480.39
+0.17
536.6
+0.48
8.07
+0.03
+18
Եղանակը Երևանում
Հայ
Բաքուն պատրաստ է գնալ փոխզիջումների ղարաբաղյան հակամարտության կարգավորման հարցում. Ադրբեջանի ԱԳՆ
15:19
06 Հոկտեմբերի 2009

ԵՐԵՎԱՆ, 6 հոկտեմբերի. /Նովոստի-Արմենիա/. Ադրբեջանն իր սկզբունքային դիրքորոշման հետ մեկտեղ պատրաստ է գնալ փոխզիջումների ղարաբաղյան հակամարտության կարգավորման հարցում, հայտարարել է Ադրբեջանի փոխարտգործնախարար Արազ Ազիմովը:

«Իրավիճակը բարդ է: Հայ-ադրբեջանական, լեռնային-ղարաբաղյան հակամարտությունը չունի հարյուրտոկոսանոց միակողմանի լուծում: Կա միայն փոխզիջումային տարբերակ, և Ադրբեջանն արդեն ներկայացրել է իր փոխզջումների ցանկը: Պնդելով իր սկզբունքային դիրքորոշումը՝ Ադրբեջանը պատրաստ է գնալ փոխզիջումների», - ասել է Ազիմովը երեքշաբթի լրագրողներին, հաղորդում է «ՌԻԱ Նովոստին»՝ հղում անելով ադրբեջանական ԶԼՄ-ներին:

Փոխարտգործնախարարը նշել է, որ որպես փոխզիջում՝ Ադրբեջանը պատրաստ է Լեռնային Ղարաբաղի շրջանին տրամադրել ինքնավարության բարձր կարգավիճակ և կողմ է հակամարտության լուծմանը ԵԱՀԿ Մինսկի խմբի համանախագահների կողմից հիմնարար համարվող երեք սկզբունքների հիման վրա:

Նրա խոսքերով՝ այս ամենը խոսում է այն մասին, որ Ադրբեջանը, արդեն գնալով այս փոխզիջումներին, «հասել է կամրջի կեսին և սպասում է, որ Հայաստանը ևս կհեռանա իր մաքսիմալիզմից և կմոտենա կամրջի կեսին»:

«Հայաստանը պետք է համաձայնի և հայտարարի Ադրբեջանի տարածքային ամբողջականության շրջանակներում այս հակամարտությունը լուծելու համաձայնության մասին: Եթե այս ամենը ձեռք չբերվի, ապա նշանակում է, որ չկա ընդհանուր հայեցակարգային համաձայնություն, որպեսզի կողմերը հետագայում շարունակեն քննարկումները», - նշել է Ազիմովը:

Նրա խոսքերով՝ հակամարտությունը վերջնականապես լուծելու համար ադրբեջանական համայնքը պետք է վերադառնա իր հայրենի օջախ և բնակվի այնտեղ հայկական համայնքի հետ միասին: «Այս ամենից հետո հաջորդ փուլում կարելի է քննարկել Լեռնային Ղարաբաղի կարգավիճակի հարցը», - նշել է փոխարտգործնախարարը:

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

 

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-

Loading...
Թեմատիկ նյութեր
Բաժնի այլ նյութեր
14:01
23 Հունիսի 2017
Արցախից Հայաստան իրականացված ուղերթերն ավելացել են
Արցախից Հայաստան իրականացվող երթերի թիվը 2017թ. առաջին եռամսյակում ավելացել է։
19:34
22 Հունիսի 2017
Հակառակորդի դիվերսիոն փորձը կանխվել է. նա ունի զոհեր (ՖՈՏՈ)
Հունիսի 21-ի լույս 22-ի գիշերը ադրբեջանական հատուկ ջոկատայինները դիվերսիոն ներթափանցման փորձ են ձեռնարկել շփման գծում։

14:59
22 Հունիսի 2017
Զախարովա. ԼՂ հակամարտության կարգավորման հարցը մշտապես գտնվում է ՌԴ ԱԳՆ–ի օրակարգում
ԵԱՀԿ ՄԽ համանախագահների հայտարարության մեջ արտացոլված է նաև Ռուսաստանի դիրքորոշումը:
13:02
22 Հունիսի 2017
Ադրբեջանի ՊՆ–ն «հայկական անօդաչու սարքի խոցման» մասին հերթական ապատեղեկատվությունն է տարածել
Ադրբեջանը նաև հայտարարել է, որ «պատասխան հարվածը լինելու է կործանիչ»։
11:33
22 Հունիսի 2017
ԵԱՀԿ–ն դիտարկում կանցկացնի Մարտակերտի Թալիշ գյուղի մոտ
ԵԱՀԿ առաքելությունն Արցախի և Ադրբեջանի զինված ուժերի շփման գծի պլանային դիտարկում է անցկացնելու Մարտակերտի Թալիշ գյուղից դեպի հյուսիս-արևմուտք։
18:38
21 Հունիսի 2017
Ղարաբաղում իրավիճակի սրման հավանականությունը կավելանա F-1 մրցարշավի ժամանակ
Հասարակական դժգոհության ժամանակ Ադրբեջանը սկսում է ավելացնել լարվածությունը շփման գծում։
17:08
21 Հունիսի 2017
Ադրբեջանագետը նշել է Ղարաբաղում իրավիճակի հնարավոր սրման պատճառը
Իր վերջին գործողություններով Ադրբեջանը ցույց է տալիս, որ չի պատրաստվում հրաժարվել ցանկացած պահի սահմաններին լարվածություն ստեղծելու հնարավորությունից:
11:51
21 Հունիսի 2017
ԱՀ ՊՆ-ն պարզաբանել է «դիվերսիայի և գերիների» հետ կապված իրավիճակը
Ադրբեջանն հերթական ապատեղեկատվություն է տարածել:
11:55
20 Հունիսի 2017
Արցախն առաջ կանցնի Ադրբեջանից «սև ոսկու» արտադրությամբ (ՎԻԴԵՈ)
Արցախը սև խավիար կարտադրի և կարտահանի։
14:34
18 Հունիսի 2017
Օդային փառատոն՝ Ստեփանակերտում (ՖՈՏՈ)
Հունիսի 17-ին երեկոյան Ստեփանակերտի օդանավակայանում կազմակերպվել է օդային փառատոն:
12:53
17 Հունիսի 2017
20-ամյա ևս մեկ զինվոր է զոհվել հակառակորդի գնդակից. Արցախն անհամարժեք պատասխան է խոստանում
Շաբաթ առավոտյան ադրբեջանական կողմը հյուսիսային ուղղությամբ դիմել է հերթական սադրանքի:
22:46
16 Հունիսի 2017
Հակառակորդի կրակից զոհվել են երեք 20–ամյա զինծառայողներ. ԱՀ ՊԲ
Այսօր հակառակորդի կրակից ԼՂՀ ՊԲ երեք զինծառայող է զոհվել։