482.89
-0.16
541.32
+2.38
8.54
+0.08
+21
Եղանակը Երևանում
Հայ
Շուշիի վերականգնումը կարևոր նշանակություն ունի անկախ հայկական պետականության համար. ԼՂՀ նախագահ
20:03
26 Հոկտեմբերի 2009

Արցախի հին մայրաքաղաքի` Շուշիի վերականգնումը կենսական նշանակություն ունի հայոց անկախ պետականության համար, ԼՂՀ նախագահ Բակո Սահակյանը հայտարարեց Մոսկվայում հայազգի ռուս գործարարների ու բարերարների հետ հանդիպման ժամանակ:

«Շուշին մի քաղաք է, որը դարեր շարունակ եղել է Արցախի քաղաքական, հոգևոր և մշակութային կենտրոնը: Մենք ուզում ենք վերակենդանացնել Շուշիի երբեմնի փառքը, քաղաքը դարձնել ժամանակակից, ծաղկուն ու զարգացող»,- ասաց ԼՂՀ նախագահը:

Սահակյանը կարևորեց Շուշիի վերականգնման գործընթացում գործարարների ու բարերարների մասնակցության պատրաստակամությունը:

«Շուշիի զարգացումը արժանապատվության խնդիր է: Նրա շենացումը ցույց կտա աշխարհին մեր միասնականությունը և միակամությունը` ազգային արժեքների պաշտպանության, անկախ և ինքնիշխան պետության շարունակական զարգացման ու զորացման, Հայաստան-Արցախ-Սփյուռք եռամիասնության ամրապնդման գործում: Վստահ եմ, որ միասին մեզ կհաջողվի արդյունավետորեն լուծել նաև այս խնդիրը և արձանագրել մեր ընդհանուր հերթական հաղթանակը»,- ընդգծել է Ղարաբաղի նախագահը:

Նախագահը հայտարարեց, որ Լեռնային Ղարաբաղի Հանրապետության իշխանությունները Շուշի քաղաքի և ամբողջ շրջանի զարգացումը դիտում են որպես ռազմավարական կարևոր նշանակություն ունեցող խնդիր:

«Այդ իսկ պատճառով նախատեսում ենք Շուշի տեղափոխել մի շարք պետական մարմիններ և գերատեսչություններ` հանրապետության դատական համակարգը, մշակույթի և երիտասարդության հարցերի նախարարությունը, պաշտպանության բանակի որոշ ստորաբաժանումներ, գրողների միությունը, Հայաստանի պետական ագրարային համալսարանի Արցախի մասնաճյուղը և մի շարք այլ օղակներ: Համոզված ենք, որ այս միջոցառումները նոր լիցք կհաղորդեն քաղաքի զարգացմանը: Շուշիի շենացման գործում մեծ դեր են կատարում տարբեր հիմնադրամներ ու կազմակերպություններ, անհատ բարերարներ, ում մեր ժողովուրդը խորապես երախտապարտ է»,- հավելել է Սահակյանը: 

Նա ընդգծել է, որ անելիքները Շուշիում շատ են և բազմաբնույթ` բնակելի շենքերի, կրթական հաստատությունների, առողջապահական հիմնարկների, մշակութային օջախների, ճանապարհների, ջրամատակարարման ցանցի և այլ օբյեկտների կառուցում և վերանորոգում: 

Անդրադառնալով քաղաքի պատմությանը՝ ԼՂհ նախագահը նշել է, որ պատմականորեն Շուշին բազմաբնույթ դերակատարություն է ունեցել ոչ միայն Արցախի, այլ ողջ հայ ժողովրդի կյանքում: 18-19-րդ դարերում այն նաև Անդրկովկասի ռազմաքաղաքական, տնտեսական, մշակութային և գիտակրթական կենտրոններից մեկն էր:

«20-րդ դարի սկզբներին քաղաքում գործում էին տասնյակ գործարաններ, կրթական ու մշակութային օջախներ, լույս էր տեսնում 22 անուն թերթ` հայերեն և ռուսերեն լեզուներով, տնտեսական սերտ կապեր ուներ Ռուսաստանի, Եվրոպայի ու Մերձավոր Արևելքի խոշոր քաղաքների հետ: Շուշին տվել է նաև գիտական, մշակութային, ռազմական, քաղաքական գործիչների մի ողջ համաստեղություն»,- ասել է Սահակյանը:

Նրա խոսքով՝ քաղաքի պատմության ամենաողբերգական շրջանը 20-րդ դարի սկիզբն էր: 1905 թվականին քաղաքում կազմակերպվեց հայկական առաջին կոտորածը, որի զոհը դարձան հարյուրավոր անմեղ մարդիկ:

«1918-1920 թվականներին Շուշին եղել է Արցախի ազատագրական շարժման կենտրոնը, ինքնակառավարվող Լեռնային Ղարաբաղի մայրաքաղաքը: 1920 թվականին քաղաքը ավերվում է ու հայաթափվում»,- ասել է նախագահը:

«Արցախյան պատերազմի տարիներին Շուշին դարձել էր ադրբեջանական ամենախոշոր ռազմական հենակետերից մեկը` մահ սփռելով մայրաքաղաք Ստեփանակերտի և հարակից հայկական բնակավայրերի վրա:

1992 թվականի մայիսի 9-ը շրջադարձային եղավ և Արցախի, և համայն հայության համար. ազատագրվեց Շուշին, ինչը մեծ ոգևորություն առաջացրեց աշխարհի տարբեր ծայրերում բնակվող մեր հայրենակիցների սրտերում: Սարդարապատից հետո սա մեր ամենամեծ հաղթանակն էր, հաղթանակ և ռազմական, և հոգեբանական տեսակետից»,- նշել է նախագահը:

Նա ընդգծել է, որ Շուշիի ազատագրումը հայ ժողովրդի ենթագիտակցության մեջ արթնացրեց հավատը սեփական ուժերի հանդեպ, համախմբված ու միասնաբար հաղթանակի հասնելու վստահությունը, ազատ ու անկախ պետականություն կերտելու վճռականությունը:

«Այս մեծ հաղթանակը համահայկական էր իր բնույթով: Շուշիի ազատագրմանը մասնակցում էր ողջ հայ ժողովուրդը, համայն հայությունը նյութական ու բարոյական աջակցություն էր ցուցաբերում Արցախին և աղոթում Աստծուն` պատմական արդարությունը վերականգնելու խնդրանքով»,- եզրափակել է ԼՂՀ նախագահը:-0-

Loading...
Թեմատիկ նյութեր
Բաժնի այլ նյութեր
13:08
22 Մայիսի 2017
Շահումյան-Սոթք ավտոճանապարհը երկկողմանի փակ է լինելու
Արհեստական քարաթափման պատճառով երկկողմանի փակ է լինելու Շահումյան-Սոթք ավտոճանապարհը։
10:32
22 Մայիսի 2017
Հակառակորդը գիշերն արձակել է ավելի քան 750 կրակոց` կիրառելով նաև 60 մմ ականանետ
ՊԲ առաջապահ զորամասերը հիմնականում ձեռնպահ են մնացել պատասխան գործողություններից։
10:37
20 Մայիսի 2017
Արցախում 21–ամյա զինծառայող է զոհվել
Արցախում այսօր առավոտյան 21–ամյա զինծառայող է զոհվել։
18:17
19 Մայիսի 2017
Ադրբեջանի ԶՈՒ–ն կրակ է վարել իր իսկ դիրքերի ուղղությամբ (ՏԵՍԱՆՅՈՒԹ)
Ադրբեջանի զինուժն այսօր անցել է բանականության մեջ չտեղավորվող գործողության։
12:40
19 Մայիսի 2017
Հակառակորդը շփման գծում ականանետ և նռնականետ է կիրառել
Արցախա-ադրբեջանական հակամարտ զորքերի շփման գծում  հակառակորդը տարբեր տրամաչափի հրաձգային զինատեսակներից խախտել է  հրադադարի պահպանման ռեժիմը։
10:15
18 Մայիսի 2017
Հակառակորդը մոտ 60 անգամ խախտել է հրադադարի պահպանման ռեժիմը շփման գծում
ՊԲ առաջապահ զորամասերը ձեռնարկել են կանխարգելիչ միջոցառումներ։
16:06
17 Մայիսի 2017
ՊԲ–ի կանխարգելիչ գործողությունների արդյունքում հակառակորդը կրել է կորուստներ (ՏԵՍԱՆՅՈՒԹ)
ՊԲ մարտական հերթապահության մեջ գտնվող ստորաբաժանումները ձեռնարկել են կանխարգելիչ գործողություններ:
10:57
17 Մայիսի 2017
ՊԲ–ն հակառակորդի նախահարձակ ակտիվությունը ճնշելու համար դիմել է պատասխան գործողությունների
ՊԲ առաջապահ զորամասերը շարունակել են իրականացնել մարատական դիրքերի հուսալի պահպանություն:
14:50
16 Մայիսի 2017
Չճանաչված ժողովուրդ, մոռացված պատերազմ. Արցախն իտալացի լուսանկարչի օբյեկտիվում (ԼՈՒՍԱՆԿԱՐ)
Իտալացի լուսանկարիչ–վավերագիր Էմանուելե Ամիղեթին Արցախի այցի ընթացքում լուսանկարել է տեղի բնակիչների և առաջնագծի զինվորների կյանքը։
13:04
16 Մայիսի 2017
Դավիթ Բաբայան. Ժամանակն է, որ միջազգային հանրությունն ադեկվատ կերպով արձագանքի այսպիսի երևույթներին
Արցախի նախագահի մամուլի քարտուղար Դավիթ Բաբայանը մեկնաբանել է Ադրբեջանի երեկվա սադրանքը։

10:37
16 Մայիսի 2017
Հակառակորդը կիրառել է ականանետ և հաստոցավոր նռնականետ
Մայիսի 15-ին և լույս 16-ի գիշերը արցախա-ադրբեջանական հակամարտ զորքերի շփման գծում հակառակորդը տարբեր տրամաչափի հրաձգային զինատեսակներից խախտել է հրադադարի ռեժիմը։
22:50
15 Մայիսի 2017
Հակառակորդը կառավարվող հրթիռից կրակ է վարել ՊԲ ռազմական օբյեկտի ուղղությամբ. Արցախի ՊՆ
Արցախի պաշտպանության նախարարությունը երկուշաբթի հայտնում է ադրբեջանական կողմի հերթական սադրանքի մասին: