486.95
+0.14
513.34
-3.7
8.4
-0.03
-2
Եղանակը Երևանում
Հայ
Վերջին 15 տարվա ընթացքում Ղարաբաղի և Ադրբեջանի ԶՈՒ շփման գծում հրադադարի ռեժիմը պահպանվում է. ԼՂՀ պաշտպանության նախարար
14:57
11 Մայիսի 2009

Վերջին 15 տարվա ընթացքում Լեռնային Ղարաբաղի և Ադրբեջանի Զինված ուժերի շփման գծում «ոչ պատերազմ, ոչ խաղաղություն» կարգավիճակով հրադադարի ռեժիմը պահպանվում է, երկուշաբթի Ստեփանակերտում տեղի ունեցած մամուլի ասուլիսի ժամանակ հայտարարել է ԼՂՀ պաշտպանության նախարար, գեներալ-լեյտենանտ Մովսես Հակոբյանը։

Նրա խոսքերով` պատմության մեջ չկա որևէ դեպք, երբ նման կարգավիճակը պահպանվի այդքան երկար ժամանակ։

«Բոլոր պատերազմները որոշակի փուլում ավարտվում են, սակայն Լեռնային Ղարաբաղի և Ադրբեջանի միջև տեղի ունեցած պատերազմում դեռևս վերջնական լուծում չկա», - նշել է Հակոբյանը։

ԼՂՀ պաշտպանության նախարարը հայտարարել է, որ անցած 15 տարվա ընթացքում առաջավոր գծում տեղի են ունեցել զգալի փոփոխություններ։

«1994 թ.-ի մայիսի 11-ին արդեն հայտարարվել էր հրադադարի ռեժիմի մասին, մայիսի 12-ին ուղղակի զինադադարի մասին համաձայնագիր է կնքվել։ Ամեն դեպքում այն ժամանակ մեզ հաջողվեց ստիպել Ադրբեջանին նստել բանակցությունների սեղանի շուրջ, մինչ այդ ձեռք էին բերվել տարբեր պայմանավորվածություններ ինչպես պաշտպանության նախարարների, այնպես էլ արտգործնախարարների միջև։ Սակայն Ադրբեջանը երբեք չի պահպանել հրադադարի ռեժիմը, 1994 թ.-ի մայիսի 12-ից հետո և մինչ օրս լուրջ ռազմական գործողություններ տեղի չեն ունեցել։ Այս ժամանակվա ընթացքում Ադրբեջանը փորձում էր բարելավել իր դիրքերը՝ ԼՂՀ զինված ուժերին մշտական լարվածության մեջ պահելու համար», - նշել է Հակոբյանը։

Ղարաբաղի պաշտպանության նախարարը հայտարարել է, որ ադրբեջանական կողմին դա մասնակիորեն հաջողվեց, սակայն ԼՂՀ պաշտպանության բանակի վճռականության շնորհիվ՝ Ադրբեջանի ամեն տեսակի փորձերը լիովին կանխվել են։

«Մինչ օրս մենք շարունակում ենք ամրապնդել մեր դիրքերը։ Վերջին տարիների ընթացքում բավականին շուրջ աշխատանքներ են իրականացվել, մասնավորապես՝ անցած տարի շփման գծի ձախ ճակատի դիրքերի բարելավման ուղղությամբ։ Նման միջոցառումներն իրագործվում են պարբերաբար, հակառակորդի բոլոր ոտնձգությունները կանխվում են ԼՂՀ պաշտպանության բանակի կողմից, իմ հրամանով առաջավոր գծի բոլոր զինծառայողներն իրավունք ունեն որոշում ընդունել և կրակ բացել անհրաժեշտության դեպքում, ինչի նպատակը հակառակորդին միշտ սեփական դիրքերում պահելն է», - ասել է Հակոբյանը։

ԼՂՀ պաշտպանության նախարարը տեղեկացրել է, որ 2006 թ.-ին Ադրբեջանի կողմից գրանցվել է առաջավոր գծում 580 կրակոց, ղարաբաղյան կողմից՝ 116 կրակոց, 2007 թ.-ին՝ 1445 և 431, 2008 թ.-ին՝ 3480 և 728, իսկ 2009 թ.-ի սկզբին ադրբեջանական կողմը առաջավոր գծում կրակ է բացել 1098, իսկ ղարաբաղյան կողմը՝ 186 անգամ։

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

 

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-

Loading...
Թեմատիկ նյութեր
Բաժնի այլ նյութեր
16:28
21 Փետրվարի 2017
ԼՂՀ ՊՆ–ն հերքում է. ՊԲ զորամասերը երբեք քաղաքացիական օբյեկտներն ու խաղաղ բնակչությանը չեն թիրախավորում
ՊԲ առաջապահ ուժերը երբեք նախահարձակի դերում հանդես չեն գալիս, իսկ ադրբեջանական մարտական դիրքերի ուղղությամբ կրակ են բացում միայն խիստ անհրաժեշտության դեպքում:
10:51
21 Փետրվարի 2017
Հակառակորդը շփման գծում դիպուկահար հրացաններ է կիրառել
Ղարաբաղա-ադրբեջանական հակամարտ զորքերի շփման գծում հակառակորդը խախտել է հրադադարի ռեժիմը տարբեր տրամաչափի հրաձգային զինատեսակներից։
10:08
21 Փետրվարի 2017
Հայտնի են Արցախի հանրաքվեի նախնական արդյունքները
Արցախի կենտրոնական ընտրական հանձնաժողովը հրապարակել է Արցախի սահմանադրական հանրաքվեի քվեարկության արդյունքները՝ ժամը 03։00-ի դրությամբ։

22:00
20 Փետրվարի 2017
Արցախի Սահմանադրության նախագծի հանրաքվեն ավարտվել է. քվեարկել է ընտրողների 75,91%–ը
Արցախի Հանրապետությունում ավարտվել է Սահմանադրության նախագծի հանրաքվեն։
18:03
20 Փետրվարի 2017
Ադրբեջանն ընդլայնում է «սև ցուցակը»
Ադրբեջանի ԱԳՆ–ն ուշադիր հետևում է Ղարաբաղի հանրաքվեին:
11:34
20 Փետրվարի 2017
Արցախում Սահմանադրական փոփոխությունների հանրաքվե է անցկացվում
Երկուշաբթի Արցախում Սահմանադրական փոփոխությունների հանրաքվե է անցկացվում։
10:48
20 Փետրվարի 2017
Իրադրությունն առաջնագծում. գիշերը հակառակորդն արձակել է ավելի քան 550 կրակոց
ՊԲ առաջապահ զորամասերը հիմնականում ձեռնպահ են մնացել հակառակորդի սադրիչ գործողություններին պատասխանելուց և շարունակել վստահորեն իրականացնել մարտական ծառայություն:

10:18
19 Փետրվարի 2017
Հակառակորդը գիշերը շփման գծում արձակել է ավելի քան 300 կրակոց
ՊԲ առաջապահ զորամասերը լիակատար վերահսկողություն են պահպանում առաջնագծում և շարունակում վստահորեն իրականացնել մարտական հերթապահություն:

15:07
18 Փետրվարի 2017
Արցախի զորամասերից մեկի զինծառայողը մահացու հրազենային վիրավորում է ստացել
Շաբաթ օրն առավոտյան ԼՂՀ ՊԲ զորամասերից մեկում ժամկետային զինծառայող է մահացել:
10:40
18 Փետրվարի 2017
Գիշերը հակառակորդը կիրառել է դիպուկահար հրացաններ և 60 միլիմետրանոց ականանետ
Արևելյան ուղղությամբ ադրբեջանական զինուժը կիրառել է նաև 60 միլիմետրանոց ականանետ (3 արկ):
18:01
17 Փետրվարի 2017
ՌԴ ԱԳՆ. ղարաբաղյան կարգավորումը չի կարող կախված լինել Ղարաբաղում հանրաքվեի անցկացումից
Ռուսաստանը չի կարծում, որ ղարաբաղյան հակամարտության խաղաղ կարգավորումը կարող է կախված լինել Ղարաբաղում նախատեսված սահմանադրական հանրաքվեից:
17:04
17 Փետրվարի 2017
«Կոմանդոսը» հրապարակել է ապացույցներ այն մասին, որ Խոջալուի բնակչությունը կարող էր լքել քաղաքը 1992 թ.-ին
Արկադի Տեր-Թադևոսյանը հրապարակել է մի փաստաթուղթ, որն ապացուցում է, որ Խոջալուի բնակիչները իրենց հայտնի արահետներով կարող էին լքել քաղաքը 1992 թ.-ի փետրվարին: