487.29
-0.01
568.08
+2.76
8.23
+0.01
+12
Եղանակը Երևանում
Հայ
Ղարաբաղի խորհրդարանի խոսնակը ընդունել է Հոլանդիայից և Վրաստանից ժամանած մի խումբ երիտասարդ հասարակական գործիչների
12:47
11 Նոյեմբերի 2008

ԼՂՀ Ազգային ժողովի նախագահ Աշոտ Ղուլյանը նախօրեին ընդունել է Հոլանդիայից և Վրաստանից ժամանած մի խումբ երիտասարդ հասարակական գործիչների, այդ թվում՝  Աշխարհի միջեկեղեցական խորհրդի Հարավային Կովկասի գծով ծրագրերի համակարգող Գուիդո դե Գրաաֆ Բիրբրաուվերին, «Սփարք» կազմակերպության կրթական ծրագրերի համակարգող Էլիզաբեթ Հիսին և Կովկասյան իրավաբանների ասոցիացիայի նախագահ Ալեքսանդր Մեսխիին։

Ինչպես «Նովոստի-Արմենիա» գործակալությանը տեղեկացրեցին ԼՂՀ ԱԺ մամուլի ծառայությունից, հանդիպման ընթացքում հյուրերը տեղեկացրել են, որ իրենց այցը հիմնականում ճանաչողական է և խնդիր ունեն ուսումնասիրելու ամառային միջազգային համալսարանների կազմակերպման միջոցով Լեռնային Ղարաբաղի երիտասարդական դաշտում կրթական ծրագրեր իրականացնելու հնարավորությունները:

Հանդիպման ընթացքում նշվել է, որ նման դասընթացները, որոնց կազմակերպման փորձը կա Բալկանյան թերակղզու հակամարտության գոտիներում, իսկ Հարավային Կովկասի երկրներից՝ Վրաստանում, կոչված կլինեն նպաստել տարածաշրջանի ժողովուրդների միջև վստահության վերականգնմանն ու լարվածության թուլացմանը:

Հյուրերը նաև նշել են, որ այդ դասընթացները լրացուցիչ պայմաններ կստեղծեն ընդլայնելու համար ամառային համալսարաններում ընդգրկված երիտասարդների փոխշփումների դաշտը՝ նկատի ունենալով, որ ծրագրի իրագործմանը նախատեսվում է հրավիրել դասախոսների Եվրամիության երկրներից։  

ԼՂՀ ԱԺ նախագահն իր հերթին կարևորելով ժողովուրդների միջև փոխադարձ հանդուրժողականության հաստատման անհրաժեշտությունը, մանավանդ, հակամարտության գոտիներում՝ ընդգծել է, որ խնդրի լիարժեք իրագործումը միակողմանի մոտեցում չի ընդունում և այն պետք է վերաբերի բոլոր հակամարտող կողմերին։

Հայտնելով, որ ԼՂՀ  իշխանությունները պատրաստակամ են աջակցելու մարդասիրական բնույթի ցանկացած նախաձեռնության՝ Ղուլյանը նշել է, որ այդ առումով նպատակահարմար է, որպեսզի առաջարկվող ձեռնարկն ունենա հստակ ու հանգամանալից ծրագիր, որում ամրագրված լինեն ինչպես կազմակերպական միջոցները, նույնպես և թեմատիկ ընդգրկումները։

Հոլանդիայից և Վրաստանից ժամանած մի խումբ երիտասարդ հասարակական գործիչներին ուղեկցում էր «Հելսինկյան նախաձեռնություն-92» միջազգային հասարակական կազմակերպության Լեռնային Ղարաբաղի կոմիտեի համակարգող Կարեն Օհանջանյանը։-0-

Loading...
Թեմատիկ նյութեր
Բաժնի այլ նյութեր
13:04
08 Նոյեմբերի 2017
Ադրբեջանական կողմը ԵԱՀԿ առաքելությանը դուրս չի բերել առաջապահ դիրքեր
Դիտարկումն անցել է ըստ նախատեսված ժամանակացույցի, սակայն ադրբեջանական կողմը ԵԱՀԿ առաքելությանը դուրս չի բերել իր առաջապահ դիրքեր:
10:35
07 Նոյեմբերի 2017
ԵԱՀԿ դիտարկում է անցկացվելու Մարտակերտ քաղաքից դեպի հյուսիս
ԵԱՀԿ առաքելությունն Արցախի և Ադրբեջանի զինված ուժերի շփման գծի պլանային դիտարկում է անցկացնելու:
18:05
04 Նոյեմբերի 2017
 Արցախում 20–ամյա զինծառայող է զոհվել. կան վիրավորներ
Այսօր Արցախում 20–ամյա զինծառայող է զոհվել. կան վիրավորներ։
16:55
03 Նոյեմբերի 2017
CNN Greece-ը ֆիլմ է նկարահանել Արցախի մասին (ՎԻԴԵՈ)
Ֆիլմում նշվում է նաև, որ Արցախը երկար տարիներ ապրում է պատերազմի և խաղաղության միջև:
10:23
02 Նոյեմբերի 2017
Էրդողանը մտադիր է քննարկել Պուտինի հետ ղարաբաղյան կարգավորման հարցը
Թուրքիայի նախագահ Ռեջեփ Թայիփ Էրդողանը ցանկանում է հանդիպել ՌԴ նախագահ Վլադիմիր Պուտինի հետ:
15:38
28 Հոկտեմբերի 2017
Իրավիճակն արցախա-ադրբեջանական զորքերի շփման գծում եղել է լարված. ԱՀ ՊՆ
Իրավիճակն արցախա-ադրբեջանական հակամարտ զորքերի շփման գծում նախորդ շաբաթվա համեմատ եղել է լարված։
12:50
25 Հոկտեմբերի 2017
Արցախի ՊԲ հրամանատարը դեսպան Կասպշիկին է ներկայացրել ադրբեջանական սադրանքի ապացույցները
Լևոն Մնացականյանն ընդունել է ԵԱՀԿ գործող նախագահի անձնական ներկայացուցիչ, դեսպան Անջեյ Կասպշիկին:
11:26
25 Հոկտեմբերի 2017
Հակառակորդը կրկին ակտիվություն է դրսևորել ղարաբաղա-ադրբեջանական հակամարտ զորքերի շփման գծում
Ադրբեջանական զինուժը 60 մմ-ոց ականանետերից արձակել է 23 արկ:
12:36
24 Հոկտեմբերի 2017
Ստեփանակերտ–Երևան նոր երթուղի է գործարկվում Վարդենիս-Մարտակերտ նորակառույց մայրուղով
Վարդենիս-Մարտակերտ նոր մայրուղով կգործարկվի Ստեփանակերտ–Երևան նոր երթուղին։
11:09
24 Հոկտեմբերի 2017
ԵԱՀԿ–ն հերթական դիտարկումը կանցկացնի Հադրութի հարավարևելյան ուղղությամբ
Արցախի իշխանությունները պատրաստակամություն են հայտնել աջակցել դիտարկման անցկացմանը:
19:11
23 Հոկտեմբերի 2017
Ադրբեջանական զինուժը կրկին կիրառել է «ՍՊԱՅԿ» տիպի կառավարվող հակատանկային հրթիռ
Ադրբեջանական զինուժը խախտել է հրադադարի պահպանման ռեժիմը:
15:09
23 Հոկտեմբերի 2017
ԱՀ ՊՆ–ն հրապարակել է Ադրբեջանի կողմից կիրառված հրթիռի արձակման պահի և դրա թողած հետքի տեսագրությունը (ՎԻԴԵՈ)
Արցախի ՊՆ–ն հրապարակել է Ադրբեջանի կողմից կիրառված «ՍՊԱՅԿ» հրթիռի արձակման պահի և դրա թողած հետքի տեսագրությունը։