոսք ուղղեց ներկաներին` կոչ անելով շարունակել հոգածությունն Արցախի հանդեպ:

Նույն օրվա երեկոյան Մարսելի հայ համայնքի «Համազգային» կենտրոնում կայացավ պատվիրակության հանդիպումը քաղաքի և հարակից շրջանների հայկական կազմակերպությունների համակարգող խորհրդի անդամ միությունների ներկայացուցիչների հետ:

Հանդես գալով մարսելաբնակ հայրենակիցներին ուղղված ողջույնի խոսքով՝ ԼՂՀ ԱԺ նախագահը միջոցառման մասնակիցներին ներկայացրեց պատվիրակության այցելության ծրագիրը, կայացած հանդիպումներից ստացած տպավորությունները և Ֆրանսիայում անցկացվելիք առաջիկա հեռախոսամարաթոնի հետ կապված խնդիրները:

Հանդիպմանը հանգամանալից զրույց ծավալվեց հայության համար հրատապ քաղաքական հարցերի, այդ թվում՝ ղարաբաղյան հիմնախնդրի կարգավորման գործընթացի և հայ-թուրքական հարաբերություններում հնարավոր զարգացումների շուրջ:

Զրույցի ընթացքում Աշոտ Ղուլյանը և պատվիրակության անդամները պատասխանեցին ներկաների հարցերին: Հանդիպման մասնակիցներն իրենց խոսքում ընդգծեցին առաջիկա համահայկական դրամահավաքին հայության բոլոր հատվածների ակտիվ մասնակցության կարևորությունը։ -0-

Loading...
Թեմատիկ նյութեր

Բաժնի այլ նյութեր
10:05
27 Ապրիլի 2017
Ադրբեջանական ԶՈՒ-ն հայ դիրքապահների ուղղությամբ արձակել է ավելի քան 350 կրակոց
Արցախա-ադրբեջանական հակամարտ զորքերի շփման գծում հակառակորդը հայ դիրքապահների ուղղությամբ արձակել է ավելի քան 350 կրակոց:
10:39
26 Ապրիլի 2017
Իրադրությունն առաջնագծում. հակառակորդը հայ դիրքապահների ուղղությամբ արձակել է ավելի քան 650 կրակոց
ՊԲ առաջապահ զորամասերը լիակատար վերահսկողություն են պահպանում առաջնագծում։
19:26
25 Ապրիլի 2017
Արցախում 19–ամյա զինծառայող է մահացել
Արցախում 19–ամյա զինծառայող է մահացել։
10:32
25 Ապրիլի 2017
Հակառակորդի գնդակից ՊԲ զինծառայող է զոհվել
Հակառակորդի կողմից հրադադարի ռեժիմի խախտման հետևանքով ապրիլի 24-ին ՊԲ զինծառայող է մահացել:
16:01
24 Ապրիլի 2017
The Independent–ի լրագրողը կհայտնվի Ադրբեջանի «սև ցուցակում»
Բաքուն բրիտանական The Independent–ի լրագրողին կներառի «սև ցուցակում»։
10:40
22 Ապրիլի 2017
Գիշերը հակառակորդը կիրառել է հաստոցավոր հակատանկային նռնականետ
Շփման գծի արևելյան ուղղությամբ ադրբեջանական զինուժը կիրառել է նաև հաստոցավոր հակատանկային նռնականետ:
10:43
20 Ապրիլի 2017
Իրադրությունն առաջնագծում. հակառակորդն արձակել է ավելի քան 500 կրակոց
ՊԲ առաջապահ զորամասերը լիակատար վերահսկողություն են պահպանում առաջնագծում։
17:55
19 Ապրիլի 2017
Լավ լուծում կլիներ, եթե Լեռնային Ղարաբաղը միացվեր Հայաստանին. Մարին լը Պեն
Ֆրանսիայի նախագահի թեկնածու, «Ազգային ճակատ» ազգայնական կուսակցության առաջնորդ Մարին Լե Պենը Nouvelles d’Arménie–ին տված հարցազրույցում խոսել է արցախյան խնդրի մասին։

10:08
19 Ապրիլի 2017
Գիշերը հակառակորդը կիրառել է նաև ձեռքի հակատանկային նռնականետ
Շփման գծի հյուսիսային ուղղությամբ ադրբեջանական զինուժը կիրառել է նաև ձեռքի հակատանկային նռնականետ:
19:39
18 Ապրիլի 2017
Արցախում 20–ամյա զինծառայող է վիրավորվել. նրա վիճակը ծանր է
Արցախում նախօրեին 20–ամյա զինծառայող է վիրավորվել։
10:26
18 Ապրիլի 2017
Հակառակորդը դիպուկահար հրացաններ է կիրառել շփման գծում
Ապրիլի 17-ին և լույս 18-ի գիշերը արցախա-ադրբեջանական հակամարտ զորքերի շփման գծում հակառակորդը խախտել է հրադադարի պահպանման ռեժիմը:
11:24
17 Ապրիլի 2017
Իրադրությունն առաջնագծում. հակառակորդը գիշերն արձակել է շուրջ 240 կրակոց
ՊԲ առաջապահ զորամասերը ձեռնպահ են մնացել պատասխան գործողություններից։