484.11
-0.64
570.43
-1.33
8.23
+0.04
-2
Եղանակը Երևանում
Հայ
Ղարաբաղի խորհրդարանի պատգամավորական խմբակցությունները հանդես են եկել ղարաբաղյան խնդրի կարգավորման վերաբերյալ հայտարարությամբ
14:19
30 Դեկտեմբերի 2008

Լեռնային Ղարաբաղի Ազգային ժողովի «Ժողովրդավարություն», «Հայրենիք» և «ՀՅԴ – Շարժում-88» պատգամավորական խմբակցությունները հանդես են եկել համատեղ հայտարարությամբ ղարաբաղյան հակամարտության կարգավորման բանակցային գործընթացի առնչությամբ նախօրեին՝ ԼՂՀ խորհրդարանի յոթերորդ նստաշրջանի արտահերթ նիստում։

«Արձանագրելով, որ ԼՂՀ Ազգային ժողովը 2006 թ. ապրիլի 21-ին և 2008 թ. սեպտեմբերի 10-ին ղարաբաղյան կարգավորման բանակցային գործընթացի շուրջ կազմակերպել է խորհրդարանական լսումներ և ընդունել նախնական եզրակացություն, որն ընդունված կարգով հղվել է ԵԱՀԿ Մինսկի խմբի համանախագահությանը, նկատի ունենալով առանձնապես Հարավային Կովկասի տարածաշրջանում վերջին զարգացումների կարևորությունը, ևս մեկ անգամ միջազգային հանրության, միջնորդ երկրների  և շահագրգիռ կառույցների ուշադրությունը հրավիրելով Ադրբեջանի Հանրապետության պաշտոնական և հասարակական դիրքորոշման` հակամարտության խաղաղ կարգավորման նկատմամբ ոչ համարժեք դրսևորումների վրա, որոնք արտահայտվում են ուժի կիրառման սպառնալիքի և  հակահայկական համընդգրկուն քարոզչության ձևերով, Լեռնային Ղարաբաղի Հանրապետության Ազգային ժողովի «Ժողովրդավարություն»,  «Հայրենիք» և «ՀՅԴ-Շարժում 88» պատգամավորական խմբակցությունները, միաժամանակ արտահայտելով նաև Հանրապետության այլ քաղաքական ուժերի մոտեցումները, ինչը ձևավորվել է համատեղ խորհրդատվությունների արդյունքում, հայտարարում են, որ  Լեռնային Ղարաբաղի Հանրապետությունը, նպատակ ունենալով հասնել Ադրբեջանի Հանրապետության հետ առկա հակամարտության համապարփակ  կարգավորմանը այն սկզբունքների հիման վրա, որոնք կբացառեն ձեռք բերվելիք համաձայնությունը հետագայում ուժի կիրառմամբ կամ ուժի կիրառման սպառնալիքով փոփոխության ենթարկելու հնարավորությունը, պատրաստ է իր օրինական և լիարժեք մասնակցությունը բերել խաղաղ կարգավորման ջանքերին»,- ասվում է հաղորդագրությունում։

Փաստաթղթում նշվում է, որ ԼՂՀ-ն, որպես 1994 թ. ստորագրված հրադադարի մասին համաձայնագրի լիիրավ և ճանաչված կողմ, հակամարտության զինված փուլի հետևանքների վերացման խնդրում շահագրգռված է  այնքանով, որքանով Ադրբեջանի Հանրապետությունը պատրաստակամություն կցուցաբերի ԼՂՀ փաստացի անկախությունը մեր ժողովրդի համար ընդունելի սահմաններում, անտանգության ազգային համակարգի գերակայությամբ ճանաչելու հնարավորության հարցում։

«Լեռնային Ղարաբաղի Հանրապետությունը չի կարող մասնակից լինել հակամարտության գոտում ստեղծված հավասարակշռությունը փոփոխելուն ուղղված դիվանագիտական ջանքերին և պատասխանատվություն չի կրի որեւէ պայմանավորվածության  համար, որը ձեռք կբերվի առանց իր ժողովրդի  կամքի ազատ արտահայտությամբ  դրսևորված համաձայնության»,- ասվում է հայտարարությունում։

Հայտարարությունում նշվում է, որ ԼՂՀ-ն բարձր է գնահատում հակամարտության համապարփակ կարգավորմանն ուղղված միջնորդ երկրների հեղինակությունը և նրանց կոչ է անում Ադրբեջանի իշխանությունների վրա անհրաժեշտ ներգործություն ունենալ այդ պետությունում ռազմատենչ, ագրեսիվ և  հայատյաց պետական քարոզչությանը վերջ դնելու համար:

«Ադրբեջանի նման պահվածքը մեծապես խոչընդոտում է ժողովուրդների միջև փոխվստահության մթնոլորտի ձևավորմանը, ուստի և` ղարաբաղա-ադրբեջանական հակամարտության խաղաղ կարգավորմանը։ Ադրբեջանի իշխանությունների  ապակառուցողական քաղաքականության շարունակման դեպքում Լեռնային Ղարաբաղի Հանրապետությունը անհրաժեշտ միջոցներ կձեռնարկի իր անվտանգությանն ու անկախությանը սպառնացող վտանգների չեզոքացման ուղղությամբ»,- ընդգծվում է փաստաթղթում։

Ազգային ժողովի խմբակցությունները սույն Հայտարարությունն ընդունում են որպես ԼՂՀ քաղաքական ուժերի միասնական տեսակետ: -0-

Loading...
Թեմատիկ նյութեր
Բաժնի այլ նյութեր
17:20
08 Դեկտեմբերի 2017
Ղարաբաղյան հակամարտության կողմերի միջև երկխոսությունը դեռ չի հանգեցնում լուրջ առաջընթացի. Լավրով
Նրա խոսքով, սա հեշտ հարց չէ, սակայն նրանք կշարունակեն զբաղվել դրանով։
13:45
06 Դեկտեմբերի 2017
ԵԱՀԿ առաքելության դիտարկումն Արցախի և Ադրբեջանի սահմանում անցել է ըստ նախատեսված ժամանակացույցի
ԵԱՀԿ առաքելությունն Արցախի և Ադրբեջանի զինված ուժերի շփման գծի պլանային դիտարկում է անցկացրել Մարտունու շրջանի Կուրոպատկինո բնակավայրից դեպի հյուսիս:
12:18
05 Դեկտեմբերի 2017
ԵԱՀԿ–ն պլանային դիտարկում է անցկացվելու շփման գծում
ԵԱՀԿ առաքելությունը շփման գծի պլանային դիտարկում է անցկացնելու Մարտունու շրջանի Կուրոպատկինո բնակավայրից դեպի հյուսիս:
11:00
03 Դեկտեմբերի 2017
ՀՀ նախագահ. մենք կարողանում ենք և պաշտպանելու ենք մեր սահմանն ու հայրենիքը (ՖՈՏՈ)
ՀՀ նախագահն Արցախ կատարած այցի շրջանակում մասնակցել է զորավարժությունների։
21:05
01 Դեկտեմբերի 2017
ՀՀ նախագահն աշխատանքային այցով այցելել է Արցախ (ՖՈՏՈ)
ՀՀ նախագահն աշխատանքային այցով այսօր այցելել է Արցախ։
10:36
22 Նոյեմբերի 2017
Արցախում 3 զինվոր է զոհվել, ևս մեկը վիրավոր է
Արցախում 3 զինվոր է զոհվել, ևս մեկը վիրավոր է, նրա վիճակը ծանր է։
14:47
21 Նոյեմբերի 2017
ՀՀ ԱԳ նախարարը մեկնաբանել է դեկտեմբերին Սարգսյան–Ալիև հանդիպման հնարավորությունը
Նախարարը նշեց, որ ղարաբաղյան հակամարտության կարգավորման հիմնական սկզբունքների շուրջ քննարկումները վաղուց են ընթանում:
13:49
21 Նոյեմբերի 2017
ԵԱՀԿ ՄԽ–ի համանախագահների առաջարկների ամբողջական փաթեթը մնում է անփոփոխ. Լավրով
Նա դրական բնութագրեց Հայաստանի և Ադրբեջանի նախագահների գնահատականները Ժնևում կայացած վերջին հանդիպման մասին։
15:35
18 Նոյեմբերի 2017
Արցախի ՊՆ-ն ներկայացրել է օպերատիվ իրադրությունը սահմանագծում
Նոյեմբերի 12-ից 18-ն ընկած ժամանակահատվածում արցախա-ադրբեջանական հակամարտ զորքերի շփման գծում հարաբերական հանգիստ է:
12:38
16 Նոյեմբերի 2017
Բակո Սահակյանը կիսում է զինվորի առօրյան մարտական դիրքում (ՖՈՏՈ)
Արցախի նախագահ Բակո Սահակյանը կիսել է զինվորի առօրյան մարտական դիրքում` հանգիստ ծխելով շարքային զինվորների հետ։
13:04
08 Նոյեմբերի 2017
Ադրբեջանական կողմը ԵԱՀԿ առաքելությանը դուրս չի բերել առաջապահ դիրքեր
Դիտարկումն անցել է ըստ նախատեսված ժամանակացույցի, սակայն ադրբեջանական կողմը ԵԱՀԿ առաքելությանը դուրս չի բերել իր առաջապահ դիրքեր:
10:35
07 Նոյեմբերի 2017
ԵԱՀԿ դիտարկում է անցկացվելու Մարտակերտ քաղաքից դեպի հյուսիս
ԵԱՀԿ առաքելությունն Արցախի և Ադրբեջանի զինված ուժերի շփման գծի պլանային դիտարկում է անցկացնելու: