486.7
-0.08
515.12
-0.38
8.43
+0.02
+6
Եղանակը Երևանում
Հայ
ԼՂՀ 17-րդ տարեդարձի կապակցությամբ Ղարաբաղի նախագահը պատվավոր կոչումների շնորհման մասին հրամանագրեր է ստորագրել
13:35
01 Սեպտեմբերի 2008

Լեռնային Ղարաբաղի Հանրապետության հռչակման 17-րդ տարեդարձի կապակցությամբ ԼՂՀ նախագահ Բակո Սահակյանը շաբաթ օրը հրամանագրեր է ստորագրել՝ պարգևատրելու և պատվավոր կոչումներ շնորհելու մասին։

Ինչպես երկուշաբթի «Նովոստի-Արմենիա» գործակալությանը տեղեկացրեցին ԼՂՀ նախագահի աշխատակազմի տեղեկատվության գլխավոր վարչությունից, հայրենիքի պաշտպանության գործում ցուցաբերած քաջության ու անձնական արիության համար «Մարտական խաչ» 2-րդ աստիճանի շքանշանով պարգևատրվել են Գագիկ Մարտիրոսյանը և Կիմ Մկրտչյանը:

ԼՂՀ տնտեսության զարգացման գործում ունեցած մեծ ավանդի համար «Մեսրոպ Մաշտոց» շքանշանով պարգևատրվել են Կարեն Բաղդասարովը, Բարսեղ Բեգլարյանը և Լևոն Հայրապետյանը, ինչպես նաև Արպատ Ավանեսյանը՝ գիտության, կրթության զարգացման ասպարեզում ունեցած մեծ վաստակի համար։

Հայրենիքի պաշտպանության համար մղված մարտերում ցուցաբերած անձնական արիության համար «Արիության համար» մեդալով պարգևատրվել է 63 մարդ, այդ թվում 32-ը հետմահու:

Մարտական առաջադրանքներին նպաստող հմուտ, համարձակ գործողությունների, զորքերի մարտական պատրաստվածության ապահովման, երկրի սահմանները պաշտպանելիս ցուցաբերած արիության համար «Մարտական ծառայություն» մեդալով պարգևատրվել է 273 մարդ, այդ թվում 13-ը հետմահու:

ԼՂՀ առողջապահության զարգացմանը մատուցած ծառայությունների, բարձր մասնագիտական, գործնական աշխատանքի համար «Վաչագան Բարեպաշտ» մեդալով պարգևատրվել են Ելենա Բաղյանը, Ջուլյա Գալստյանը, Անաստաս Գրիգորյանը, Մարիետա Խոնդկարյանը, Անդրանիկ Ծատրյանը (հետմահու), Արմո Միրզոյանը, Ռենա Սեյրանյանը, ինչպես նաև Ստեփանակերտի Վ.Փափազյանի անվան պետական դրամատիկական թատրոնի դերասան Քաջիկ Հարությունյանը՝ արվեստի զարգացման ասպարեզում ունեցած մեծ վաստակի համար։

«Երախտագիտություն» մեդալով պարգևատրվել են արցախահայության ազգային-ազատագրական պայքարի 21 ակտիվ մասնակիցներ, այդ թվում 4-ը հետմահու: ԼՂՀ  գիտության և կրթության ասպարեզում ունեցած ծանրակշիռ ավանդի համար նույնանման մեդալով պարգևատրվել են դոկտոր-պրոֆեսոր, շինարարական բուհերի միջազգային ասոցիացիայի փոխնախագահ, Երևանի ճարտարապետաշինարարական համալսարանի խորհրդի նախագահ Արեստիկ Բեգլարյանը, դոկտոր-պրոֆեսոր, ՀՀ գյուղակադեմիայի ակադեմիկոս, բուսաբուծության և բանջարաբուծության ամբիոնի վարիչ Միքայել Գյուլխասյանը, դոկտոր-պրոֆեսոր, Երևանի պետական բժշկական համալսարանի նորմալ ֆիզիոլոգիայի ամբիոնի վարիչ Դրաստամատ Խուդավերդյանը, դոկտոր-պրոֆեսոր,  ՀՀ ԳԱԱ բնական գիտությունների բաժանմունքի ակադեմիկոս-քարտուղար Վիլեն Հակոբյանը, դոկտոր-պրոֆեսոր, ՀՀ ԳԱԱ և միջազգային ինժեներական ակադեմիայի իսկական անդամ, ակադեմիկոս Յուրի Սարգսյանը:

«Երախտագիտություն» մեդալով պարգևատրվել է նաև «Ֆրանսիայի բողոքական եկեղեցու և Հայաստանի միջև համերաշխություն» բարեգործական կազմակերպության նախագահ Սամուել Սահակյանը:

Մամուլի, ռադիոյի և հեռուստատեսության բնագավառներում ցուցաբերած մասնագիտական բարձր վարպետության, ոլորտի զարգացմանն ու կատարելագործմանը նպաստելու համար Նվարդ Ավագյանին շնորհվել է ԼՂՀ վաստակավոր ժուռնալիստի պատվավոր կոչում, մշակույթի զարգացման ասպարեզում ունեցած մեծ վաստակի, մասնագիտական բարձր որակավորման համար ԼՂՀ մշակույթի վաստակավոր գործչի պատվավոր կոչման է արժանացել Սլավա Սարգսյանը։

Բարձր վարպետության, արվեստի զարգացմանը նպաստող գործունեության համար վաստակավոր արտիստի պատվավոր կոչում է շնորհվել Ստեփանակերտի Վ.Փափազյանի անվան պետական դրամատիկական թատրոնի դերասաններ Արմելա Առաքելյանին, Արմիդա Գաբրիելյանին, Սամվել Եվրիյանին և «Վերնատուն» փոփ-ֆոլք համույթի տնօրեն Տիգրան Մկրտչյանին:-0- 

Loading...
Թեմատիկ նյութեր
Բաժնի այլ նյութեր
12:39
27 Փետրվարի 2017
ԱՀ ՊՆ. ադրբեջանցիների դիակների տարհանման գործընթացը չի իրականացվել ադրբեջանական կողմի մեղքով
Երեկ ադրբեջանցիների դիակների տարհանման գործընթացը չի իրականացվել ոչ թե արցախյան, այլ ադրբեջանական կողմի մեղքով։
10:53
27 Փետրվարի 2017
Իրադրությունը շփման գծում. հակառակորդը կիրառել է ականանետեր` արձակելով շուրջ 1150 կրակոց
ՊԲ առաջապահ զորամասերը շարունակում են վստահորեն իրականացնել իրենց առջև դրված մարտական խնդիրը՝ անհրաժեշտության դեպքում դիմելով նաև պատասխան գործողությունների։

10:37
26 Փետրվարի 2017
Հակառակորդը գիշերը շփման գծում կրակել է հաուբիցից, հրանոթներից, ականանետերից և նռնականետերից
ՊԲ առաջապահ զորամասերը հակառակորդի նախահարձակ ակտիվությունը ճնշելու համար դիմել են պատասխան գործողությունների և շարունակել վստահորեն իրականացնել մարտական հերթապահություն։
19:19
25 Փետրվարի 2017
ՀՀ ՊՆ-ն ներկայացրել է Մարտունու վրա կատարած հարձակման տեսագրությունը և հակառակորդի զոհերի անունները
Հայաստանի պաշտպանության նախարարության մամուլի քարտուղար Արծրուն Հովհաննիսյանը հրապարակել է Մարտունու վրա կատարած հարձակման տեսանյութը:
17:07
25 Փետրվարի 2017
ՀՀ ՊՆ-ն ներկայացրել է ադրբեջանական ագրեսիայի տեսագրությունը
Հայաստանի պաշտպանության նախարարության մամուլի քարտուղար Արծրուն Հովհաննիսյանը Facebook-ի իր էջում հրապարակել է ադրբեջանական ագրեսիայի տեսագրությունը:

13:31
25 Փետրվարի 2017
Հայկական կողմը խոստացել է ներկայացնել ադրբեջանական ագրեսիայի տեսագրությունը
Հայկական կողմն ունի գիշերն իրականացված ադրբեջանական ագրեսիայի վկայության տեսագրությունը:
11:48
25 Փետրվարի 2017
Ադրբեջանական կողմն ապատեղեկատվություն է տարածում՝ խոսելով հայկական կողմի «հարձակումների» մասին
Արդեն մի քանի օր շարունակ Ադրբեջանի ռազմաքաղաքական ղեկավարությունը լարում էր իրավիճակը շփման գծում:
10:45
25 Փետրվարի 2017
ԱՀ ՊՆ.Շփման գծում նկատվում է հակառակորդի կենդանի ուժի և զինտեխնիկայի տեղաշարժ
Հակառակորդը գիշերը հարձակման փորձ է նախաձեռնել շփման գծի միանգամից երկու` հարավարևելյան (Մարտունի) և արևելյան (Ակնա) ուղղություններով
18:45
24 Փետրվարի 2017
ԱՀ ՊՆ. հակառակորդը հրետակոծել է Թալիշը
Թշնամին թիրախավորել է ոչ միայն մարտական հենակետերը, այլև Թալիշ բնակավայրը։
10:43
24 Փետրվարի 2017
Հակառակորդը շփման գծում կիրառել է ականանետեր և ՁՀՆ-7 տիպի նռնականետ
Փետրվարի 23-ին և լույս 24-ի գիշերը արցախա-ադրբեջանական հակամարտ զորքերի շփման գծում հակառակորդը հրադադարի պահպանման ռեժիմը խախտել է ավելի քան 75 անգամ
11:36
23 Փետրվարի 2017
Արցախում զինծառայող է մահացել
Դեպքի մանրամասները պարզելու համար կատարվում է քննություն:
11:08
23 Փետրվարի 2017
Հակառակորդի ակտիվությունը ճնշելու համար ՊԲ–ն դիմել է կանխարգելիչ գործողությունների. հակառակորդն ունի 1 զոհ
Հակառակորդի նախահարձակ ակտիվությունը ճնշելու համար ՊԲ առաջապահ զորամասերը դիմել են կանխարգելիչ գործողությունների, ինչի արդյունքում հակառակորդը տվել է առնվազն 1 զոհ։