487.3
+1.08
565.32
+1.55
8.22
+0.02
+12
Եղանակը Երևանում
Հայ
Ղարաբաղի նախագահը Լոս Անջելեսում հանդիպել է Հայկական բարեգործական ընդհանուր միության վարչության անդամների հետ
10:51
28 Նոյեմբերի 2008

ՍՏԵՓԱՆԱԿԵՐՏ, 28 նոյեմբերի. /Նովոստի-Արմենիա/. ԼՂՀ նախագահ Բակո Սահակյանը չորեքշաբթի Լոս Անջելեսում հանդիպել է Հայկական բարեգործական ընդհանուր միության (ՀԲԸՄ) Հարավային Կալիֆոռնիայի շրջանային վարչության անդամների հետ՝ վարչության ղեկավար Վահե Իմաստունյանի գլխավորությամբ:

Ինչպես ուրբաթ «Նովոստի-Արմենիա» գործակալությանը տեղեկացրեցին ԼՂՀ նախագահի աշխատակազմի տեղեկատվության գլխավոր վարչությունից, հանդիպման ժամանակ քննարկվել է Արցախ-սփյուռք փոխգործակցությանը և սփյուռքում հայապահպան գործունեությանը վերաբերող հարցերի լայն շրջանակ:

Խոսելով սփյուռքի հետ հարաբերությունների զարգացման մասին, ԼՂՀ նախագահը կարևորել է դրանք ավելի կայուն, կազմակերպված ու բազմակողմանի դարձնելու անհրաժեշտությունը։

Նախագահը բարձր է գնահատել ՀԲԸՄ-ի կրթական օջախների դերը սփյուռքի երեխաների հայեցի դաստիարակության գործում։

Հանդիպմանը մասնակցել են ՀՀ սփյուռքի նախարար Հրանուշ Հակոբյանը, ԼՂՀ ֆինանսների նախարար Սպարտակ Թևոսյանը, պաշտոնատար այլ անձինք: 

Նույն օրը Բակո Սահակյանը հարցազրույց է տվել ԱՄՆ-ում ամենախոշոր հայկական հեռուստաալիքին՝ Հայ-ռուսական հեռուստատեսային ցանցին: Նախագահը պատասխանել է ադրբեջանաղարաբաղյան հակամարտությանը, տարածաշրջանային վերջին զարգացումներին և Արցախ-սփյուռք կապերին առնչվող հարցերին:

Նոյեմբերի 26-ին ԼՂՀ նախագահը հանդիպել է  նաև Ռամկավար ազատական կուսակցության Կենտրոնական վարչության անդամներ Արա Ահարոնյանի և Գևորգ Գրիգորյանի, Արևմտյան և Հարավային Ամերիկայի շրջանային վարչության ատենապետներ Հակոբ Նազարյանի և սենատոր Սերխիո Նահապետյանի հետ:

Հանդիպման ժամանակ քննարկվել է ԼՂՀ սոցիալ-տնտեսական իրավիճակին, ղարաբաղյան հիմնախնդրի կարգավորմանը, Արցախ-սփյուռք կապերի հետագա զարգացմանը վերաբերող հարցերի լայն շրջանակ։

Երկրի ղեկավարը կարևորել է Հայրենիքի զարգացման գործում սփյուռքի քաղաքական ուժերի մասնակցությունը ավելի լիարժեք և բովանդակալից դարձնելու անհրաժեշտությունը:

Սահակյանը ընդունել է նաև ամերիկահայ բարերար Ջեկ Գիլիջյանին և նրա հետ քննարկել է ԼՂՀ-ում տարբեր ծրագրերի իրականացման հեռանկարների հետ առնչվող մի շարք հարցեր: 

Նույն օրը ԼՂՀ նախագահը այցելել է Լոս Անջելեսի իրանահայ միություն, հանդիպել է կազմակերպության խնամակալ մարմնի անդամներին` ատենապետ Վահան Գրեգորի գլխավորությամբ, ինչպես նաև միության անդամներին:

Հանդիպման ընթացքում Սահակյանը ներկայացրել է ԼՂՀ սոցիալ-տնտեսական իրավիճակը, ղարաբաղյան հիմնախնդրի կարգավորումը և անդրադարձել է Արցախ-սփյուռք հարաբերություններին վերաբերող հարցերին:

Երկրի ղեկավարը բարձր է գնահատել իրանահայերի ներդրումը սփյուռքում հայապահպանության գործընթացում, Հայրենիք-սփյուռք կապերի ամրապնդման և տարածաշրջանային քաղաքականության մեջ: Նա հորդորել է միության անդամներին ավելի հաճախակի լինել Արցախում:

Հանդիպմանը մասնակցել են Հայ Առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը, ՀՀ սփյուռքի նախարար Հրանուշ Հակոբյանը, ԼՂՀ ֆինանսների նախարար Սպարտակ Թևոսյանը, պաշտոնատար այլ անձինք: 

Նույն օրը ԼՂՀ նախագահը մասնակցել է Հայկական բարեգործական ընդհանուր միության Ասպետների շարժման ամենամյա ընդունելությանը:

Իր ողջույնի խոսքում Բակո Սահակյանն անդրադարձել է վերջին մեկ տարում ԼՂՀ-ում տեղի ունեցած փոփոխություններին, Արցախ-Հայաստան-սփյուռք փոխգործակցությանը և  ղարաբաղյան հիմնախնդրին։

ԼՂՀ նախագահն ընդգծել է, որ այս հիմնահարցը ողջ հայ ժողովրդի և յուրաքանչյուր հայի հարցն է: «Միայն բոլորի մասնակցությամբ հհարավոր կլինի հասնել հիմնախնդրի արդարացի կարգավորմանը»,- նշել է ԼՂՀ նախագահը:-0- 

Loading...
Թեմատիկ նյութեր
Բաժնի այլ նյութեր
13:04
08 Նոյեմբերի 2017
Ադրբեջանական կողմը ԵԱՀԿ առաքելությանը դուրս չի բերել առաջապահ դիրքեր
Դիտարկումն անցել է ըստ նախատեսված ժամանակացույցի, սակայն ադրբեջանական կողմը ԵԱՀԿ առաքելությանը դուրս չի բերել իր առաջապահ դիրքեր:
10:35
07 Նոյեմբերի 2017
ԵԱՀԿ դիտարկում է անցկացվելու Մարտակերտ քաղաքից դեպի հյուսիս
ԵԱՀԿ առաքելությունն Արցախի և Ադրբեջանի զինված ուժերի շփման գծի պլանային դիտարկում է անցկացնելու:
18:05
04 Նոյեմբերի 2017
 Արցախում 20–ամյա զինծառայող է զոհվել. կան վիրավորներ
Այսօր Արցախում 20–ամյա զինծառայող է զոհվել. կան վիրավորներ։
16:55
03 Նոյեմբերի 2017
CNN Greece-ը ֆիլմ է նկարահանել Արցախի մասին (ՎԻԴԵՈ)
Ֆիլմում նշվում է նաև, որ Արցախը երկար տարիներ ապրում է պատերազմի և խաղաղության միջև:
10:23
02 Նոյեմբերի 2017
Էրդողանը մտադիր է քննարկել Պուտինի հետ ղարաբաղյան կարգավորման հարցը
Թուրքիայի նախագահ Ռեջեփ Թայիփ Էրդողանը ցանկանում է հանդիպել ՌԴ նախագահ Վլադիմիր Պուտինի հետ:
15:38
28 Հոկտեմբերի 2017
Իրավիճակն արցախա-ադրբեջանական զորքերի շփման գծում եղել է լարված. ԱՀ ՊՆ
Իրավիճակն արցախա-ադրբեջանական հակամարտ զորքերի շփման գծում նախորդ շաբաթվա համեմատ եղել է լարված։
12:50
25 Հոկտեմբերի 2017
Արցախի ՊԲ հրամանատարը դեսպան Կասպշիկին է ներկայացրել ադրբեջանական սադրանքի ապացույցները
Լևոն Մնացականյանն ընդունել է ԵԱՀԿ գործող նախագահի անձնական ներկայացուցիչ, դեսպան Անջեյ Կասպշիկին:
11:26
25 Հոկտեմբերի 2017
Հակառակորդը կրկին ակտիվություն է դրսևորել ղարաբաղա-ադրբեջանական հակամարտ զորքերի շփման գծում
Ադրբեջանական զինուժը 60 մմ-ոց ականանետերից արձակել է 23 արկ:
12:36
24 Հոկտեմբերի 2017
Ստեփանակերտ–Երևան նոր երթուղի է գործարկվում Վարդենիս-Մարտակերտ նորակառույց մայրուղով
Վարդենիս-Մարտակերտ նոր մայրուղով կգործարկվի Ստեփանակերտ–Երևան նոր երթուղին։
11:09
24 Հոկտեմբերի 2017
ԵԱՀԿ–ն հերթական դիտարկումը կանցկացնի Հադրութի հարավարևելյան ուղղությամբ
Արցախի իշխանությունները պատրաստակամություն են հայտնել աջակցել դիտարկման անցկացմանը:
19:11
23 Հոկտեմբերի 2017
Ադրբեջանական զինուժը կրկին կիրառել է «ՍՊԱՅԿ» տիպի կառավարվող հակատանկային հրթիռ
Ադրբեջանական զինուժը խախտել է հրադադարի պահպանման ռեժիմը:
15:09
23 Հոկտեմբերի 2017
ԱՀ ՊՆ–ն հրապարակել է Ադրբեջանի կողմից կիրառված հրթիռի արձակման պահի և դրա թողած հետքի տեսագրությունը (ՎԻԴԵՈ)
Արցախի ՊՆ–ն հրապարակել է Ադրբեջանի կողմից կիրառված «ՍՊԱՅԿ» հրթիռի արձակման պահի և դրա թողած հետքի տեսագրությունը։