484.1
+0.93
580.1
+3.63
8.4
-0.01
+8
Եղանակը Երևանում
Հայ
Ղարաբաղյան հակամարտության կարգավորմանը հասնելու օբյեկտիվ պայմանները ստեղծվել են. Մերզլյակով
11:04
02 Մարտի 2009

ԵԱՀԿ Մինսկի խմբի ռուս համանախագահ Յուրի Մերզլյակովը կարծում է, որ ղարաբաղյան հակամարտության կարգավորմանը հասնելու համար ստեղծվել են օբյեկտիվ պայմանները։

Այս մասին Մերզլյակովը հայտարարել է լրագրողներին շաբաթ օրը երեկոյան՝ ԼՂՀ նախագահ Բակո Սահակյանի և ԵԱՀԿ ՄԽ համանախագահների միջև տեղի ունեցած հանդիպումից հետո։

Պատասխանելով 2009 թ.-ին հակամարտության կարգավորման գործընթացում հնարավոր տեղաշարժերի վերաբերյալ «Նովոստի-Արմենիա» գործակալության հարցին՝ ռուս համանախագահն ասել է, որ միշտ շատ դժվար է վաղաժամ կանխատեսումներ անել, և ինքը չի կարող ասել, թե ինչ կլինի 2009 թ.-ին։

«Ղարաբաղյան հակամարտության կարգավորմանը հասնելու համար օբյեկտիվ պայմանները ստեղծվել են, իսկ սուբյեկտիվները, թերևս, ոչ ամբողջությամբ են առկա», - ասել է Մերզլյակովը՝ պարզաբանելով, որ սուբյեկտիվ պայմաններ ասելով՝ հասկանում է կողմերի քաղաքական կամքը՝ երբեմն դժվարին, սակայն անհրաժեշտ որոշումների ընդունման ժամանակ։

Միաժամանակ Մերզլյակովը նշել է, որ ԼՂՀ նախագահի հետ հերթական հանդիպումը բովանդակալից էր։ Նրա խոսքերով, տեղի ունեցած հանդիպման ընթացքում համանախագահները փորձել են Ղարաբաղի նախագահին իրազեկել Հայաստանի և Ադրբեջանի նախագահների՝ Ցյուրիխում կայացած վերջին հանդիպման մասին, այն, թե միջնորդները այդ հանդիպման արդյունքում հակամարտության կարգավորման ինչ նոր հնարավորություններ են տեսել, ինչպես նաև խոսել են իրենց տպավորություններից ու նկատառումներից։

Ռուս համանախագահը հայտարարել է նաև, որ Լեռնային Ղարաբաղի նախագահը «շատ հետաքրքիր տեղեկատվություն է ներկայացրել։ Ներկայացվել են կոնկրետ հարցեր կոնկրետ նախագծերի շուրջ, և տեղի ունեցած զրույցը զուր չի անցել»։

Միաժամանակ Մերզլյակովը չի ներկայացրել ԼՂՀ նախագահի հետ տեղի ունեցած հանդիպման մանրամասները՝ նշելով, որ «մենք երբեք չենք խոսում այդ մասին»։

Ռուս համանախագահը դատապարտել է նաև Լեռնային Ղարաբաղի և Ադրբեջանի Զինված ուժերի շփման գծում ԵԱՀԿ հերթական դիտարկման ժամանակ տեղի ունեցած միջադեպը՝ հայտարարելով, որ «այն չպետք է տեղի ունենար»։

Ավելի վաղ ԼՂՀ արտգործնախարարությունը մեղադրել էր ադրբեջանական կողմին Լեռնային Ղարաբաղի և Ադրբեջանի Զինված ուժերի շփման գծում դիտարկումը ձախողելու մեջ։

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-  

Loading...
Թեմատիկ նյութեր
Բաժնի այլ նյութեր
18:05
27 Դեկտեմբերի 2017
Անտրամաբանական է առաջընթաց սպասել ղարաբաղյան կարգավորման հարցում կրակոցների դեպքում
Անտրամաբանական է արդյունքներ ակնկալել ղարաբաղյան հակամարտության կարգավորման հարցում, երբ սահմանում կրակոցներ են հնչում:
20:33
25 Դեկտեմբերի 2017
Travel Blog–ի հիմնադիրը ներկայացրել է Արցախի մասին ֆիլմի թիզերը (ՎԻԴԵՈ)
Travel Blog զբոսաշրջային նախագծի հիմնադիրներից մեկը` Ալեքսանդր Ալիմովը, ներկայացրել է Լեռնային Ղարաբաղով ճամփորդությունների մասին ֆիլմի թիզերը։
23:32
14 Դեկտեմբերի 2017
Հայաստանի նախագահը նշեց ղարաբաղյան բանակցությունների 2 հիմնական ուղղությունները
Հայաստանի նախագահ Սերժ Սարգսյանը ներկայացրեց այն երկու հիմնական ուղղությունները, որոնցով պետք է ընթանա ղարաբաղյան կարգավորման բանակցային գործընթացը:
17:20
08 Դեկտեմբերի 2017
Ղարաբաղյան հակամարտության կողմերի միջև երկխոսությունը դեռ չի հանգեցնում լուրջ առաջընթացի. Լավրով
Նրա խոսքով, սա հեշտ հարց չէ, սակայն նրանք կշարունակեն զբաղվել դրանով։
13:45
06 Դեկտեմբերի 2017
ԵԱՀԿ առաքելության դիտարկումն Արցախի և Ադրբեջանի սահմանում անցել է ըստ նախատեսված ժամանակացույցի
ԵԱՀԿ առաքելությունն Արցախի և Ադրբեջանի զինված ուժերի շփման գծի պլանային դիտարկում է անցկացրել Մարտունու շրջանի Կուրոպատկինո բնակավայրից դեպի հյուսիս:
12:18
05 Դեկտեմբերի 2017
ԵԱՀԿ–ն պլանային դիտարկում է անցկացվելու շփման գծում
ԵԱՀԿ առաքելությունը շփման գծի պլանային դիտարկում է անցկացնելու Մարտունու շրջանի Կուրոպատկինո բնակավայրից դեպի հյուսիս:
11:00
03 Դեկտեմբերի 2017
ՀՀ նախագահ. մենք կարողանում ենք և պաշտպանելու ենք մեր սահմանն ու հայրենիքը (ՖՈՏՈ)
ՀՀ նախագահն Արցախ կատարած այցի շրջանակում մասնակցել է զորավարժությունների։
21:05
01 Դեկտեմբերի 2017
ՀՀ նախագահն աշխատանքային այցով այցելել է Արցախ (ՖՈՏՈ)
ՀՀ նախագահն աշխատանքային այցով այսօր այցելել է Արցախ։
10:36
22 Նոյեմբերի 2017
Արցախում 3 զինվոր է զոհվել, ևս մեկը վիրավոր է
Արցախում 3 զինվոր է զոհվել, ևս մեկը վիրավոր է, նրա վիճակը ծանր է։
14:47
21 Նոյեմբերի 2017
ՀՀ ԱԳ նախարարը մեկնաբանել է դեկտեմբերին Սարգսյան–Ալիև հանդիպման հնարավորությունը
Նախարարը նշեց, որ ղարաբաղյան հակամարտության կարգավորման հիմնական սկզբունքների շուրջ քննարկումները վաղուց են ընթանում:
13:49
21 Նոյեմբերի 2017
ԵԱՀԿ ՄԽ–ի համանախագահների առաջարկների ամբողջական փաթեթը մնում է անփոփոխ. Լավրով
Նա դրական բնութագրեց Հայաստանի և Ադրբեջանի նախագահների գնահատականները Ժնևում կայացած վերջին հանդիպման մասին։
15:35
18 Նոյեմբերի 2017
Արցախի ՊՆ-ն ներկայացրել է օպերատիվ իրադրությունը սահմանագծում
Նոյեմբերի 12-ից 18-ն ընկած ժամանակահատվածում արցախա-ադրբեջանական հակամարտ զորքերի շփման գծում հարաբերական հանգիստ է: