482.36
-0.38
568.99
-1.66
8.19
-0.05
0
Եղանակը Երևանում
Հայ
Ղարաբաղյան հիմնախնդրի շուրջ խորհրդակցություն է անցկացվել Բեռլինում
16:53
25 Դեկտեմբերի 2008

ՍՏԵՓԱՆԱԿԵՐՏ, 25 դեկտեմբերի. /Նովոստի-Արմենիա/. Օրերս Կոնրադ Ադենաուերի քաղաքական հիմնադրամի (ԿԱՀ) Բեռլինի գրասենյակում տեղի է ունեցել խորհրդակցություն` «Լեռնային Ղարաբաղի հակամարտության կարգավորման տարբերակները Ադրբեջանի տեսանկյունից» թեմայով:

Ինչպես հինգշաբթի «Նովոստի-Արմենիա» գործակալությանը հայտնեցին ԼՂՀ ԱԳՆ տեղեկատվական վարչությունից, հիմնական ելույթի համար հրավիրված էին Ադրբեջանի նախագահի ենթակայությամբ գործող ռազմավարական գիտությունների կենտրոնի տնօրեն Էլհան Նուրիևը և գերմանական ռազմական ակադեմիային կից միջազգային անվտանգության ֆորումի անդամ Յոհաննես Ռաուն:

Կոնրադ Ադենաուերի հիմնադրամի աշխատակից Պետեր Հեֆելենի վարած խորհրդակցությանը մասնակցում էին նաև Գերմանիայում ԼՂՀ մշտական ներկայացուցիչ Գայանե Ափինյանը և Գերմանիայում Ադրբեջանի դեսպան Փարվիզ Շահբազովը:

Ադրբեջանի ներկայացուցիչը զեկույցը ներկայացրեց Ադրբեջանի տարածքային ամբողջականության և ղարաբաղյան հիմնախնդիրը ռազմական ճանապարհով լուծելու սպառնալիքների  համատեքստում:

Դրան ի պատասխան, անվտանգության հարցերով գերմանական միջազգային ինստիտուտի աշխատակից Ուվե Հալբախը և Եվրախորհրդում քրիստոնեա-ժողովրդավարական և քրիստոնեա-սոցիալական կուսակցությունների ներկայացուցիչ Ռայներ Դորնզայֆերը նշեցին, որ ըմբռնումով են մոտենում Ադրբեջանի տարածքային ամբողջականությանը, սակայն գտնում են, որ հակամարտության կարգավորումը պահանջում է հաշվի առնել նոր իրադարձություններն ու փաստերը:

Ուվե Հալբախը ավելացրեց, որ տարածքային ամբողջականության պահանջը բացարձակ չէ և հաճախ ոչ գործնական է` բերելով Վրաստանի օրինակը: Իսկ Ռայներ Դորնզայֆերը խորհուրդ տվեց Ադրբեջանին դասեր քաղել Գերմանիայի անցյալից, որը, ըստ նրա, երկրորդ համաշխարհային պատերազմից հետո ստիպված եղավ հաշտվել ստեղծված իրականության հետ, ինչի  շնորհիվ էլ հաջողվեց խաղաղություն և անվտանգություն ապահովել Եվրոպայում:

Նա համոզմունք հայտնեց, որ տարածքային ամբողջականությունից հրաժարվելով` Ադրբեջանը կնպաստի հակամարտության խաղաղ կարգավորմանը և Հայաստանի հետ միասին Եվրախորհրդի կողմից լայն աջակցություն կստանա հակամարտության հետևանքների վերացման գործում:

Իր հերթին, Գայանե Ափինյանը Նուրիևի` ղարաբաղյան հակամարտության ռազմական ճանապարհով լուծման սպառնալիքներին ի պատասխան հիշեցրեց, թե անցած պատերազմում ինչ զոհեր պահանջվեցին հակամարտող կոմերից և ինչպիսի անշահավետ պայմաններում Ղարաբաղի ժողովրդին հաջողվեց պաշտպանել իր բնական ազատության իրավունքը:

«Այսօր, չնայած Ադրբեջանի խելահեղ սպառազինմանը, Լեռնային Ղարաբաղը, իր պետականության բարձր կազմակերպվածության շնորհիվ, անհամեմատ ավելի հզոր է և պատրաստ է պաշտպանել իր ազատությունը», - ասաց նա:

Գայանե Ափինյանը Ադրբեջանի ներկայացուցիչներին խորհուրդ տվեց հրաժարվել ռևանշիստական նկրտումներից և հարգել Լեռնային Ղարաբաղի ժողովրդի անկախ ապրելու իրավունքը:

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-

Loading...
Թեմատիկ նյութեր
Բաժնի այլ նյութեր
23:32
14 Դեկտեմբերի 2017
Հայաստանի նախագահը նշեց ղարաբաղյան բանակցությունների 2 հիմնական ուղղությունները
Հայաստանի նախագահ Սերժ Սարգսյանը ներկայացրեց այն երկու հիմնական ուղղությունները, որոնցով պետք է ընթանա ղարաբաղյան կարգավորման բանակցային գործընթացը:
17:20
08 Դեկտեմբերի 2017
Ղարաբաղյան հակամարտության կողմերի միջև երկխոսությունը դեռ չի հանգեցնում լուրջ առաջընթացի. Լավրով
Նրա խոսքով, սա հեշտ հարց չէ, սակայն նրանք կշարունակեն զբաղվել դրանով։
13:45
06 Դեկտեմբերի 2017
ԵԱՀԿ առաքելության դիտարկումն Արցախի և Ադրբեջանի սահմանում անցել է ըստ նախատեսված ժամանակացույցի
ԵԱՀԿ առաքելությունն Արցախի և Ադրբեջանի զինված ուժերի շփման գծի պլանային դիտարկում է անցկացրել Մարտունու շրջանի Կուրոպատկինո բնակավայրից դեպի հյուսիս:
12:18
05 Դեկտեմբերի 2017
ԵԱՀԿ–ն պլանային դիտարկում է անցկացվելու շփման գծում
ԵԱՀԿ առաքելությունը շփման գծի պլանային դիտարկում է անցկացնելու Մարտունու շրջանի Կուրոպատկինո բնակավայրից դեպի հյուսիս:
11:00
03 Դեկտեմբերի 2017
ՀՀ նախագահ. մենք կարողանում ենք և պաշտպանելու ենք մեր սահմանն ու հայրենիքը (ՖՈՏՈ)
ՀՀ նախագահն Արցախ կատարած այցի շրջանակում մասնակցել է զորավարժությունների։
21:05
01 Դեկտեմբերի 2017
ՀՀ նախագահն աշխատանքային այցով այցելել է Արցախ (ՖՈՏՈ)
ՀՀ նախագահն աշխատանքային այցով այսօր այցելել է Արցախ։
10:36
22 Նոյեմբերի 2017
Արցախում 3 զինվոր է զոհվել, ևս մեկը վիրավոր է
Արցախում 3 զինվոր է զոհվել, ևս մեկը վիրավոր է, նրա վիճակը ծանր է։
14:47
21 Նոյեմբերի 2017
ՀՀ ԱԳ նախարարը մեկնաբանել է դեկտեմբերին Սարգսյան–Ալիև հանդիպման հնարավորությունը
Նախարարը նշեց, որ ղարաբաղյան հակամարտության կարգավորման հիմնական սկզբունքների շուրջ քննարկումները վաղուց են ընթանում:
13:49
21 Նոյեմբերի 2017
ԵԱՀԿ ՄԽ–ի համանախագահների առաջարկների ամբողջական փաթեթը մնում է անփոփոխ. Լավրով
Նա դրական բնութագրեց Հայաստանի և Ադրբեջանի նախագահների գնահատականները Ժնևում կայացած վերջին հանդիպման մասին։
15:35
18 Նոյեմբերի 2017
Արցախի ՊՆ-ն ներկայացրել է օպերատիվ իրադրությունը սահմանագծում
Նոյեմբերի 12-ից 18-ն ընկած ժամանակահատվածում արցախա-ադրբեջանական հակամարտ զորքերի շփման գծում հարաբերական հանգիստ է:
12:38
16 Նոյեմբերի 2017
Բակո Սահակյանը կիսում է զինվորի առօրյան մարտական դիրքում (ՖՈՏՈ)
Արցախի նախագահ Բակո Սահակյանը կիսել է զինվորի առօրյան մարտական դիրքում` հանգիստ ծխելով շարքային զինվորների հետ։
13:04
08 Նոյեմբերի 2017
Ադրբեջանական կողմը ԵԱՀԿ առաքելությանը դուրս չի բերել առաջապահ դիրքեր
Դիտարկումն անցել է ըստ նախատեսված ժամանակացույցի, սակայն ադրբեջանական կողմը ԵԱՀԿ առաքելությանը դուրս չի բերել իր առաջապահ դիրքեր: