482.25
+0.32
566.07
-3.09
8.39
+0.02
+7
Եղանակը Երևանում
Հայ
Հայաստանի և Ադրբեջանի ղեկավարների հանդիպումը Պրահայում դինամիզմ կհաղորդի ղարաբաղյան հակամարտության գործընթացին. ղարաբաղցի վերլուծաբան
20:01
07 Մայիսի 2009

Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումը Պրահայում դինամիզմ կհաղորդի ղարաբաղյան խաղաղ կարգավորման գործընթացին, հինգշաբթի «Նովոստի-Արմենիա» գործակալությանը տված հարցազրույցում հայտարարեց ղարաբաղցի վերլուծաբան Դավիթ Ղարաբեկյանը։

Նրա խոսքերով՝ հակամարտության կարգավորման գործընթացի նշանակալից ուղենիշերից մեկը Մայնդորֆի հռչակագրի ընդունումն էր 2008 թվականի նոյեմբերի 2-ին։

Միաժամանակ վերլուծաբանը կարծիք հայտնեց, որ կարգավորման հիմքի կամ էական ճեղքման ձևավորումը տվյալ գործընթացում քիչ հավանական է թվում։

«Շինարարների կողմից անտեսված քարը դառնում է անկյունաքար, դա աստվածաշնչյան ճշմարտություն է։ Ղարաբաղյան կարգավորման հարցում չի դրսևորվում հակամարտության բոլոր կողմերին բավարարող արդյունավետ լուծման հնարավորություն՝ առանց գործընթացին Լեռնային Ղարաբաղի անմիջական մասնակցության։ Ղարաբաղը պետք է մասնակցի՝ հակամարտության մյուս կողմերին  հավասար կարգավիճակով»,- նշեց Ղարաբեկյանը։

Ղարաբաղցի վերլուծաբանի կարծիքով՝ առավել հավանական է, որ միջնորդներն ու երկու պետությունների ներկայացուցիչները միջոցների համալիր կնշեն  հիմնախնդրի խաղաղ կարգավորման գործընթացի հետագա զարգացման և տարածաշրջանում դրության բարելավման ուղղությամբ։

«Լեռնային Ղարաբաղը ոչ միայն հակամարտության էպիկենտրոնն է, այլև հակամարտության տարածաշրջանում ներկայիս սատատուս-քվոյի կայացման հարցում վճռորոշ ներդրում ունեցած կողմ։ Ղարաբաղը համեմատաբար ծանր կորուստներ կրեց, և ներկայումս Ղարաբաղի ղեկավարությունն առավել հստակ է գիտակցում կարգավորման այս կամ այն մոդելի ընդունման հետևանքները Ղարաբաղի և հակամարտության ողջ տարածաշրջանի բնակչության անվտանգության համար»,- նշեց Ղարաբեկյանը։

Նրա խոսքերով՝ ներկայիս հանդիպումն անցնում է Հարավային Կովկասում լուրջ փոփոխությունների ֆոնի ներքո (Հարավային Օսեթիայի և Աբխազիայի դեպքերը, ռուս-թուրքական և հայ-թուրքական հարաբերությունների բարելավումը, Ռուսաստանի և Ադրբեջանի մերձեցումը մի շարք ընդհանուր հարցերով), ինչը ենթադրում է տվյալ փոփոխությունների հնարավոր հեռանկարների գնահատականը հակամարտության խաղաղ կաևգավորման գործընթացի զարգացման համար։

«Այսօր, այսպես կոչված, «ճանապարհային քարտեզը» և հասարակության մեջ մեծ արձագանք գտած «մադրիդյան սկզբունքները» բավականին սուր և կտրուկ արձագանք են ստացել Հայաստանում և Լեռնային Ղարաբաղում։ Երկու երկրների բազմաթիվ քաղաքական ուժեր նույնիսկ փորձել են մեղադրել իշխանություններին ազգային շահերի դավաճանութայն համար, ինչը, բնականաբար, կարտացոլվի հիմնախնդրի կարգավորման առաջիկա բանակցությունների վրա»,- հավելեց Ղարաբեկյանը։

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

 

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-

Loading...
Թեմատիկ նյութեր
Բաժնի այլ նյութեր
19:11
23 Հոկտեմբերի 2017
Ադրբեջանական զինուժը կրկին կիրառել է «ՍՊԱՅԿ» տիպի կառավարվող հակատանկային հրթիռ
Ադրբեջանական զինուժը խախտել է հրադադարի պահպանման ռեժիմը:
15:09
23 Հոկտեմբերի 2017
ԱՀ ՊՆ–ն հրապարակել է Ադրբեջանի կողմից կիրառված հրթիռի արձակման պահի և դրա թողած հետքի տեսագրությունը (ՎԻԴԵՈ)
Արցախի ՊՆ–ն հրապարակել է Ադրբեջանի կողմից կիրառված «ՍՊԱՅԿ» հրթիռի արձակման պահի և դրա թողած հետքի տեսագրությունը։
10:53
23 Հոկտեմբերի 2017
Ադրբեջանը հրետանային զինատեսակներ է կիրառել Մարտակերտ-Մատաղիս ուղղությամբ (ՎԻԴԵՈ)
Ադրբեջանը Մարտակերտ-Մատաղիս ուղղությամբ հայկական դիրքերի վրա արձակել է ականանետի 5 արկ և «ՍՊԱՅԿ» տիպի հակատանկային հրթիռ։
14:22
21 Հոկտեմբերի 2017
Արցախում 2 զինծառայող է զոհվել
Արցախում 2 զինծառայող է զոհվել:
13:52
20 Հոկտեմբերի 2017
Փորձագետ. Ղարաբաղի հարցում Ադրբեջանն անհաշտելի դիրք է զբաղեցնում
Նախկինում ձեռք բերված պայմանավորվածությունները չեն կատարվում, և «հայտնի է` ում կողմից»։
20:48
19 Հոկտեմբերի 2017
Նալբանդյան. Բաքվի հետ Ժնևից հետո Արցախի հարցը չբարձրացնելու պայմանավորվածություն չի եղել
Հայաստանի ԱԳՆ ղեկավար Էդվարդ Նալբանդյանը հերքել է Բաքվի` Ժնևի գագաթնաժողովում Արցախի թեման չբարձրաձայնելու մասին իբր գոյություն ունեցող «պայմանավորվածությունների» հայտարարությունները։  
19:43
19 Հոկտեմբերի 2017
Արցախում զինծառայող է զոհվել հակառակորդի գնդակից
Հինգշաբթի 15:50-ի սահմաններում, ՊԲ հյուսիսարևելյան ուղղությամբ տեղակայված զորամասերից մեկում զինվոր է զոհվել։  
20:19
16 Հոկտեմբերի 2017
Բանակցություններում իրական առաջընթացի համար անհրաժեշտ է Արցախի անմիջական մասնակցությունը. ԱՀ ԱԳՆ
Արցախի ԱԳՆ–ն հանդես է եկել հայտարարությամբ Ժնևում այսօր կայացած Սարգսյան–Ալիև բանակցությունների համատեքստում։
18:53
16 Հոկտեմբերի 2017
ՀՀ նախագահ. մեզ համար միակ լուծումն այն է, որ Ղարաբաղը լինի Ադրբեջանից դուրս
«Մեզ համար միակ լուծումն այն է, որ Ղարաբաղը լինի Ադրբեջանից դուրս», – հայտարարել է ՀՀ նախագահը
18:31
06 Հոկտեմբերի 2017
ՀՀ նախագահը ՄԽ համանախագահների հետ քննարկել է Ալիևի հետ հերթական հանդիպմանը վերաբերող հարցեր
ՀՀ նախագահն այսօր ընդունել է Մինսկի խմբի համանախագահներին։
16:41
02 Հոկտեմբերի 2017
ԵԱՀԿ ՄԽ ամերիկացի համանախագահն առաջին անգամ կայցելի Երևան և Բաքու
ԵԱՀԿ ՄԽ իամերիկացի համանախագահ Էնդրյու Շեֆերը կկատարի իր առաջին պաշտոնական այցը Երևան և Բաքու։
21:04
29 Սեպտեմբերի 2017
100 մլն դոլարի ներդրում՝ Արցախի Մարտակերտի և Շահումյանի շրջաններում
Արցախի Մարտակերտի և Շահումյանի շրջաններում նախատեսվում է 100 մլն դոլարի ներդրում կատարել: