484.04
+0.53
521.46
-0.05
8.41
+0.05
+3
Եղանակը Երևանում
Հայ
Թուրքիայի և Հայաստանի հարաբերություններում արդեն առաջխաղացումներ կան. Բեռնար Ֆասյե
13:50
17 Սեպտեմբերի 2008

Թուրքիայի և Հայաստանի հարաբերություններում արդեն առաջխաղացումներ կան, նախօրեին երեկոյան Ստեփանակերտում լրագրողներին է հայտարարել ԵԱՀԿ ղարաբաղյան հակամարտության կարգավորման Մինսկի խմբի ֆրանսիացի համանախագահ Բեռնար Ֆասյեն։

Նրա խոսքերով, ՀՀ նախագահ Սերժ Սարգսյանը իմաստուն քայլ արեց՝ հրավիրելով Թուրքիայի նախագահ Աբդուլա Գյուլին Երևան, չնայած շատերը՝ ինչպես Թուրքիայում, այնպես էլ Ադրբեջանում երկու նախագահների նման հանդիպումը անհնար էին համարում։

Խոսելով Թուրքիայի միջնորդության ակտիվացման և ԵԱՀԿ ՄԽ ներկա համանախագահության նկատմամբ այս փաստի հնարավոր վտանգի մասին՝ Ֆասյեն նշել է, որ բարի կամքի յուրաքանչյուր ջանք, որն օգտակար կլինի բանակցային գործընթացի համար, անհրաժեշտ է ողջունել։

«Թուրքիան ԵԱՀԿ Մինսկի խմբի նշանակալի անդամ է։ Որպես Մինսկի խմբի անդամ նա վաղուց աջակցում է գործընթացին և համանախագահների ջանքերին», - ասել է Ֆասյեն։

«Կան նաև այլ ջանքեր՝ Ռուսաստանի նախագահ Դմիտրի Մեդվեդևն ընդունել է Ադրբեջանի նախագահ Իլհամ Ալիևին։ Մի քանի շաբաթ առաջ ՀՀ նախագահ Սերժ Սարգսյանը Մոսկվայում էր։ Ես ինքս Անկարայում էի մի քանի ամիս առաջ և կրկին այնտեղ կգնամ մի քանի շաբաթ անց։ «Երբ բոլոր այս ջանքերը կենտրոնացվում են, օգտակար են դառնում», - նշել է ԵԱՀԿ Մինսկի խմբի ֆրանսիացի համանախագահը։

Միջնորդի խոսքերով, դրանք չեն կարող որևէ վտանգ ներկայացնել, եթե, իհարկե, ամեն անգամ խոսքը չի գնում կարգավորման նոր ձևավորում գտնելու մասին։

«Մենք գիտենք, որ բանակցային սեղանի վրա կարգավորման «մադրիդյան սկզբունքներն են», և եթե բոլոր ջանքերն ուղղվեն դեպի այս սկզբունքները հավանության արժանացնելուն, ապա դա լավ է», - ասել է Ֆրասյեն՝ նշելով, որ ներկա առաջխաղացումները ցույց են տալիս, որ հնարավոր է՝ շուտով շատ կարևոր որոշումների ընդունման պահ գա։

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-  

Loading...
Թեմատիկ նյութեր

Բաժնի այլ նյութեր
19:31
23 Մարտի 2017
The Washington Post–ը հրապարակել է Արցախի ռազմադպրոցի աղջիկ կուրսանտների լուսանկարները
The Washington Post ամերիկյան ճանաչված պարբերականը ֆոտոռեպորտաժ է հրապարակել Ստեփանակերտի բարձրագույն ռազմադպրոցի աղջիկ կուրսանտների մասին։
10:25
23 Մարտի 2017
Իրադրությունն առաջնագծում. հակառակորդը գիշերն արձակել է ավելի քան 370 կրակոց
ՊԲ առաջապահ զորամասերը լիակատար վերահսկողություն են պահպանում առաջնագծում։

10:02
22 Մարտի 2017
Ադրբեջանական զինուժը հայ դիրքապահների ուղղությամբ ակտիվ կրակ է վարել դիպուկահար հրացաններից
Հակառակորդը դիպուկահար հրացաններից առավել ակտիվ կրակ է վարել արևելյան և հյուսիսարևելյան հատվածներում:
10:42
21 Մարտի 2017
Իրադրությունն առաջնագծում. հակառակորդը գիշերն արձակել է ավելի քան 300 կրակոց
ՊԲ առաջապահ զորամասերը հիմնականում ձեռնպահ են մնացել պատասխան գործողություններից։
10:19
20 Մարտի 2017
Գիշերը շփման գծում իրադրությունը հանգիստ է եղել
Հակառակորդը տարբեր տրամաչափի հրաձգային զինատեսակներից, հրադադարի պահպանման ռեժիմը խախտել է ավելի քան 25 անգամ:
10:40
18 Մարտի 2017
Հակառակորդը հայ դիրքապահների ուղղությամբ արձակել է ավելի քան 250 կրակոց
Հակառակորդը տարբեր տրամաչափի հրաձգային զինատեսակներից հայ դիրքապահների ուղղությամբ արձակել է ավելի քան 250 կրակոց:
10:11
17 Մարտի 2017
Հակառակորդը գիշերը հայ դիրքապահների ուղղությամբ արձակել է շուրջ 450 կրակոց
Հակառակորդը տարբեր տրամաչափի հրաձգային զինատեսակներից հայ դիրքապահների ուղղությամբ արձակել է շուրջ 450 կրակոց:
21:01
16 Մարտի 2017
Արցախի ՊՆ-ն հերքում է ԱՀ պաշտպանության նախարարի վիրավորման մասին լուրերը
Սենոր Հասրաթյանը հերքում է ԱՀ պաշտպանության նախարար Լևոն Մնացականյանի վիրավորման մասին տեղեկատվությունը:
16:07
16 Մարտի 2017
Համացանցում հայտնվել է արցախցի դիպուկահարների կողմից հակառակորդի երկու տեսախցիկի ոչնչացման պահը
Ինտերնետում հայտնվել են արցախցի դիպուկահարների կողմից առաջնագծում երկու ադրբեջանական տեսախցիկների ոչնչացման տեսանյութի կադրերը:
10:46
16 Մարտի 2017
 Իրադրությունն առաջնագծում. հակառակորդը գիշերն արձակել է ավելի քան 550 կրակոց
ՊԲ առաջապահ զորամասերը հիմնականում ձեռնպահ են մնացել պատասխան գործողություններից։
10:44
15 Մարտի 2017
Իրադրությունն առաջնագծում. հակառակորդը գիշերն արձակել է ավելի քան 1890 կրակոց
ՊԲ առաջապահ զորամասերը շարունակում են վստահորեն իրականացնել մարտական հերթապահություն։

13:01
14 Մարտի 2017
Արցախի արտգործնախարարը մեկնել է Հունաստան
Կարեն Միրզոյանը աշխատանքային այցով գտնվում է Հունաստանում` «Մեր հերոսական Արցախը» խորագրով միջոցառումներին մասնակցելու նպատակով։