478.23
-0.15
574.4
+0.97
8.26
+0.03
+31
Եղանակը Երևանում
Հայ
Ղարաբաղյան հակամարտության կարգավորման գործում բեկումնային պահ կարող է արձանագրվել Սանկտ Պետերբուրգում
12:36
11 Մայիսի 2009

Ղարաբաղյան հակամարտության կարգավորման գործում բեկումնային պահ կարող է արձանագրվել Սանկտ Պետերբուրգում մեկ ամիս անց կայանալիք հանդիպման ընթացքում, կարծում է ԵԱՀԿ Մինսկի խմբի համանախագահ Մեթյու Բրայզան։

«Հայաստանի և Ադրբեջանի նախագահները քայլ առ քայլ շարժվում են այդ հարցի ուղղությամբ, ու թեև բեկումնային պահ դեռևս չի արձանագրվել, սակայն նրանք հիմք են ստեղծել դրա համար», - ասել է Բրայզան Պրահայում «Էխո Մոսկվի» ռադիոկայանին տված հարցազրույցի ժամանակ։

Խոսելով ղարաբաղյալ հակամարտության կարգավորման հիմնարար խնդիրների վերաբերյալ Միացյալ Նահանգների դիրքորոշումների մասին՝ Բրայզան կարևորել է այն, որ վերջնական որոշումը հավասարակշռությունը կլինի։

«Դա ինքնորոշման, տարածքային ամբողջականության և ուժի բացառման սկզբունքների միջև հավասարակշռությունն է։ Եվ դա հնարավոր է։ Հնարավոր է կառուցել նման հավասարակշռություն, սակայն դա շատ բարդ խնդիր է։ Եվ այդ պատճառով այդ բանակցություններն այդքան երկար են շարունակվում», - ասել է համանախագահը։

Բրայզայի կարծիքով՝ ամենակարևորն այն է, որ ձեռք բերված որոշումն «ընդունելի լինի մեր գործընկերների համար»։ «Եվ մենք կարող ենք շատ լավ համագործակցել Ռուսաստանի հետ այդ ոլորտում», - ավելացրել է Բրայզան։

Նա նշել է, որ բանակցությունների կարևոր առարկա է նաև Ղարաբաղի և Ադրբեջանի շրջանների հարցը, որոնք գտնվում են հայկական կողմի վերահսկողության տակ։

«Եվ ես կարծում եմ, որ վերջապես այդ տարածքները կվերադարձվեն, հնարավոր կլինի նաև այդ տարածքներ ադրբեջանցի փախստականների վերադարձը։ Այժմ չեմ կարող կանխատեսել, թե ինչ կլինի Ղարաբաղի հետ։ Մենք գիտենք, որ այնտեղ նոր իրավիճակ է։ Ինչպե՞ս սահմանել այդ իրավիճակը. այս մասին են բանակցությունները», - ասել է Բրայզան։

Այս կապակցությամբ նա կարևորել է Մոսկվայում Իլհամ Ալիևի արած հայտարարությունը, որի համաձայն պետք է ստեղծվի Ղարաբաղը Հայաստանի հետ կապող միջանցք։

Բրայզան կարծում է, որ այդ հայտարարությունը մեծ քայլ է առաջ, քանի որ «նախագահը խոսել է Ղարաբաղի բնակչության ինքնորոշման և ինքնավարության իրավունքի մասին»։

Համանախագահը նշել է, որ նման կերպ Ալիևը պատրաստում է իր քաղաքացիներին թեև դժվարին, սակայն փոխզիջումների։ Բրայզայի կարծիքով՝ այդ փոխզիջումները կիրագործվեն։

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

 

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-

Loading...
Թեմատիկ նյութեր
Բաժնի այլ նյութեր
10:52
20 Սեպտեմբերի 2017
Ադրբեջանը չունի իրավական և բարոյական որևէ հիմք Արցախի հանդեպ հավակնություն ներկայացնելու համար. ՀՀ նախագահ
Ադրբեջանը չունի իրավական և բարոյական որևէ հիմք Արցախի հանդեպ հավակնություն ներկայացնելու համար, հայտարարել է ՀՀ նախագահ Սերժ Սարգսյանը։
15:11
19 Սեպտեմբերի 2017
Վարչապետ. Հայաստանն ամեն վայրկյան պատրաստ է պատասխանել Արցախի նկատմամբ ցանկացած ոտնձգությանը
Հայաստանն ամեն վայրկյան պատրաստ է պատասխանել Արցախի նկատմամբ ցանկացած ոտնձգությանը:
18:15
18 Սեպտեմբերի 2017
Արցախի շփման գիծը հարկավոր է ամրապնդել. Վիգեն Սարգսյան
Հարկավոր է շարունակել Արցախի առաջնագծի ամրապնդումը, հայտարարեց ՀՀ պաշտպանության նախարար Վիգեն Սարգսյանը Հայաստան–Սփյուռք 6–րդ համաժողովի շրջանակում։
16:23
18 Սեպտեմբերի 2017
Բաքվի հայատյացության քաղաքականության հետևանքները ժամանակի հետ դառնում են վտանգավոր. ԼՂՀ օմբուդսմեն
Բաքվի հայատյացության քաղաքականության հետևանքները ժամանակի հետ դառնում են ավելի վտանգավոր, հայտարարեց Արցախի մարդու իրավունքների պաշտպան Ռուբեն Մելիքյանը:
14:19
18 Սեպտեմբերի 2017
Ի տարբերություն Ադրբեջանի, Արցախի կարծիքով, ղարաբաղյան հակամարտության խաղաղ կարգավորումն այլընտրանք չունի
Ի տարբերություն Ադրբեջանի, Արցախի կարծիքով, ղարաբաղյան հակամարտության խաղաղ կարգավորմանը այլընտրանք չունի:
12:07
18 Սեպտեմբերի 2017
Սարգսյան. Հայաստանի և Արցախի զինված ուժերն անկայուն տարածաշրջանում անվտանգության և խաղաղության երաշխավորներն են
Հայաստանի և Արցախի զինված ուժերն են այսօր այս անկայուն տարածաշրջանում անվտանգության և խաղաղության երաշխավորը, հայտարարել է ՀՀ նախագահ Սերժ Սարգսյանը։
11:32
18 Սեպտեմբերի 2017
Արցախի բնակչությունն ունի սեփական երկրում ազատ, անկախ և անվտանգ ապրելու բնական իրավունք. ՀՀ նախագահ
Արցախի բնակչությունն ունի սեփական երկրում ազատ, անկախ և անվտանգ ապրելու բնական իրավունք, հայտարարել է ՀՀ նախագահ Սերժ Սարգսյանը` ելույթ ունենալով Հայաստան–Սփյուռք 6–րդ համաժողովի շրջանակում։
13:17
15 Սեպտեմբերի 2017
Ադրբեջանական ԶԼՄ–ները հերթական ապատեղեկատվություն են տարածել. Արցախի ՊՆ
Արցախի Հանրապետության պաշտպանության նախարարությունն ապատեղեկատվություն է անվանել ադրբեջանական ԶԼՄ—ներում տարածված տեղեկությունները հայ զինվորների մահվան մասին։
10:43
11 Սեպտեմբերի 2017
ԵԱՀԿ–ն դիտարկում կանցկացնի Հադրութում
Դիտարկումը կանցկացվի Հադրութի շրջանի արևելյան ուղղությամբ:
17:18
07 Սեպտեմբերի 2017
Արցախի նախագահն ընդունել է կառավարության հրաժարականը
Սեպտեմբերի 7-ին Ազգային ժողովի հատուկ նիստում տեղի է ունեցել Արցախի Հանրապետության նախագահի երդման հանդիսավոր արարողությունը։  
14:16
07 Սեպտեմբերի 2017
Արցախի նախագահ Բակո Սահակյանը ստանձնեց պաշտոնը
Բակո Սահակյանը երդում է տվել Սահմանադրությամբ սահմանված կարգով ևստանձնել երկրի ղեկավարի պաշտոնը:
20:35
05 Սեպտեմբերի 2017
ՄԱԿ–ում տարածվել է Արցախի ԱԳՆ–ի փաստաթուղթը Արցախի մեկուսացմանն ուղղված Ադրբեջանի քաղաքականության մասին
Սեպտեմբերի 1-ին փաստաթուղթը հրապարակվել է ՄԱԿ պաշտոնական կայքէջում: