485.33
+0.37
572.16
-1.31
8.2
-0.02
+4
Եղանակը Երևանում
Հայ
ԿԱՅԾԱԿ «ԱՄԻ Նովոստի–Արմենիա». երկու տարի վերագործարկումից հետո. ի՞նչ է արվել և դեռ ի՞նչ ենք ուզում անել
Լեռնային Ղարաբաղի տնտեսության տարբեր ոլորտներում արված ներդրումները 2008 թվականին ավելի քան 10 մլն դոլար են կազմել
14:55
24 Նոյեմբերի 2008

Լեռնային Ղարաբաղի տնտեսության տարբեր ոլորտներում արված ներդրումները 2008 թվականին կազմել են ավելի քան 10 մլն դոլար, ասել է ԼՂՀ նախագահ Բակո Սահակյանը՝ ելույթ ունենալով Լոս-Անջելեսում «Հայաստան» համահայկական հիմնադրամի կողմից կազմակերպված միջոցառմանը, որը նվիրված էր «Հեռուստամարաթոն-2008»-ին։

Նա նշել է, որ այս արդյունքին հաջողվել է հասնել ներդրումների և բիզնեսին վերաբերող ոլորտներում բարեփոխումներ իրականացնելու շնորհիվ։

«Նշանակալի փոփոխություններ են տեղի ունեցել նաև պետական բյուջեի ծավալում և կառուցվածքում։ 2008 թվականի պետբյուջեն իր ծավալով գերազանցում է նախորդ տարվա բյուջեն ավելի քան 1,3 անգամ», - ասել է Սահակյանը։

Նրա խոսքերով, գյուղատնտեսության, անտառային և ջրային տնտեսություններին ուղղված գումարները 2008 թվականի պետբյուջեում մոտ 3,8 անգամ գերազանցում են 2007 թվականի ցուցանիշը, սոցիալական ապահովության ոլորտում` ավելի քան 1,5 անգամ: Կրթության և գիտության բնագավառում տարբերությունը կազմել է 27 տոկոս, կապիտալ ներդրումներում` 22 տոկոս, մշակույթի ոլորտում` մոտ 29 տոկոս։      

«Դրական փոփոխություններով հանդերձ` այս տարին բավականին ծանր էր հանրապետության համար: Աննախադեպ ցրտահարութան և ուժեղ քամիների հետևանքով տուժել են հանրապետության գրեթե բոլոր բնակավայրերը, տնտեսությանը հասցվել է մի քանի միլիոն դոլարի վնաս։ Սակայն Արցախի ժողովուրդը կարողացավ հաղթահարել այդ դժվարությունները և պատվով դուրս գալ ստեղծված իրավիճակից: Դա հնարավոր դարձավ ջանքերի և ուժերի լարման, բնակչության, զինված ուժերի անձնակազմի և իշխանությունների համախմբված ու միասնական աշխատանքի շնորհիվ», - ասել է Սահակյանը։

Ղարաբաղի նախագահը հայտարարել է, որ արցախցին քաջ գիտակցում է, որ միայն քրտնաջան աշխատանքով կարող է կառուցել ու շենացնել իր երկիրը, ծաղկուն ու բարգավաճ դարձնել նախնիների հողը և սերունդներին թողնել ազատ ու անկախ, հզոր ու անհաղթ հայրենիք։

«Այդ ազգանպաստ գործում մեծ է նաև ձեր` աշխարհասփյուռ մեր հայրենակիցների, մեր քույրերի ու եղբայրների դերը, ովքեր միշտ պատրաստ են օգտակար լինել օվկիանոսից այն կողմ գտնվող իրենց հայրենիքին ու ժողովրդին: Դրա լավագույն ապացույցը «Հայաստան» համահայկական հիմնադրամի կողմից կազմակերպվող ամենամյա հեռուստամարաթոններն են։ Այդ գաղափարի շուրջ համախմբվել է ողջ հայ ժողովուրդը, համայն հայությունը», - ընդգծել է Սահակյանը։

ԼՂՀ նախագահը հավաստիացրել է հավաքվածներին, որ հայրենիքում ներդրած իրենց ամեն մի լուման կտա իր արժանի արդյունքը, կբազմապատկվի ու կծառայի իր նպատակին: «Ձեր բարի գործը կհիշվի ու կփոխանցվի սերնդեսերունդ», - ասել է Սահակյանը։

««Հեռուստամարաթոն-2008»-ը նույնպես նվիրված է Հայաստանի և Արցախի տնտեսությունների զարգացմանը, հատկապես գյուղի և գյուղական բնակավայրերի վերակենդանացմանն ու առաջընթացի ապահովմանը, բնակչության կենսամակարդակի բարձրացմանը: Արդեն ավանդական դարձած հեռուստամարաթոնի ժամանակ հանգանակված գումարներով  կկառուցվեն ու կվերականգնվեն հանրապետության ենթակառուցվածքները, մարդկանց համար կստեղծվեն կյանքի նորմալ պայմաններ», - նշել է ԼՂՀ նախագահը։

Բակո Սահակյանը տեղեկացրել է, որ Ղարաբաղի տնտեսության առաջնային ուղղություններից են գիտության, կրթության, մշակույթի, առողջապահության, կապիտալ շինարարության ոլորտները: Նրա խոսքերով, հանրապետության համար գերակա է անվտանգության հետ կապված խնդիրների լուծումը: «Հզոր ու մարտունակ բանակը մեր ժողովրդի անվտանգության գլխավոր երաշխիքն է, և հանրապետության իշխանություններն անում են ամեն ինչ, որպեսզի նա միշտ պատրաստ լինի կատարելու իր առջև դրված խնդիրները», - ասել է նախագահը։

Ղարաբաղի նախագահը վստահություն է հայտնել, որ «այսուհետ էլ մենք ձեռք ձեռքի կկառուցենք մեր երկիրը, կանենք ամեն ինչ, որպեսզի արցախցին հանգիստ ու խաղաղ ապրի իր պապերի հողի վրա, ապրի արժանավայել կյանքով և շենացնի իր օջախն ու հայրենիքը»:

«Մենք բազմիցս ասել ենք և միշտ ասելու ենք՝ Արցախի անկախությունն ու անվտանգությունը այն բացառիկ արժեքներն են, որոնք ենթակա չեն որևէ սակարկության», - ասել է ԼՂՀ նախագահը։

ԼՂՀ նախագահը հայտարարել է նաև, որ «Արցախի ապագան ողջ հայ ժողովրդի խնդիրն է, և միայն համախմբվելով ու միավորվելով կարող ենք հասնել մեր համազգային նպատակների իրականացմանը, միայն միասին կարող ենք կերտել բոլորիս համար թանկ Արցախ աշխարհի և համայն հայության պայծառ ու լուսավոր ապագան։-0-

Loading...
Թեմատիկ նյութեր
Բաժնի այլ նյութեր
13:45
06 Դեկտեմբերի 2017
ԵԱՀԿ առաքելության դիտարկումն Արցախի և Ադրբեջանի սահմանում անցել է ըստ նախատեսված ժամանակացույցի
ԵԱՀԿ առաքելությունն Արցախի և Ադրբեջանի զինված ուժերի շփման գծի պլանային դիտարկում է անցկացրել Մարտունու շրջանի Կուրոպատկինո բնակավայրից դեպի հյուսիս:
12:18
05 Դեկտեմբերի 2017
ԵԱՀԿ–ն պլանային դիտարկում է անցկացվելու շփման գծում
ԵԱՀԿ առաքելությունը շփման գծի պլանային դիտարկում է անցկացնելու Մարտունու շրջանի Կուրոպատկինո բնակավայրից դեպի հյուսիս:
11:00
03 Դեկտեմբերի 2017
ՀՀ նախագահ. մենք կարողանում ենք և պաշտպանելու ենք մեր սահմանն ու հայրենիքը (ՖՈՏՈ)
ՀՀ նախագահն Արցախ կատարած այցի շրջանակում մասնակցել է զորավարժությունների։
21:05
01 Դեկտեմբերի 2017
ՀՀ նախագահն աշխատանքային այցով այցելել է Արցախ (ՖՈՏՈ)
ՀՀ նախագահն աշխատանքային այցով այսօր այցելել է Արցախ։
10:36
22 Նոյեմբերի 2017
Արցախում 3 զինվոր է զոհվել, ևս մեկը վիրավոր է
Արցախում 3 զինվոր է զոհվել, ևս մեկը վիրավոր է, նրա վիճակը ծանր է։
14:47
21 Նոյեմբերի 2017
ՀՀ ԱԳ նախարարը մեկնաբանել է դեկտեմբերին Սարգսյան–Ալիև հանդիպման հնարավորությունը
Նախարարը նշեց, որ ղարաբաղյան հակամարտության կարգավորման հիմնական սկզբունքների շուրջ քննարկումները վաղուց են ընթանում:
13:49
21 Նոյեմբերի 2017
ԵԱՀԿ ՄԽ–ի համանախագահների առաջարկների ամբողջական փաթեթը մնում է անփոփոխ. Լավրով
Նա դրական բնութագրեց Հայաստանի և Ադրբեջանի նախագահների գնահատականները Ժնևում կայացած վերջին հանդիպման մասին։
15:35
18 Նոյեմբերի 2017
Արցախի ՊՆ-ն ներկայացրել է օպերատիվ իրադրությունը սահմանագծում
Նոյեմբերի 12-ից 18-ն ընկած ժամանակահատվածում արցախա-ադրբեջանական հակամարտ զորքերի շփման գծում հարաբերական հանգիստ է:
12:38
16 Նոյեմբերի 2017
Բակո Սահակյանը կիսում է զինվորի առօրյան մարտական դիրքում (ՖՈՏՈ)
Արցախի նախագահ Բակո Սահակյանը կիսել է զինվորի առօրյան մարտական դիրքում` հանգիստ ծխելով շարքային զինվորների հետ։
13:04
08 Նոյեմբերի 2017
Ադրբեջանական կողմը ԵԱՀԿ առաքելությանը դուրս չի բերել առաջապահ դիրքեր
Դիտարկումն անցել է ըստ նախատեսված ժամանակացույցի, սակայն ադրբեջանական կողմը ԵԱՀԿ առաքելությանը դուրս չի բերել իր առաջապահ դիրքեր:
10:35
07 Նոյեմբերի 2017
ԵԱՀԿ դիտարկում է անցկացվելու Մարտակերտ քաղաքից դեպի հյուսիս
ԵԱՀԿ առաքելությունն Արցախի և Ադրբեջանի զինված ուժերի շփման գծի պլանային դիտարկում է անցկացնելու:
18:05
04 Նոյեմբերի 2017
 Արցախում 20–ամյա զինծառայող է զոհվել. կան վիրավորներ
Այսօր Արցախում 20–ամյա զինծառայող է զոհվել. կան վիրավորներ։