481.93
+0.2
569.16
+0.19
8.37
-0.02
+18
Եղանակը Երևանում
Հայ
Ստեփանակերտում անցել է Ղարաբաղի Պաշտպանության բանակի ռազմական խորհրդի նիստը
20:18
27 Դեկտեմբերի 2008

Ստեփանակերտի Սպայի տանը շաբաթ օրը անցել է 2008 թ.-ի արդյունքների ամփոփմանը նվիրված Ղարաբաղի Պաշտպանության բանակի ռազմական խորհրդի նիստը։

Ինչպես «Նովոստի-Արմենիա» գործակալությանը հայտնեցին ԼՂՀ նախագահի աշխատակազմի Տեղեկատվության գլխավոր վարչությունից, նիստին ծավալուն ճառով հանդես է եկել ԼՂՀ նախագահ Բակո Սահակյանը։

«Մեր բանակի և ժողովրդի դժվարին ու հետևողական աշխատանքի շնորհիվ է, որ այսօր կարողանում ենք հանգիստ ու խաղաղ պայմաններում ամփոփել հերթական բանակային տարին»,- ասվում է ԼՂՀ նախագահի ելույթում:

Լեռնային Ղարաբաղի ղեկավարը հայտարարել է, որ 2009 թ.-ին հանրապետությանը հաջողվել է ոչ միայն պաշտպանել, այլև ավելի ամրացնել երկրի սահմանները, բարձրացնել Պաշտպանության բանակի մարտունակությունը, բարելավել զինծառայողների սոցիալ-կենցաղային պայմանները, լուծել անվտանգության հետ կապված մի շարք խնդիրներ:

«Ադրբեջանի իշխանությունների կողմից իրականացվող ագրեսիվ և հակահայկական քաղաքականությունը, ռազմական ծախսերի չափազանց ավելացումը, հրադադարի ռեժիմի հաճախակի խախտումները մեզ պարտադրում են լինել ավելի զգոն ու հետևողական երկրի պաշտպանունակության ամրապնդման գործում: Պետական անվտանգության, բանակաշինության, զինվորների մարտական պատրաստվածության հարցերը մեզ համար ժամանակի հրամայական են»,- նշել է Սահակյանը:

«Որպես գերագույն գլխավոր հրամանատար` ես խորին գոհունակության ու հպարտության զգացումով եմ այսօր հայտարարում, որ Լեռնային Ղարաբաղի Հանրապետության պաշտպանության բանակը հզոր է ու մարտունակ և միշտ պատրաստ է արժանի հակահարված տալ թշնամու ցանկացած ոտնձգության: Դրա լավագույն վկայությունը հանդիսացավ այս տարվա մարտ և նոյեմբեր ամիսներին հակառակորդի հերթական սադրանքների չեզոքացումը մեր զինծառայողների կողմից, ում խիզախությունն ու սխրանքը գնահատվեց պետության կողմից»,- ասել է ԼՂՀ նախագահը:

Ղարաբաղի նախագահը նշել է, թե խորհրդանշական է, որ հակառակորդի դեմ մարտնչել են տարբեր սերունդներ ներկայացնող զինծառայողներ: Դա սահուն սերնդափոխության և լավ ավանդույթները շարունակելու վճռականության արտահայտություն է: Այն փաստը, որ տարեցտարի Պաշտպանության բանակը համալրվում է բարձրագույն զինվորական կրթություն ստացած զինծառայողներով, որոնց թիվն արդեն անցել է 1000-ից, խոսում է բանակում կադրային քաղաքականությանը հատուկ ուշադրություն դարձնելու մասին: «Ես համապատասխան ցուցումներ եմ տվել կառավարությանը Պաշտպանության բանակի շարքերից զորացրվող սպաներին աշխատանքի տեղավորելու վերաբերյալ»,- ասել է Սահակյանը:

Նրա խոսքերով, բանակի մարտական պատրաստվածության ու մարտունակության  բարձր մակարդակի մասին են վկայում նաև  բանակային զորավարժությունների և ընթացիկ ու ամփոփիչ ստուգումների արդյունքները: «Հատկապես մարտական հրաձգությամբ վերջին հարձակողական զորավարժության հաջող ավարտը ցույց տվեց, որ Պաշտպանության բանակը ոչ միայն հուսալիորեն պաշտպանում է մեր հանրապետության սահմանները, այլև հարկ եղած դեպքում կարող է մարտական գործողությունները տեղափոխել ագրեսիա ձեռնարկած երկրի խորքերը և խաղաղություն պարտադրել նրան: Սակայն մենք այսուհետ էլ պետք է լինենք աչալուրջ և թույլ չտանք հակառակորդին նույնիսկ մտածել նախաձեռնությունն իր ձեռքը վերցնելու կամ իր կամքը մեզ թելադրելու մասին: Բոլորը պետք է հասկանան մեկընդմիշտ, որ Լեռնային Ղարաբաղի Հանրապետության անկախությունն ու անվտանգությունը սակարկության ենթակա չեն»,- ասել է Սահակյանը՝ նշելով, որ սահմանների անառիկությունն ամրապնդելու ուղղությամբ իրականացվող աշխատանքները արդյունավետ են դարձնում դիրքերում տարվող մարտական հերթապահությունը: 

«Բանակաշինության, շփման գծում տիրող իրավիճակի, զինծառայողների սոցիալական պայմանների բարելավման և հարակից այլ հարցերի վերաբերյալ հանձնարարականներ եմ տվել Պաշտպանության բանակի բարձրագույն հրամկազմի հետ անցկացվող խորհրդակցությունների ժամանակ, որոնցից վերջինը տեղի ունեցավ դեկտեմբերի 15-ին: Ինձ զեկուցվել է, որ քննարկված հարցերը հասցվել են համապատասխան օղակներին, այդ իսկ պատճառով անհրաժեշտ չեմ համարում  այստեղ անդրադառնալ դրանց»,- նշել է Սահակյանը։

ԼՂՀ նախագահը մեկ անգամ ևս ընդգծել է սպառազինության ու թիկունքային ապահովման, հետախուզության ու հակաօդային պաշտպանության, զինվորական կարգապահության հիմնահարցերի կարևորությունը: «Հենց  դրանց լուծման արդյունավետ ուղիների մշակումը մեծապես կանդրադառնա մեր երկրի պաշտպանունակության և բանակի մարտունակության բարձրացման վրա»,- ասել է Սահակյանը:

Նախագահը դրական է համարում հետախուզության և իրավիճակի հուսալի վերահսկողության արդյունքում շփման գծում հակառակորդի ակտիվության նկատելի նվազեցումը, ինչը, սակայն, ինքնահանգստացման տեղիք չպետք է տա:   

«Կարևոր է Պաշտպանության բանակի զորամասերում անհրաժեշտ կարգապահության պահպանումը: Իհարկե, մարտական հերթապահություն տանող զորամասերում, հակառակորդի հետ շփման գծում չթուլացող լարվածության պայմաններում չեն բացառվում արտակարգ դեպքերն ու պատահարները: Այնուամենայնիվ, պետք է ձեռնարկել անհրաժեշտ բոլոր քայլերը` նվազագույնին հասցնելու այլ հանգամանքներում տեղի ունեցող զինծառայողների մահվան կամ վիրավորվելու դեպքերը»,- ասել է ԼՂՀ նախագահը:

Պետության ղեկավարը հայտարարել է, որ հատուկ ուշադրություն պետք է դարձնել հրամանատարների, սպաների կողմից ամենօրյա ծառայության ընթացքում առավել մեծ պատասխանատվություն, կատարողական ու գիտակցական բարձր կարգապահություն, ենթակաների նկատմամբ ավելի ուշադիր ու հոգատար վերաբերմունք ցուցաբերելու խնդիրներին:

«Անտեղի ցանկացած կորուստ բացասաբար է ազդում բանակի ոգու և մարտունակության, նրա վարկանիշի և հասարակություն-բանակ կապերի հետագա ամրապնդման վրա»,- նշել է նա:  

ԼՂՀ նախագահն ասել է, որ բանակի մարտունակությունը անմիջականորեն կապված է զինծառայողների և նրանց ընտանիքների սոցիալական պայմանների հետ, այդ իսկ պատճառով պետության մշտական ուշադրության կենտրոնում է գտնվում նման խնդիրների լուծման գործընթացը:

«Հայրենիքի պաշտպանը պետք է հնարավորինս ազատված լինի կենցաղային հոգսերից, որպեսզի կարողանա լիարժեք իրականացնել իր ծառայությունը: Հատկանշական է այն փաստը, որ 2008 թվականին շուրջ 130 զինծառայողներ ապահովվեցին հարմարավետ բնակարաններով: Այս ուղղությամբ տարվող աշխատանքները կլինեն շարունակական»,- հայտնել է Սահակյանը:

ԼՂՀ ղեկավարը նաև հայտարարել է, որ իշխանությունները հատուկ ուշադրություն են ցուցաբերում Արցախյան պատերազմում զոհված, անհայտ կորած և հաշմանդամ դարձած մեր ազատամարտիկների ընտանիքների հիմնախնդիրներին:

«Լուրջ աշխատանքներ են տարվում նրանց սոցիալական, այդ թվում` բնակարանային, կենցաղային, ինչպես նաև առողջության ու կրթության հետ կապված խնդիրների լուծման ուղղությամբ: Այս ամենի հետ մեկտեղ կարևոր եմ համարում նաև հասարակությանը հաշմանդամների լիիրավ ինտեգրման գործին իշխանությունների կողմից աջակցության ցուցաբերումը: Հենց այս նպատակն է հետապնդում Արցախյան պատերազմի 1-ին կարգի հաշմանդամներին ձեռքի կառավարման ավտոմեքենաներ տրամադրելու ծրագրի իրականացումը»,- ասել է Սահակյանը:

Լեռնային Ղարաբաղի նախագահը վստահություն է հայտնել, որ նման քաղաքականությունն իր դրական ազդեցությունը կունենա ինչպես զինված ուժերի, այնպես էլ հասարակության առողջ բարոյահոգեբանական մթնոլորտի հետագա ամրապնդման վրա:

«Մեր երկրի կենսագործունեության տարբեր ոլորտներում,  հասարակական կյանքում, պատերազմի մասնակիցների և հաշմանդամների սոցիալ-կենցաղային պայմանների բարելավման, մատաղ սերնդի հայրենասիրական դաստիարակության գործում մեծ դերակատարություն ունի Արցախի ազատամարտիկների միությունը: Լեռնային Ղարաբաղի Հանրապետության իշխանությունները բարձր են գնահատում ազատամարտիկների ակտիվ մասնակցությունը հայրենիքի զարգացմանն ու բարգավաճմանը և այսուհետ էլ ըստ ամենայնի կաջակցեն միության գործունեությանը»,- նշել է Սահակյանը:

Նա նշել է, որ հանրապետության Նախագահի մասնակցությամբ նման հանդիպումները կդառնան ավանդական, ինչը հնարավորություն կտա ավելի արդյունավետ դարձնել պետության համար կենսական նշանակություն ունեցող ոլորտի` Պաշտպանության բանակի աշխատանքի կազմակերպումը: 

Ավարտելով խոսքը՝ նախագահը շնորհավորել է բանակի ողջ անձնակազմին` տարին հաջողությամբ ավարտելու, առաջադրված խնդիրները պատվով իրականացնելու համար:

«Շնորհավորում եմ նաև բոլորիդ գալիք Ամանորն ու Սուրբ Ծնունդը, մաղթում անձնական երջանկություն, քաջառողջություն և խաղաղ երկինք»,- հայտարարեց ԼՂՀ նախագահը:--0--

Loading...
Թեմատիկ նյութեր
Բաժնի այլ նյութեր
13:52
20 Հոկտեմբերի 2017
Փորձագետ. Ղարաբաղի հարցում Ադրբեջանն անհաշտելի դիրք է զբաղեցնում
Նախկինում ձեռք բերված պայմանավորվածությունները չեն կատարվում, և «հայտնի է` ում կողմից»։
20:48
19 Հոկտեմբերի 2017
Նալբանդյան. Բաքվի հետ Ժնևից հետո Արցախի հարցը չբարձրացնելու պայմանավորվածություն չի եղել
Հայաստանի ԱԳՆ ղեկավար Էդվարդ Նալբանդյանը հերքել է Բաքվի` Ժնևի գագաթնաժողովում Արցախի թեման չբարձրաձայնելու մասին իբր գոյություն ունեցող «պայմանավորվածությունների» հայտարարությունները։  
19:43
19 Հոկտեմբերի 2017
Արցախում զինծառայող է զոհվել հակառակորդի գնդակից
Հինգշաբթի 15:50-ի սահմաններում, ՊԲ հյուսիսարևելյան ուղղությամբ տեղակայված զորամասերից մեկում զինվոր է զոհվել։  
20:19
16 Հոկտեմբերի 2017
Բանակցություններում իրական առաջընթացի համար անհրաժեշտ է Արցախի անմիջական մասնակցությունը. ԱՀ ԱԳՆ
Արցախի ԱԳՆ–ն հանդես է եկել հայտարարությամբ Ժնևում այսօր կայացած Սարգսյան–Ալիև բանակցությունների համատեքստում։
18:53
16 Հոկտեմբերի 2017
ՀՀ նախագահ. մեզ համար միակ լուծումն այն է, որ Ղարաբաղը լինի Ադրբեջանից դուրս
«Մեզ համար միակ լուծումն այն է, որ Ղարաբաղը լինի Ադրբեջանից դուրս», – հայտարարել է ՀՀ նախագահը
18:31
06 Հոկտեմբերի 2017
ՀՀ նախագահը ՄԽ համանախագահների հետ քննարկել է Ալիևի հետ հերթական հանդիպմանը վերաբերող հարցեր
ՀՀ նախագահն այսօր ընդունել է Մինսկի խմբի համանախագահներին։
16:41
02 Հոկտեմբերի 2017
ԵԱՀԿ ՄԽ ամերիկացի համանախագահն առաջին անգամ կայցելի Երևան և Բաքու
ԵԱՀԿ ՄԽ իամերիկացի համանախագահ Էնդրյու Շեֆերը կկատարի իր առաջին պաշտոնական այցը Երևան և Բաքու։
21:04
29 Սեպտեմբերի 2017
100 մլն դոլարի ներդրում՝ Արցախի Մարտակերտի և Շահումյանի շրջաններում
Արցախի Մարտակերտի և Շահումյանի շրջաններում նախատեսվում է 100 մլն դոլարի ներդրում կատարել:
16:34
29 Սեպտեմբերի 2017
Սիրիահայ վիրաբույժ Ջանի Հադդադն արժանացել է «Երախտագիտություն» մեդալի Արցախի նախագահի կողմից
Ջանի Հադդադը Արցախում կատարել է 350-ից ավել վիրահատություն:
19:40
28 Սեպտեմբերի 2017
ՊԲ զինվոր է մահացել հակառակորդի գնդակից
Այսօր ՊԲ զինծառայող է զոհվել հակառակորդի գնդակից:
11:01
25 Սեպտեմբերի 2017
Մասիս Մայիլյանը նշանակվել է Արցախի ԱԳ նախարար
Արցախի նախագահ Բակո Սահակյանը սեպտեմբերի 25–ին ստորագրել է մի շարք հրամանագրեր: