485.25
-0.08
569.44
-2.72
8.18
-0.02
+4
Եղանակը Երևանում
Հայ
Ղարաբաղի և Հայաստանի խորհրդարանականները մի շարք հրատապ հարցեր են քննարկել
12:10
20 Ապրիլի 2009

ԼՂՀ Ազգային ժողովի սոցիալական ոլորտի հարցերի և ՀՀ Ազգային ժողովի սոցիալական հարցերի, գիտության, կրթության, մշակույթի, երիտասարդության և սպորտի հարցերի, առողջապահության հարցերի մշտական հանձնաժողովների համատեղ նիստն ավարտվեց ուրբաթ Լեռնային Ղարաբաղի խորհրդարանում։

Երկօրյա նիստին մասնակցում էին այդ նպատակով Երևանից Արցախ ժամանած խորհրդարանական պատվիրակության անդամները, այդ թվում՝ ՀՀ Ազգային ժողովի առողջապահության հարցերի մշտական հանձնաժողովի նախագահ Արա Բաբլոյանը, սոցիալական հարցերի մշտական հանձնաժողովի նախագահ Հակոբ Հակոբյանը, գիտության, կրթության, մշակույթի, երիտասարդության և սպորտի հարցերի մշտական հանձնաժողովի նախագահ Արմեն Աշոտյանը, պատգամավորներ Անահիտ Բախշյանը, Սուքիաս Ավետիսյանը, Համլետ Հարությունյանը, ՀՀ առողջապահության փոխնախարար Թաթուլ Հակոբյանը, ԱԺ փորձագետներ։ 

Ինչպես «Նովոստի-Արմենիա» գործակալությանը տեղեկացրեցին ԼՂՀ ԱԺ մամուլի ծառայությունից, համատեղ նիստի օրակարգում ընդգրկված էր չորս թեմատիկ հարց. «Առողջապահության մասին ՀՀ և ԼՂՀ օրենքների ընդունման հրատապությունը և հնարավոր յուրահատկությունները», «ՀՀ և ԼՂՀ սոցիալական ոլորտի օրենքների համանմանությունները և որոշ առանձնահատկությունները», «Բոլոնիայի գործընթացը ՀՀ-ում և ԼՂՀ-ում և այդ համատեքստում ավագ դպրոցի իրագործման մեխանիզմների ու ժամանակացույցի մասին» և «Կրթության մասին ՀՀ ու ԼՂՀ օրենքները և ՊՈԱԿ-ի անհրաժեշտությունն այդ բնագավառում»։

Երկօրյա քննարկումների ամփոփմամբ նիստում հանդես եկավ նաև ԼՂՀ Ազգային ժողովի  նախագահ Աշոտ Ղուլյանը, ով հայտարարեց, որ միանգամայն լիարժեք քննարկումներ են ընթացել օրակարգում ընդգրկված բոլոր հարցերի շուրջ, որոնք ընտրվել են՝ ելնելով դրանց հրատապության և հանրային պահանջվածության աստիճանից, միաժամանակ քննարկումների ընթացքում առաջարկվել են նոր միջոցներ ու մեխանիզմներ, որոնք ունակ են էլ ավելի ակտիվացնել երկու հայկական խորհրդարանների համագործակցությունը։

«Քանի որ մենք գտնվում ենք մեկ միասնական օրենսդրական դաշտում և ունենք համարյա թե նույն խնդիրները, ապա դա ինքնին նշանակում է, որ նման բոլոր քննարկումները պետք է լինեն համատեղ Հայաստանում և Արցախում, նկատի ունենալով նաև այսօրվա համահայկական իրողությունները և այն պահանջները, որոնք առկա են համազգային ծիրի մեջ», - ընդգծել է Ղուլյանը։

ԼՂՀ խորհրդարանի խոսնակը նշել է, որ քննարկումների այդ ձևաչափը՝ որպես առաջինն իր տեսակի մեջ, բավական հաջողված փորձ է, ԱԺ նախագահը կարծիք հայտնեց, որ այն կարող է բավարար հիմք ու նախադեպ ծառայել երկու խորհրդարանների նաև մյուս հանձնաժողովների փոխգործակցության ասպարեզում։

ՀՀ Ազգային ժողովի առողջապահության հարցերի մշտական հանձնաժողովի նախագահ Արա Բաբլոյանն իր հերթին հայտարարել է, որ «մենք, գալով Լեռնային Ղարաբաղ, հպարտություն ապրեցինք և հպարտությամբ արձանագրեցինք, թե անցած կարճ ժամանակամիջոցում՝ 16 տարվա ընթացքում, ինչպիսի մեծ առաջընթաց է ապրել Լեռնային Ղարաբաղի Հանրապետությունը, և այս առաջընթացը չի կարող ունենալ իր հստակ շարունակությունը, եթե մենք չկարողանանք համատեղ ջանքեր գործադրել միասնական, ներդաշնակ օրենսդրական դաշտի ստեղծման և սոցիալական պետություն կառուցելու հստակ կանոնների հաստատման  ուղղությամբ»։

Անդրադառնալով նախատեսված քննարկումներին՝ Արա Բաբլոյանը համոզմունք է հայտնել, որ այդ առումով նիստի մասնակիցները շատ անելիքներ ունեն՝  վերանայելով գործող օրենսդրական դաշտը և առաջարկելով նրանում առկա թերությունների համապատասխան շտկումներ, ինչպես նաև մշակելով այնպիսի իրատեսական մոտեցումներ առաջիկայում ստեղծվելիք օրինագծերում, որոնք հնարավորություն կտան կյանքի հստակ ընթացք ու զարգացում ապահովել և Հայաստանում, և Լեռնային Ղարաբաղում։

Նիստին ելույթ են ունեցել ՀՀ առողջապահության փոխնախարար Թաթուլ Հակոբյանը, ԼՂՀ ԱԺ սոցիալական ոլորտի հարցերի մշտական հանձնաժողովի փոխնախագահ Զոյա Լազարյանը, ՀՀ ԱԺ սոցիալական հարցերի մշտական հանձնաժողովի նախագահ Հակոբ Հակոբյանը, ԼՂՀ սոցիալական ապահովության նախարար Նարինե Ազատյանը, ՀՀ ԱԺ գիտության, կրթության, մշակույթի, երիտասարդության և սպորտի հարցերի մշտական հանձնաժողովի նախագահ Արմեն Աշոտյանը, ԼՂՀ կրթության ու գիտության նախարար Վլադիկ Խաչատրյանը, ինչպես նաև աշխատանքներ են իրականացվել թեմատիկ բաժանմունքներում։

ՀՀ խորհրդարանի պատգամավորները կարևորել են տեղի ունեցած քննարկումներն ու տեղեկացրել, որ թեմատիկ բաժանմունքներում հնչած տեսակետներից բխող հետևություններն ամփոփ առաջարկությունների տեսքով առաջիկայում կներկայացվեն խորհրդարանական քննարկման՝ Հայաստանում և Արցախում։    -0-

Loading...
Թեմատիկ նյութեր
Բաժնի այլ նյութեր
17:20
08 Դեկտեմբերի 2017
Ղարաբաղյան հակամարտության կողմերի միջև երկխոսությունը դեռ չի հանգեցնում լուրջ առաջընթացի. Լավրով
Նրա խոսքով, սա հեշտ հարց չէ, սակայն նրանք կշարունակեն զբաղվել դրանով։
13:45
06 Դեկտեմբերի 2017
ԵԱՀԿ առաքելության դիտարկումն Արցախի և Ադրբեջանի սահմանում անցել է ըստ նախատեսված ժամանակացույցի
ԵԱՀԿ առաքելությունն Արցախի և Ադրբեջանի զինված ուժերի շփման գծի պլանային դիտարկում է անցկացրել Մարտունու շրջանի Կուրոպատկինո բնակավայրից դեպի հյուսիս:
12:18
05 Դեկտեմբերի 2017
ԵԱՀԿ–ն պլանային դիտարկում է անցկացվելու շփման գծում
ԵԱՀԿ առաքելությունը շփման գծի պլանային դիտարկում է անցկացնելու Մարտունու շրջանի Կուրոպատկինո բնակավայրից դեպի հյուսիս:
11:00
03 Դեկտեմբերի 2017
ՀՀ նախագահ. մենք կարողանում ենք և պաշտպանելու ենք մեր սահմանն ու հայրենիքը (ՖՈՏՈ)
ՀՀ նախագահն Արցախ կատարած այցի շրջանակում մասնակցել է զորավարժությունների։
21:05
01 Դեկտեմբերի 2017
ՀՀ նախագահն աշխատանքային այցով այցելել է Արցախ (ՖՈՏՈ)
ՀՀ նախագահն աշխատանքային այցով այսօր այցելել է Արցախ։
10:36
22 Նոյեմբերի 2017
Արցախում 3 զինվոր է զոհվել, ևս մեկը վիրավոր է
Արցախում 3 զինվոր է զոհվել, ևս մեկը վիրավոր է, նրա վիճակը ծանր է։
14:47
21 Նոյեմբերի 2017
ՀՀ ԱԳ նախարարը մեկնաբանել է դեկտեմբերին Սարգսյան–Ալիև հանդիպման հնարավորությունը
Նախարարը նշեց, որ ղարաբաղյան հակամարտության կարգավորման հիմնական սկզբունքների շուրջ քննարկումները վաղուց են ընթանում:
13:49
21 Նոյեմբերի 2017
ԵԱՀԿ ՄԽ–ի համանախագահների առաջարկների ամբողջական փաթեթը մնում է անփոփոխ. Լավրով
Նա դրական բնութագրեց Հայաստանի և Ադրբեջանի նախագահների գնահատականները Ժնևում կայացած վերջին հանդիպման մասին։
15:35
18 Նոյեմբերի 2017
Արցախի ՊՆ-ն ներկայացրել է օպերատիվ իրադրությունը սահմանագծում
Նոյեմբերի 12-ից 18-ն ընկած ժամանակահատվածում արցախա-ադրբեջանական հակամարտ զորքերի շփման գծում հարաբերական հանգիստ է:
12:38
16 Նոյեմբերի 2017
Բակո Սահակյանը կիսում է զինվորի առօրյան մարտական դիրքում (ՖՈՏՈ)
Արցախի նախագահ Բակո Սահակյանը կիսել է զինվորի առօրյան մարտական դիրքում` հանգիստ ծխելով շարքային զինվորների հետ։
13:04
08 Նոյեմբերի 2017
Ադրբեջանական կողմը ԵԱՀԿ առաքելությանը դուրս չի բերել առաջապահ դիրքեր
Դիտարկումն անցել է ըստ նախատեսված ժամանակացույցի, սակայն ադրբեջանական կողմը ԵԱՀԿ առաքելությանը դուրս չի բերել իր առաջապահ դիրքեր:
10:35
07 Նոյեմբերի 2017
ԵԱՀԿ դիտարկում է անցկացվելու Մարտակերտ քաղաքից դեպի հյուսիս
ԵԱՀԿ առաքելությունն Արցախի և Ադրբեջանի զինված ուժերի շփման գծի պլանային դիտարկում է անցկացնելու: