485.25
-0.08
569.44
-2.72
8.18
-0.02
+3
Եղանակը Երևանում
Հայ
Ղարաբաղի նախագահը շնորհավորել է ԼՂՀ ԱԱԾ անձնակազմին՝ մասնագիտական տոնի առթիվ
12:14
22 Դեկտեմբերի 2008

Լեռնային Ղարաբաղի Հանրապետության նախագահ Բակո Սահակյանը շաբաթ օրը մասնակցել է դեկտեմբերի 20-ին նշվող ԼՂՀ ազգային անվտանգության մարմինների աշխատողի օրվա առթիվ կազմակերպված հոբելյանական միջոցառմանը և շնորհավորել ԱԱԾ անձնակազմին, հաղորդում է ԼՂՀ նախագահի աշխատակազմի տեղեկատվության գլխավոր վարչությունը։

«Ազգային անվտանգության ծառայության հարգելի աշխատակիցներ, ի սրտե շնորհավորում եմ ձեզ մասնագիտական տոնի առթիվ:  Ես անձամբ գիտեմ, թե որքան ծանր է ու դժվարին ձեր ծառայությունը: Երկրի և ժողովրդի անվտանգության ապահովման, սահմանադրական կարգի պահպանման, պետական շահերի համակողմանի պաշտպանության պատվաբեր առաքելությունը վստահված է ձեզ` Ազգային անվտանգության ծառայության աշխատակիցներիդ», - ասվում է Ղարաբաղի նախագահի շնորհավորական ուղերձում։

ԼՂՀ նախագահը նշել է, որ այդ չափազանց կարևոր ու պատասխանատու գործում առաջնային են աշխատողների մասնագիտական պատրաստվածությունը, սկզբունքայնությունը, բարձր բարոյական ու մարդկային հատկանիշները, քաղաքացիական պարտքի զգացումը:

«Ձեր ծառայությունը նաև պարտավորեցնող է: Ամեն օր և ամեն ժամ դուք պետք է անվերապահորեն առաջնորդվեք օրենքի գերակայության, արդարության ու անկողմնակալության սկզբունքներով, լիարժեք կերպով իրականացնեք օրենքով ձեզ վերապահված գործառույթները, անմնացորդ նվիրումով, ազնվորեն ու բարեխղճությամբ կատարեք ձեր ծառայողական պարտականությունները։ Միայն նման աշխատանքով կարող եք բարձր պահել կառույցի հեղինակությունը, արժանանալ հասարակության վստահությանն ու հարգանքին: Համակարգի գործունեության արդյունավետության բարձրացման նպատակով անհրաժեշտ է նաև սերտորեն համագործակցել այլ մարմինների ու գերատեսչությունների հետ, հետևողական աշխատանք տանել փոխգործակցության ընդլայնման ու ամրապնդման ուղղությամբ», - ասել է Սահակյանը։

ԼՂՀ նախագահը վստահություն է հայտնել, որ Ազգային անվտանգության ծառայության անձնակազմն ունի անհրաժեշտ ներուժ՝ համակարգի առջև դրված խնդիրները արժանվույն լուծելու համար:

«Պետությունն իր հերթին ուշադրության կենտրոնում կպահի ծառայության տեխնիկական հագեցվածության, աշխատակիցների սոցիալական ևաշխատանքային պայմանների բարելավման, նրանց մասնագիտական պատրաստվածության բարձրացման խնդիրները: Առանձնակի հոգածություն կցուցաբերվի հանուն հայրենիքի ազատության զոհված ձեր գործընկերների ընտանիքների հիմնախնդիրների լուծմանը», - նշել է Սահակյանը։

«Մեկ անգամ ևս շնորհավորում եմ բոլորիդ և մաղթում խաղաղություն, քաջառողջություն ու հաջողություններ՝ հանուն Լեռնային Ղարաբաղի Հանրապետության անվտանգության և անկախ պետականության հետագա ամրապնդման ու հզորացման», - հայտարարել է ԼՂՀ նախագահը։-0-

Loading...
Թեմատիկ նյութեր
Բաժնի այլ նյութեր
17:20
08 Դեկտեմբերի 2017
Ղարաբաղյան հակամարտության կողմերի միջև երկխոսությունը դեռ չի հանգեցնում լուրջ առաջընթացի. Լավրով
Նրա խոսքով, սա հեշտ հարց չէ, սակայն նրանք կշարունակեն զբաղվել դրանով։
13:45
06 Դեկտեմբերի 2017
ԵԱՀԿ առաքելության դիտարկումն Արցախի և Ադրբեջանի սահմանում անցել է ըստ նախատեսված ժամանակացույցի
ԵԱՀԿ առաքելությունն Արցախի և Ադրբեջանի զինված ուժերի շփման գծի պլանային դիտարկում է անցկացրել Մարտունու շրջանի Կուրոպատկինո բնակավայրից դեպի հյուսիս:
12:18
05 Դեկտեմբերի 2017
ԵԱՀԿ–ն պլանային դիտարկում է անցկացվելու շփման գծում
ԵԱՀԿ առաքելությունը շփման գծի պլանային դիտարկում է անցկացնելու Մարտունու շրջանի Կուրոպատկինո բնակավայրից դեպի հյուսիս:
11:00
03 Դեկտեմբերի 2017
ՀՀ նախագահ. մենք կարողանում ենք և պաշտպանելու ենք մեր սահմանն ու հայրենիքը (ՖՈՏՈ)
ՀՀ նախագահն Արցախ կատարած այցի շրջանակում մասնակցել է զորավարժությունների։
21:05
01 Դեկտեմբերի 2017
ՀՀ նախագահն աշխատանքային այցով այցելել է Արցախ (ՖՈՏՈ)
ՀՀ նախագահն աշխատանքային այցով այսօր այցելել է Արցախ։
10:36
22 Նոյեմբերի 2017
Արցախում 3 զինվոր է զոհվել, ևս մեկը վիրավոր է
Արցախում 3 զինվոր է զոհվել, ևս մեկը վիրավոր է, նրա վիճակը ծանր է։
14:47
21 Նոյեմբերի 2017
ՀՀ ԱԳ նախարարը մեկնաբանել է դեկտեմբերին Սարգսյան–Ալիև հանդիպման հնարավորությունը
Նախարարը նշեց, որ ղարաբաղյան հակամարտության կարգավորման հիմնական սկզբունքների շուրջ քննարկումները վաղուց են ընթանում:
13:49
21 Նոյեմբերի 2017
ԵԱՀԿ ՄԽ–ի համանախագահների առաջարկների ամբողջական փաթեթը մնում է անփոփոխ. Լավրով
Նա դրական բնութագրեց Հայաստանի և Ադրբեջանի նախագահների գնահատականները Ժնևում կայացած վերջին հանդիպման մասին։
15:35
18 Նոյեմբերի 2017
Արցախի ՊՆ-ն ներկայացրել է օպերատիվ իրադրությունը սահմանագծում
Նոյեմբերի 12-ից 18-ն ընկած ժամանակահատվածում արցախա-ադրբեջանական հակամարտ զորքերի շփման գծում հարաբերական հանգիստ է:
12:38
16 Նոյեմբերի 2017
Բակո Սահակյանը կիսում է զինվորի առօրյան մարտական դիրքում (ՖՈՏՈ)
Արցախի նախագահ Բակո Սահակյանը կիսել է զինվորի առօրյան մարտական դիրքում` հանգիստ ծխելով շարքային զինվորների հետ։
13:04
08 Նոյեմբերի 2017
Ադրբեջանական կողմը ԵԱՀԿ առաքելությանը դուրս չի բերել առաջապահ դիրքեր
Դիտարկումն անցել է ըստ նախատեսված ժամանակացույցի, սակայն ադրբեջանական կողմը ԵԱՀԿ առաքելությանը դուրս չի բերել իր առաջապահ դիրքեր:
10:35
07 Նոյեմբերի 2017
ԵԱՀԿ դիտարկում է անցկացվելու Մարտակերտ քաղաքից դեպի հյուսիս
ԵԱՀԿ առաքելությունն Արցախի և Ադրբեջանի զինված ուժերի շփման գծի պլանային դիտարկում է անցկացնելու: