487.29
-0.01
568.08
+2.76
8.23
+0.01
+6
Եղանակը Երևանում
Հայ
ԼՂՀ այցելած Ադրբեջանական մտավորականության ներկայացուցիչները համոզվեցին, որ գործ ունեն կայացած պետության հետ. Ղարաբաղի ԱԳՆ
18:16
07 Հուլիսի 2009
ՍՏԵՓԱՆԱԿԵՐՏ, 7 հուլիսի. /Նովոստի-Արմենիա/. ԼՂՀ այցելած Ադրբեջանական մտավորականության ներկայացուցիչները համոզվեցին, որ գործ ունեն կայացած պետության հետ, ասվում է Ղարաբաղի ԱԳՆ տեղեկատվական վարչության  մեկնաբանությունում՝ Ադրբեջանի և Հայաստանի պետվիրակությունների Ստեփանակերտ կատարած այցի առիթով։

Հայաստանի և Ադրբեջանի մտավորականության ներկայացուցիչները համատեղ այց կատարեցին Ստեփանակերտ – Երևան – Բաքու երթուղով՝ ՌԴ ԱԳՆ հատուկ հանձնարարությունների գծով դեսպան, ՌԴ նախագահի մշակույթի գծով հատուկ ներկայացուցիչ Միխայիլ Շվիդկոյի առաջնորդությամբ և Ռուսաստանի Դաշնությունում ՀՀ ու ԱՀ դեսպաններ Արմեն Սմբատյանի և Փոլադ Բյուլ-Բյուլ օղլու մասնակցությամբ՝ երկու երկրների նախագահների աջակցությամբ։

«Սույն այցը ուշագրավ է նաև մասնավորապես այն առումով, որ Ադրբեջանի մտավորականության ներկայացուցիչները, լինելով մեր երկրում, մի ավելորդ անգամ ևս համոզվեցին, որ գործ ունեն կայացած պետության հետ, ուր անկախ հանրապետության հռչակումից հետո ընկած ժամանակահատվածում, հաղթահարելով Ադրբեջանի կողմից սանձազերծած ագրեսիայի, պարտադրված պատերազմի և շրջափակման հետևանքով առաջացած դժվարություններն ու արգելքները՝ բոլոր ոլորտներում աննախադեպ ծավալով առաջընթաց է գրանցվել, որի արդյունքում լավագույն նախադրյալներ են ստեղծվել ԼՂՀ անկախության միջազգային ճանաչման գործընթացում»,- ասվում է հաղորդագրությունում։

«Լեռնային Ղարաբաղի ղեկավարությունը հերթական անգամ ցուցադրեց բարի կամքի դրսևորում` համաձայնելով հյուրընկալել Հայաստանի և Ադրբեջանի ստեղծագործական մտավորականության ներկայացուցիչներին` Ռուսաստանի Դաշնությունում ՀՀ և ԱՀ դեսպաններ Արմեն Սմբատյանի և Փոլադ Բյուլ-Բյուլ օղլու, ինչպես նաև ՌԴ ԱԳՆ հատուկ հանձնարարությունների գծով դեսպան, ՌԴ նախագահի մշակույթի գծով հատուկ ներկայացուցիչ Միխայիլ Շվիդկոյի առաջնորդությամբ, դրանով իսկ վերահաստատելով ղարաբաղյան խնդրի խաղաղ կարգավորման գործընթացի հանդեպ իր սկզբունքային հավատարմությունը»,- ընդգծեցին Ղարաբաղի ԱԳՆ-ից։

Ինչ վերաբերում է ադրբեջանական պատվիրակության այցի, երթուղու և կազմի հետ կապված որոշ տարաձայնություններին՝ ղարաբաղյան կողմի պահանջով փոխվեց ոչ միայն երթուղին, այլև ընդգծված հակաղարաբաղյան և հակահայկական կեցվածքի պատճառով պատվիրակության կազմից հանվեցին Ադրբեջանի Միլլի մեջլիսի պատգամավոր Խավվա Մամեդովան և պատվիրակության անդամ Չինգիզ Իսմայիլովը:

«Նկատի ունենալով այս այցի հանդեպ ադրբեջանական կողմի շահագրգռվածությունը՝ դժվար չէ ենթադրել, որ պաշտոնական Բաքուն ուղիներ է որոնում արմատական փոփոխության ենթարկել բանակցային գործընթացի ձևաչափը և առանց միջնորդների անմիջական բանակցություններ վարել ԼՂՀ ղեկավարության հետ, ինչին այլընտրանք չկա: Հաշվի առնելով նման փոխադարձ այցերի ազդակները՝ միտված հակամարտության մեջ հայտնված հասարակություններում լարվածության թուլացմանը, միջոցառումն արժանի է ուշադրության»,- ընդգծեցին ԼՂՀ ԱԳՆ տեղեկատվական համակարգում։ -0-

Loading...
Թեմատիկ նյութեր
Բաժնի այլ նյութեր
13:04
08 Նոյեմբերի 2017
Ադրբեջանական կողմը ԵԱՀԿ առաքելությանը դուրս չի բերել առաջապահ դիրքեր
Դիտարկումն անցել է ըստ նախատեսված ժամանակացույցի, սակայն ադրբեջանական կողմը ԵԱՀԿ առաքելությանը դուրս չի բերել իր առաջապահ դիրքեր:
10:35
07 Նոյեմբերի 2017
ԵԱՀԿ դիտարկում է անցկացվելու Մարտակերտ քաղաքից դեպի հյուսիս
ԵԱՀԿ առաքելությունն Արցախի և Ադրբեջանի զինված ուժերի շփման գծի պլանային դիտարկում է անցկացնելու:
18:05
04 Նոյեմբերի 2017
 Արցախում 20–ամյա զինծառայող է զոհվել. կան վիրավորներ
Այսօր Արցախում 20–ամյա զինծառայող է զոհվել. կան վիրավորներ։
16:55
03 Նոյեմբերի 2017
CNN Greece-ը ֆիլմ է նկարահանել Արցախի մասին (ՎԻԴԵՈ)
Ֆիլմում նշվում է նաև, որ Արցախը երկար տարիներ ապրում է պատերազմի և խաղաղության միջև:
10:23
02 Նոյեմբերի 2017
Էրդողանը մտադիր է քննարկել Պուտինի հետ ղարաբաղյան կարգավորման հարցը
Թուրքիայի նախագահ Ռեջեփ Թայիփ Էրդողանը ցանկանում է հանդիպել ՌԴ նախագահ Վլադիմիր Պուտինի հետ:
15:38
28 Հոկտեմբերի 2017
Իրավիճակն արցախա-ադրբեջանական զորքերի շփման գծում եղել է լարված. ԱՀ ՊՆ
Իրավիճակն արցախա-ադրբեջանական հակամարտ զորքերի շփման գծում նախորդ շաբաթվա համեմատ եղել է լարված։
12:50
25 Հոկտեմբերի 2017
Արցախի ՊԲ հրամանատարը դեսպան Կասպշիկին է ներկայացրել ադրբեջանական սադրանքի ապացույցները
Լևոն Մնացականյանն ընդունել է ԵԱՀԿ գործող նախագահի անձնական ներկայացուցիչ, դեսպան Անջեյ Կասպշիկին:
11:26
25 Հոկտեմբերի 2017
Հակառակորդը կրկին ակտիվություն է դրսևորել ղարաբաղա-ադրբեջանական հակամարտ զորքերի շփման գծում
Ադրբեջանական զինուժը 60 մմ-ոց ականանետերից արձակել է 23 արկ:
12:36
24 Հոկտեմբերի 2017
Ստեփանակերտ–Երևան նոր երթուղի է գործարկվում Վարդենիս-Մարտակերտ նորակառույց մայրուղով
Վարդենիս-Մարտակերտ նոր մայրուղով կգործարկվի Ստեփանակերտ–Երևան նոր երթուղին։
11:09
24 Հոկտեմբերի 2017
ԵԱՀԿ–ն հերթական դիտարկումը կանցկացնի Հադրութի հարավարևելյան ուղղությամբ
Արցախի իշխանությունները պատրաստակամություն են հայտնել աջակցել դիտարկման անցկացմանը:
19:11
23 Հոկտեմբերի 2017
Ադրբեջանական զինուժը կրկին կիրառել է «ՍՊԱՅԿ» տիպի կառավարվող հակատանկային հրթիռ
Ադրբեջանական զինուժը խախտել է հրադադարի պահպանման ռեժիմը:
15:09
23 Հոկտեմբերի 2017
ԱՀ ՊՆ–ն հրապարակել է Ադրբեջանի կողմից կիրառված հրթիռի արձակման պահի և դրա թողած հետքի տեսագրությունը (ՎԻԴԵՈ)
Արցախի ՊՆ–ն հրապարակել է Ադրբեջանի կողմից կիրառված «ՍՊԱՅԿ» հրթիռի արձակման պահի և դրա թողած հետքի տեսագրությունը։