478.23
-0.15
574.4
+0.97
8.26
+0.03
+23
Եղանակը Երևանում
Հայ
Պառլամենտարիզմի օրը Ղարաբաղում կնշվի դեկտեմբերի 28-ին. ԼՂՀ ԱԺ խոսնակ
14:30
17 Սեպտեմբերի 2009

Պառլամենտարիզմի օրը Ղարաբաղում կնշվի դեկտեմբերի 28-ին՝ առաջին գումարման Գերագույն խորհրդի ընտրությունների օրը, հայտարարել է ԼՂՀ ԱԺ խոսնակ Աշոտ Ղուլյանը:

«Խորհրդարանի ներկա կազմի գործունեության ամփոփումը կշահի, եթե Ազգային ժողովի կենսագրության մեջ ավելացվի մի նոր ավանդույթ՝ դեկտեմբերի 28-ը նշվի որպես պառլամենտարիզմի օր Արցախում: Դա մեր երկրում առաջին գումարման Գերագույն խորհրդի ընտրությունների օրն է, որը բոլոր գումարումների խորհրդարանականների մասնակցությամբ կարող է դառնալ ժողովրդի ընտրյալների միասնական առաքելությունը խորհրդանշող օր», - նախօրեին ԼՂՀ 4-րդ գումարման Ազգային ժողովի 9-րդ նստաշրջանի առաջին լիագումար նիստի ժամանակ նշել է ԼՂՀ ԱԺ խոսնակը:

Նրա խոսքերով՝ 2005թ. հունիսին ընտրված խորհրդարանի գործունեությունը թևակոխում է եզրափակիչ փուլը, և առջևում կա ևս մեկ՝ 10-րդ նստաշրջանի աշխատակարգը, բայց, հաշվի առնելով հաջորդ խորհրդարանական ընտրությունների նախապատրաստական փուլի հնարավոր ժամկետները, հենց այս նստաշրջանն է լինելու լիարժեք աշխատանքի կարևոր ժամանակահատված, ինչը ենթադրում է պատասխանատվության և վստահության ամբողջական դրսևորում:

«Անհրաժեշտ է պահպանել, հարստացնել և հաջորդ գումարման խորհրդարանին  փոխանցել խորհրդարանական մշակույթի ձեռքբերումները», - ասել է Ղուլյանը:

Անդրադառնալով լիագումար նիստին՝ ԱԺ նախագահն արձանագրել է, որ հերթական՝ 9-րդ նստաշրջանի աշխատանքային գործունեությունը մեկնարկում է կրկին ակտիվ քաղաքական մթնոլորտում՝ կապված աշխարհաքաղաքական և տարածաշրջանային նոր զարգացումների հետ, ինչը, նրա խոսքով, «ենթադրում է, որ մեր հիմնական՝ օրենսդրական գործունեության հետ զուգահեռ մենք առաջիկայում ևս շարունակելու ենք մնալ քաղաքական քննարկումների ռեժիմում, ուշադրության տակ պահելով նաև միջխորհրդարանական համագործակցության հարցերը»:

ԼՂՀ  ԱԺ նոր նստաշրջանը, համաձայն կանոնակարգային պահանջի, սկսվեց ԼՂՀ պետական օրհներգով։

Նիստի ընթացքում հավանության արժանացավ «ԼՂՀ վարչատարածքային բաժանման մասին» ԼՂՀ օրենքում լրացումներ կատարելու մասին» օրենքի նախագիծը, առաջին ընթերցմամբ ընդունվեցին «Քաղաքացիների առաջարկությունները, դիմումները և բողոքները քննարկելու կարգի մասին» օրենքի նախագիծը և «Տեղական ինքնակառավարման մասին» ԼՂՀ օրենքում լրացում կատարելու մասին» օրենքի նախագիծը, ինչպես նաև հավանության արժանացան «Սոցիալական աջակցության մասին» և «Հողերի օգտագործման և պահպանման նկատմամբ վերահսկողության  մասին» ԼՂՀ օրենքի նախագծերը:

Նիստի ընթացքում երկրորդ ընթերցմամբ ներկայացվել է «Բնակչության պետական ռեգիստրի մասին» օրենքի նախագիծը: Հանդես գալով համապատասխան հաղորդմամբ՝ ԼՂՀ ոստիկանության պետի տեղակալ Մխիթար Գրիգորյանը հայտնել է, որ օրինագծի դրույթների մեծ մասում հիմնականում հղում է կատարվում ԼՂՀ քաղաքացիության ինստիտուտին։ Այդ հիմքով, նրա խոսքերով, առաջարկվում է օրենքի ընդունումը հետաձգել մինչև «Քաղաքացիության մասին» ԼՂՀ օրենքի ընդունումը։

Ի լրումն ասվածի՝ ԼՂՀ ԱԺ նախագահը հաղորդել է, որ «Քաղաքացիության մասին» օրենքի նախագիծը գտնվում է լրացուցիչ փորձագիտական քննարկման փուլում և ակնկալվում է, որ առաջիկա ամիսներին խորհրդարանը կունենա համապատասխան եզրակացությունը։ Ըստ այդմ՝  նա առաջարկել է հետաձգել «Բնակչության պետական ռեգիստրի մասին» օրենքի նախագծի ընդգրկումն օրակարգում։ 

Նիստի ընթացքում ի գիտության ընդունվեց ԼՂՀ փոխվարչապետ, ֆինանսների նախարար Սպարտակ Թևոսյանի տեղեկությունը՝ «ԼՂՀ 2009թ. առաջին կիսամյակի պետական բյուջեի կատարման մասին»: Նիստում, համաձայն օրակարգի, տեղի ունեցավ նստաշրջանում օրենսդիր-գործադիր ավանդական հարցուպատասխանի առաջին ընթացակարգը, իսկ պատգամավոր Ռոմելա Դադայանը հանդես եկավ հայտարարությամբ՝ կապված ԼՂՀ պետական օրհներգի տարածման խնդիրների հետ։

Նիստի ավարտին ԼՂՀ ԱԺ նախագահն Արցախի խորհրդարանի անունից շնորհավորել է հայ գործընկերներին և ողջ հայ ժողովրդին՝ Հայաստանի Անկախության օրվա առթիվ՝ մաղթելով խաղաղություն ու բարօրություն:-0-

Loading...
Թեմատիկ նյութեր
Բաժնի այլ նյութեր
10:52
20 Սեպտեմբերի 2017
Ադրբեջանը չունի իրավական և բարոյական որևէ հիմք Արցախի հանդեպ հավակնություն ներկայացնելու համար. ՀՀ նախագահ
Ադրբեջանը չունի իրավական և բարոյական որևէ հիմք Արցախի հանդեպ հավակնություն ներկայացնելու համար, հայտարարել է ՀՀ նախագահ Սերժ Սարգսյանը։
15:11
19 Սեպտեմբերի 2017
Վարչապետ. Հայաստանն ամեն վայրկյան պատրաստ է պատասխանել Արցախի նկատմամբ ցանկացած ոտնձգությանը
Հայաստանն ամեն վայրկյան պատրաստ է պատասխանել Արցախի նկատմամբ ցանկացած ոտնձգությանը:
18:15
18 Սեպտեմբերի 2017
Արցախի շփման գիծը հարկավոր է ամրապնդել. Վիգեն Սարգսյան
Հարկավոր է շարունակել Արցախի առաջնագծի ամրապնդումը, հայտարարեց ՀՀ պաշտպանության նախարար Վիգեն Սարգսյանը Հայաստան–Սփյուռք 6–րդ համաժողովի շրջանակում։
16:23
18 Սեպտեմբերի 2017
Բաքվի հայատյացության քաղաքականության հետևանքները ժամանակի հետ դառնում են վտանգավոր. ԼՂՀ օմբուդսմեն
Բաքվի հայատյացության քաղաքականության հետևանքները ժամանակի հետ դառնում են ավելի վտանգավոր, հայտարարեց Արցախի մարդու իրավունքների պաշտպան Ռուբեն Մելիքյանը:
14:19
18 Սեպտեմբերի 2017
Ի տարբերություն Ադրբեջանի, Արցախի կարծիքով, ղարաբաղյան հակամարտության խաղաղ կարգավորումն այլընտրանք չունի
Ի տարբերություն Ադրբեջանի, Արցախի կարծիքով, ղարաբաղյան հակամարտության խաղաղ կարգավորմանը այլընտրանք չունի:
12:07
18 Սեպտեմբերի 2017
Սարգսյան. Հայաստանի և Արցախի զինված ուժերն անկայուն տարածաշրջանում անվտանգության և խաղաղության երաշխավորներն են
Հայաստանի և Արցախի զինված ուժերն են այսօր այս անկայուն տարածաշրջանում անվտանգության և խաղաղության երաշխավորը, հայտարարել է ՀՀ նախագահ Սերժ Սարգսյանը։
11:32
18 Սեպտեմբերի 2017
Արցախի բնակչությունն ունի սեփական երկրում ազատ, անկախ և անվտանգ ապրելու բնական իրավունք. ՀՀ նախագահ
Արցախի բնակչությունն ունի սեփական երկրում ազատ, անկախ և անվտանգ ապրելու բնական իրավունք, հայտարարել է ՀՀ նախագահ Սերժ Սարգսյանը` ելույթ ունենալով Հայաստան–Սփյուռք 6–րդ համաժողովի շրջանակում։
13:17
15 Սեպտեմբերի 2017
Ադրբեջանական ԶԼՄ–ները հերթական ապատեղեկատվություն են տարածել. Արցախի ՊՆ
Արցախի Հանրապետության պաշտպանության նախարարությունն ապատեղեկատվություն է անվանել ադրբեջանական ԶԼՄ—ներում տարածված տեղեկությունները հայ զինվորների մահվան մասին։
10:43
11 Սեպտեմբերի 2017
ԵԱՀԿ–ն դիտարկում կանցկացնի Հադրութում
Դիտարկումը կանցկացվի Հադրութի շրջանի արևելյան ուղղությամբ:
17:18
07 Սեպտեմբերի 2017
Արցախի նախագահն ընդունել է կառավարության հրաժարականը
Սեպտեմբերի 7-ին Ազգային ժողովի հատուկ նիստում տեղի է ունեցել Արցախի Հանրապետության նախագահի երդման հանդիսավոր արարողությունը։  
14:16
07 Սեպտեմբերի 2017
Արցախի նախագահ Բակո Սահակյանը ստանձնեց պաշտոնը
Բակո Սահակյանը երդում է տվել Սահմանադրությամբ սահմանված կարգով ևստանձնել երկրի ղեկավարի պաշտոնը:
20:35
05 Սեպտեմբերի 2017
ՄԱԿ–ում տարածվել է Արցախի ԱԳՆ–ի փաստաթուղթը Արցախի մեկուսացմանն ուղղված Ադրբեջանի քաղաքականության մասին
Սեպտեմբերի 1-ին փաստաթուղթը հրապարակվել է ՄԱԿ պաշտոնական կայքէջում: