481.77
-0.24
540.26
-0.7
8.5
-0.06
+22
Եղանակը Երևանում
Հայ
Ղարաբաղում ստեղծվում են բոլոր պայմանները բիզնեսը զարգացնելու և ներդրումներ կատարելու համար. ԼՂՀ նախագահ
10:28
22 Հունիսի 2009

ՍՏԵՓԱՆԱԿԵՐՏ, 22 հունիսի. ./Նովոստի-Արմենիա/. Լեռնային Ղարաբաղում ստեղծվում են բոլոր պայմանները բիզնեսը զարգացնելու և ներդրումներ կատարելու համար, շաբաթ օրը հայտարարել է ԼՂՀ նախագահ Բակո Սահակյանը:

«Երկիրը հարուստ է բնական պաշարներով: Ամենահեռանկարային ոլորտներից են գյուղատնտեսությունը, լեռնահանքային և վերամշակող արդյունաբերությունը, էներգետիկան, զբոսաշրջությունը: Սակայն մեր երկրի ամենամեծ հարստությունը մեր մարդկային կապիտալն է, մեր ժողովրդի մտավոր ունակությունները, աշխատասիրությունը, օրինապաշտությունը, զարգանալու և ինքնակատարելագործվելու ձգտումը», - ասել է ԼՀՂ նախագահը շաբաթ օրը Ստեփանակերտում մեկնարկած «Bridge Artsakh» տնտեսական համաժողովի մասնակիցներին ուղղված ողջույնի խոսքում:

Նրա խոսքերով, միջազգային ֆինանսատնտեսական ներկա ճգնաժամի պայմաններում դժվար է խոսել զարգացման հեռանկարների մասին:

«Դժվար է, բայց ոչ անհնարին։ Ավելին՝ զարգացումն այլընտրանք չունի։ Մենք կանգնած ենք հին հարցերը նոր իրողություններում լուծելու հիմնախնդրի առջև։ Իսկ դա պահանջում է հնարավորությունների վերագնահատում, ռազմավարական ուղղությունների և մեր գործընկերների հետ համագործակցության հեռանկարների հստակեցում», - ասել է Սահակյանը:

ԼՂՀ նախագահը հայտարարել է, որ ներկայիս տնտեսական համաժողովի ձևաչափը հնարավորություն է ընձեռում համակողմանի քննարկումներ ծավալել տնտեսությանն առնչվող հարցերի լայն շրջանակի վերաբերյալ, և այս ներուժը անպայմանորեն գործադրվելու է նաև հետագա համագործակցության ընթացքում:

ԼՂՀ նախագահը համոզմունք է հայտնել, որ պետություն-բիզնես ծավալվող երկխոսության ընթացքում կծնվեն նոր մտքեր, առաջ կգան գործնական առաջարկներ գյուղատնտեսության, շինարարության, տրանսպորտի, վարկային համակարգի, ինչպես նաև ներգնա տուրիզմի զարգացման վերաբերյալ:

«Առկա իրողություններում հատկապես արժևորում ենք ձեռներեցության խնդիրների և հեռանկարների վերաբերյալ ձեր տեսակետները։ Առանձնակի կարևորում ենք նաև արցախյան գործարարների և պետական պաշտոնյաների՝ տնտեսագիտության ոլորտում մասնագիտացմանն առնչվող հարցերը», - ասել է Սահակյանը:

ԼՂՀ նախագահը հույս է հայտնել, որ ներկայացուցչական այս համաժողովը կդառնա Լեռնային Ղարաբաղի Հանրապետությունը բարեկամների և արտաքին աշխարհի հետ կապող ևս մեկ հուսալի կամուրջ։ -0-

Loading...
Թեմատիկ նյութեր
Բաժնի այլ նյութեր
15:03
26 Մայիսի 2017
Պայմանագրային զինծառայող է զոհվել հակառակորդի գնդակից
Ուրբաթ` մայիսի 26–ին, ՊԲ զորամասերից մեկում պայմանագրային զինծառայող է զոհվել:
15:21
25 Մայիսի 2017
ԵԱՀԿ–ի դիտարկման ընթացքում Ադրբեջանը օգտագործել է հսկողության աերոստատ. ԱԳՆ
Ադրբեջանը ԵԱՀԿ առաքելությանը դուրս չի բերել իր առաջապահ դիրքեր։
12:27
24 Մայիսի 2017
ԵԱՀԿ–ն դիտարկում կանցկացնի Մարտակերտի Սեյսուլան բնակավայրից դեպի արևմուտք
Արցախի Հանրապետության իշխանությունները պատրաստակամություն են հայտնել աջակցել դիտարկման անցկացմանը:
10:44
24 Մայիսի 2017
Հակառակորդն առաջնագծում կիրառել է ականանետեր ու նռնականետեր. հայկական կողմը դիմել է պատասխան գործողությունների
ՊԲ առաջապահ զորամասերը շարունակել են վստահորեն իրականացնել մարտական հերթապահություն։
10:37
23 Մայիսի 2017
Հակառակորդը Դ-44 տիպի հրանոթ է կիրառել շփման գծում
Մայիսի 22-ին և լույս 23-ի գիշերը արցախա-ադրբեջանական հակամարտ զորքերի շփման գծում հակառակորդը տարբեր տրամաչափի հրաձգային զինատեսակներից շուրջ 100 անգամ խախտել է հրադադարի պահպանման ռեժիմը։
13:08
22 Մայիսի 2017
Շահումյան-Սոթք ավտոճանապարհը երկկողմանի փակ է լինելու
Արհեստական քարաթափման պատճառով երկկողմանի փակ է լինելու Շահումյան-Սոթք ավտոճանապարհը։
10:32
22 Մայիսի 2017
Հակառակորդը գիշերն արձակել է ավելի քան 750 կրակոց` կիրառելով նաև 60 մմ ականանետ
ՊԲ առաջապահ զորամասերը հիմնականում ձեռնպահ են մնացել պատասխան գործողություններից։
10:37
20 Մայիսի 2017
Արցախում 21–ամյա զինծառայող է զոհվել
Արցախում այսօր առավոտյան 21–ամյա զինծառայող է զոհվել։
18:17
19 Մայիսի 2017
Ադրբեջանի ԶՈՒ–ն կրակ է վարել իր իսկ դիրքերի ուղղությամբ (ՏԵՍԱՆՅՈՒԹ)
Ադրբեջանի զինուժն այսօր անցել է բանականության մեջ չտեղավորվող գործողության։
12:40
19 Մայիսի 2017
Հակառակորդը շփման գծում ականանետ և նռնականետ է կիրառել
Արցախա-ադրբեջանական հակամարտ զորքերի շփման գծում  հակառակորդը տարբեր տրամաչափի հրաձգային զինատեսակներից խախտել է  հրադադարի պահպանման ռեժիմը։
10:15
18 Մայիսի 2017
Հակառակորդը մոտ 60 անգամ խախտել է հրադադարի պահպանման ռեժիմը շփման գծում
ՊԲ առաջապահ զորամասերը ձեռնարկել են կանխարգելիչ միջոցառումներ։
16:06
17 Մայիսի 2017
ՊԲ–ի կանխարգելիչ գործողությունների արդյունքում հակառակորդը կրել է կորուստներ (ՏԵՍԱՆՅՈՒԹ)
ՊԲ մարտական հերթապահության մեջ գտնվող ստորաբաժանումները ձեռնարկել են կանխարգելիչ գործողություններ: