478.57
+0.37
561.79
+1.96
8.05
+0.02
+31
Եղանակը Երևանում
Հայ
Առանց Արցախի ժողովրդի համաձայնության Ադրբեջանի հետ հակամարտության կարգավորման համաձայնագիր չի լինի. ԼՂՀ ԱԳ նախարար
18:36
16 Հունիսի 2008

ԵՐԵՎԱՆ, 16 հունիսի./Նովոստի-Արմենիա/. Առանց Արցախի ժողովրդի համաձայնության, Ադրբեջանի հետ հակամարտության կարգավորման վերաբերյալ որևէ համաձայնագիր չի կարող ստորագրվել, ասվում է ԼՂՀ ԱԳ նախարար Գեորգի Պետրոսյանի մեկնաբանություններում՝ Ադրբեջանի արտաքին գործերի նախարար Էլմար Մամեդյարովի վերջին հայտարարությունների կապակցությամբ։

Ինչպես երկուշաբթի «Նովոստի-Արմենիային» հայտնեցին Հայաստանում ԼՂՀ մշտական ներկայացուցչությունից, Պետրոսյանւ նշել է, որ Հայաստանի դիրքորոշումը Լեռնային Ղարաբաղի վերաբերյալ փոփոխություններ չի կրել։

«Ինչպես արդեն հայտարարել է Հայաստանի իմ գործընկերը, Լեռնային Ղարաբաղի վերաբերյալ հայկական կողմի դիրքորոշումը փոփոխություններ չի կրել: Փոփոխության չի ենթարկվել նաև ԼՂՀ դիրքորոշումը հնարավոր համաձայնագրի կապակցությամբ: Առանց ԼՂՀ ժողովրդի համաձայնության Ադրբեջանի հետ հակամարտության կարգավորման որևէ փաստաթուղթ չի կարող ստորագրվել:

Մինչ այդ Մամեդյարովը հայտարարել էր, որ Հայաստանի նոր ղեկավարության դիրքորոշման մեջ նոր նրբերանգներ են առաջացել բանակցային գործընթացի վերաբերյալ, կողմերը և համանախագահները շարունակում են աշխատել համանախագահների մարդրիդյան առաջարկի վրա, մասնավորապես՝ չհամաձայնեցված պահերի վրա։

Գեորգի Պետրոսյանը նշեց, որ ադրբեջանա-ղարաբաղյան հակամարտության կարգավորման հարցում պաշտոնական Բաքուն սկզբում հույս էր դնում ուժային ճնշման, սպանալիքների և շանտաժի վրա:

«Ադրբեջանի նման քաղաքականությունը, որը նպատակ ունի առաջ տանել հակամարտության կարգավորման իր սցենարը, ոչ միայն վտանգում է բանակցային գործընթացը, այլ նաև` տարածաշրջանային անվտանգությունն ու կայունությունը»,- ասաց նա:

Խոսելով Թաթարստանի մոդելի մասին, որպես Լեռնային Ղարաբաղի համար ինքնավարության հնարավոր տարբերակ, Ադրբեջանի ներկայացուցիչները հաշվի չեն առնում այն փաստը, որ Թաթարստանը դաշնային պետության սուբյեկտ է:

«Եթե Ադրբեջանը մտադիր է դառնալ դաշնային պետություն և ազգային փոքրամասնություններին` լեզգիներին, թալիշներին, ավարներին և ուդիներին տրամադրել դաշնության սուբյեկտների կարգավիճակ, ապա այդ Ադրբեջանական Հանրապետության ժողովուրդների իրավունքն է: Տվյալ նախաձեռնությունը ողջունելի է, սակայն այդ կազմավորման մեջ մենք մեզ չենք տեսնում: Մենք մեր ընտրությունը կատարել ենք: Մեր անկախությունը չի կարող առևտրի առարկա դառնալ»,-ընդգծեց ԼՂՀ ԱԳ նախարարը:

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

 

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

  Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-

Loading...
Թեմատիկ նյութեր
Բաժնի այլ նյութեր
15:47
19 Օգոստոսի 2017
Հակառակորդը շաբաթվա ընթացքում շարունակել է խախտել հրադադարի ռեժիմը
Արցախի պաշտպանության նախարարությունը ներկայացրել է շաբաթվա ընթացքում արցախաադրբեջանական շփման գծում տիրող իրավիճակը:
16:20
14 Օգոստոսի 2017
ՊԲ զինծառայող է զոհվել հակառակորդի գնդակից
Զինծառայող է զոհվել երկուշաբթի առավոտյան Արցախում։
15:42
14 Օգոստոսի 2017
Ադրբեջանն իսրայելական ընկերությունից պահանջել է անօդաչու սարքերը փորձարկել հայկական դիրքերի վրա
Իսրայելի ՊՆ–ն հետաքննություն է սկսել Aeronautics Defense Systems ընկերությանը Ադրբեջանի կողմից ներկայացված դիմումի առնչությամբ
15:30
09 Օգոստոսի 2017
Դիտարկում` Ասկերանի շրջանի Ակնա-Հինդարխ ճանապարհահատվածում
Դիտարկումն անցել է ըստ նախատեսված ժամանակացույցի:  
12:15
31 Հուլիսի 2017
Ադրբեջանի կողմից նոր հարձակման դեպքում մենք հակահարձակման կանցնենք. Արցախի պաշտպանության նախարար (ՎԻԴԵՈ)
«Հակահարձակման ընթացքում մենք  կընդլայնենք և կխորացնենք մեր անվտանգության գոտին»,–ասել է Լևոն Մնացականանը։    
17:47
28 Հուլիսի 2017
Արցախում սկսել են ավելի շատ ամուսնանալ
Արցախում ամուսնացող զույգերի թիվն աճել է։
12:23
28 Հուլիսի 2017
Հակատանկային ականի վրա ավտոմեքենա է պայթել Արցախում
Նախօրեին արտակարգ դեպք է տեղի ունեցել Արցախում։

19:02
26 Հուլիսի 2017
Արցախյան ձիթապտուղն արդեն իրականություն է. երկրում ձիթապտղի պլանտացիաներ կլինեն
Արցախի  Հանրապետության  տարածքում  արդեն   կան     ձիթապտղի   փոքր  այգիներ։
16:19
25 Հուլիսի 2017
Ադրբեջանը հանդես է եկել հերթական ապատեղեկատվությամբ. ԱՀ ՊՆ
Ադրբեջանի ՊՆ–ն քիչ առաջ հերթական ապատեղեկատվությունն է տարածել։

15:14
19 Հուլիսի 2017
Բակո Սահակյանն ընտրվեց Արցախի նախագահ
Արցախի Ազգային ժողովը հատուկ նիստում 28 կողմ ձայնով Բակո Սահակյանին ընտրել է հանրապետության նախագահի պաշտոնում:
21:05
18 Հուլիսի 2017
Ադրբեջանի կողմից օբյեկտիվ իրականության ժխտումը հակամարտության կարգավորման հիմնական խոչընդոտներից է. ԱՀ ԱԳՆ
Հուլիսի 19-ին կայանալիք Արցախի Հանրապետության նախագահի ընտրությունները բուռն արձագանք են ստացել Ադրբեջանում։
15:44
18 Հուլիսի 2017
Արցախի խորհրդարանը պատրաստվում է նախագահ ընտրել
Արցախի խորհրդարանը պատրաստվում է հատուկ նիստում երկրի նախագահ ընտրել։