480.45
+0.06
537.05
+0.45
8.13
+0.06
+32
Եղանակը Երևանում
Հայ
ԼՂՀ ԱԺ խոսնակը միջխորհրդարանական համագործակցության հարցեր է քննարկել ֆրանսիացի պատգամավորի հետ
18:57
08 Հունիսի 2009

ՍՏԵՓԱՆԱԿԵՐՏ, 8 հունիսի. /Նովոստի-Արմենիա/. Հունիսի 8-ին ԼՂՀ Ազգային ժողովի նախագահ Աշոտ Ղուլյանն ընդունել է իր հրավերով Արցախ ժամանած Ֆրանսիայի Ազգային ժողովի պատգամավոր, Ֆրանսիա-Հայաստան բարեկամության պատգամավորական խմբի ղեկավար Ֆրանսուա Ռոշբլուանին և նրան ուղեկցող անձանց՝  խմբի քարտուղար Ժան-Պիեռ Դելանուային, Ֆրանսիայի Սեն Շամոն քաղաքի խորհրդի անդամ Էմանուել Մանդոնին և «Սատար Ղարաբաղին» ֆրանսահայ միության նախագահ Ռաֆայել Մուսայելյանին։  Հյուրերին ուղեկցում էր Ֆրանսիայում ԼՂՀ ներկայացուցիչ Հովհաննես Գևորգյանը։

Ինչպես «Նովոստի-Արմենիա» գործակալությանը հայտնեցին ԼՂՀ Ազգային Ժողովի մամուլի ծառայությունից, ողջունելով ֆրանսիացի խորհրդարանականին և մյուս հյուրերին՝ Աշոտ Ղուլյանը Ֆրանսուա Ռոշբլուանին շնորհակալություն հայտնեց Արցախ այցելելու հրավերը սիրով ընդունելու և այցի ծրագրի շրջանակներում ԼՂՀ օրենսդիր մարմնի անդամների առջև բանախոսությամբ հանդես գալու համաձայնության համար։ 

Միևնույն ժամանակ ԱԺ նախագահը Ֆրանսուա Ռոշբլուանին և նրա միջոցով ողջ  ֆրանսիացի ժողովրդին ցավակցություն հայտնեց Ատլանտյան օվկիանոսում «Էյր Ֆրանս» ընկերության ինքնաթիռի վթարի հետևանքով մարդկային զոհերի կապակցությամբ:

Իր հերթին շնորհակալություն հայտնելով ԱԺ նախագահին սիրալիր հրավերի և ջերմ ընդունելութայն համար՝ ֆրանսիացի պատգամավորը նշեց, որ սա իր երրորդ այցն է Լեռնային Ղարաբաղ։ «Եվ ես հիմա երջանիկ եմ, որ նորից գտնվում եմ այստեղ՝ իմ գործընկերների հետ», ասաց նա։ 

Ֆրանսուա Ռոշբլուանը նշեց, որ հաճելիորեն զարմացած է այն փոփոխություններով, որոնց ականատեսն է երկարատև բացակայությունից հետո և որոնք ակնհայտ հաստատում են, թե Լեռնային Ղարաբաղն անցած ժամանակաշրջանում ինչպիսի հսկայական զարգացում է ապրել ամենատարբեր  բնագավառներում ու ոլորտներում։       

Ընդառաջելով ֆրանսիացի խորհրդարանականի խնդրանքին՝ ԱԺ նախագահը ներկայացրեց ԼՂՀ քաղաքական կյանքը, այդ թվում խորհրդարանի քաղաքական կառուցվածքը, երկրում ներկայումս գործող և մոտ հեռանկարի համար նախատեսվող ընտրական համակարգը, օրենսդրական դաշտի իրականացվող բարեփոխումների նպատակն ու ընթացքը։

«Արդեն տարիներ ի վեր, ասաց նա, ԼՂՀ-ում տեղի է ունենում մի նոր՝ երկրի օրենսդրությունը եվրոպական չափանիշներին համապատասխանեցնելու գործընթաց, որը մենք իրականացնում ենք կամավոր հիմունքներով՝ նպատակ ունենալով համընդունելի ժողովրդավարական սկզբունքների արմատավորմամբ ինտեգրվել եվրոպական արժեքային համակարգին»,- ասաց Ղուլյանը։

Զրույցի ընթացքում շոշափվեցին Հայաստան-Ֆրանսիա բարեկամության գործընթացի շրջանակներում ԼՂՀ և Ֆրանսիայի օրենսդիր մարմինների միջև համագործակցության կապերի ստեղծման հնարավորությունները, երկուստեք հետաքրքրություն ներկայացնող այլ հարցեր։    

Հանդիպմանը մասնակցում էր ԼՂՀ ԱԺ արտաքին հարաբերությունների մշտական հանձնաժողովի նախագահ Վահրամ Աթանեսյանը։

Լեռնային Ղարաբաղ քառօրյա այցի ընթացքում Ֆրանսիայի Ազգային Ժողովի պատգամավոր, Ֆրանսիա-Հայաստան բարեկամության պատգամավորական խմբի ղեկավար Ֆրանսուա Ռոշբլուանը և նրան ուղեկցող անձինք կայցելեն ղարաբաղյան Խաչեն գյուղ, որտեղ կծանոթանան SPFA ֆրանսիական կազմակերպության կողմից իրականացրած ծրագրերին, ինչպես նաև ԼՂՀ Մարտակերտի շրջանի Գանձասար հնագույն վանք, կլինեն ԼՂՀ և Ադրբեջանի զինված ուժերի շփման գծում։

Հյուրերը կհանդիպեն նաև Լեռնային Ղարաբաղի նախագահ Բակո Սահակյանի, հանրապետւոթյան հասարակական կազմակերպւոթյունների հետ։ Շուշիում կհանդիպեն Հայ Առաքելական Եկեղեցու Արցախյան թեմի առաջնորդ, Պարգև արքեպիսկոպոս Մարտիրոսյանի հետ։ -0-

Loading...
Թեմատիկ նյութեր
Բաժնի այլ նյութեր
13:15
27 Հունիսի 2017
Մասաչուսեթսում շուրջ 220 հազար դոլար է հավաքվել Արցախի ականազերծման համար
Միջոցները հավաքվել են բարեգործական երեկոյի ընթացքում։
10:37
26 Հունիսի 2017
Արցախի կործանիչ հարվածն ադրբեջանական դիրքերի ուղղությամբ (ՎԻԴԵՈ)
Համացանցում հայտնվել է տեսանյութ, որում երևում է, թե ինչպես է Արցախի պաշտպանության բանակը պատասխան կրակ վարում ադրբեջանական դիրքերի ուղղությամբ։
14:01
23 Հունիսի 2017
Արցախից Հայաստան իրականացված ուղերթերն ավելացել են
Արցախից Հայաստան իրականացվող երթերի թիվը 2017թ. առաջին եռամսյակում ավելացել է։
19:34
22 Հունիսի 2017
Հակառակորդի դիվերսիոն փորձը կանխվել է. նա ունի զոհեր (ՖՈՏՈ)
Հունիսի 21-ի լույս 22-ի գիշերը ադրբեջանական հատուկ ջոկատայինները դիվերսիոն ներթափանցման փորձ են ձեռնարկել շփման գծում։

14:59
22 Հունիսի 2017
Զախարովա. ԼՂ հակամարտության կարգավորման հարցը մշտապես գտնվում է ՌԴ ԱԳՆ–ի օրակարգում
ԵԱՀԿ ՄԽ համանախագահների հայտարարության մեջ արտացոլված է նաև Ռուսաստանի դիրքորոշումը:
13:02
22 Հունիսի 2017
Ադրբեջանի ՊՆ–ն «հայկական անօդաչու սարքի խոցման» մասին հերթական ապատեղեկատվությունն է տարածել
Ադրբեջանը նաև հայտարարել է, որ «պատասխան հարվածը լինելու է կործանիչ»։
11:33
22 Հունիսի 2017
ԵԱՀԿ–ն դիտարկում կանցկացնի Մարտակերտի Թալիշ գյուղի մոտ
ԵԱՀԿ առաքելությունն Արցախի և Ադրբեջանի զինված ուժերի շփման գծի պլանային դիտարկում է անցկացնելու Մարտակերտի Թալիշ գյուղից դեպի հյուսիս-արևմուտք։
18:38
21 Հունիսի 2017
Ղարաբաղում իրավիճակի սրման հավանականությունը կավելանա F-1 մրցարշավի ժամանակ
Հասարակական դժգոհության ժամանակ Ադրբեջանը սկսում է ավելացնել լարվածությունը շփման գծում։
17:08
21 Հունիսի 2017
Ադրբեջանագետը նշել է Ղարաբաղում իրավիճակի հնարավոր սրման պատճառը
Իր վերջին գործողություններով Ադրբեջանը ցույց է տալիս, որ չի պատրաստվում հրաժարվել ցանկացած պահի սահմաններին լարվածություն ստեղծելու հնարավորությունից:
11:51
21 Հունիսի 2017
ԱՀ ՊՆ-ն պարզաբանել է «դիվերսիայի և գերիների» հետ կապված իրավիճակը
Ադրբեջանն հերթական ապատեղեկատվություն է տարածել:
11:55
20 Հունիսի 2017
Արցախն առաջ կանցնի Ադրբեջանից «սև ոսկու» արտադրությամբ (ՎԻԴԵՈ)
Արցախը սև խավիար կարտադրի և կարտահանի։
14:34
18 Հունիսի 2017
Օդային փառատոն՝ Ստեփանակերտում (ՖՈՏՈ)
Հունիսի 17-ին երեկոյան Ստեփանակերտի օդանավակայանում կազմակերպվել է օդային փառատոն: