484.45
-0.06
527.28
+8.56
8.65
+0.04
+4
Եղանակը Երևանում
Հայ
Ստեփանակերտում տեղի է ունենում ղարաբաղյան շարժման 20-ամյակին նվիրված միջազգային գիտաժողով
16:25
23 Մայիսի 2008

ՍՏԵՓԱՆԱԿԵՐՏ, 23 մայիսի./Նովոստի-Արմենիա/. Ստեփանակերտում ուրբաթ տեղի է ունենում «Ղարաբաղյան շարժման 20-ամյակը. իրողություններ և հեռանկարներ» թեմայով միջազգային գիտաժողովը։

Ինչպես հաղորդում է «Նովոստի-Արմենիայի» թղթակիցը Ստեփանակերտից, ԼՂՀ նախագահ Բակո Սահակյանը, ողջույնի խոսքով դիմելով մասնակիցներին, նշել է գիտաժողովում քննարկվող հարցերի հատուկ նշանակությունը և արդիականությունը, քանի որ այդ հիմնախնդիրները կապված են ինչպես ղարաբաղյան, այնպես էլ հետխորհրդարանային տարածության մյուս էթնոքաղաքական հակամարտությունների կարգավորման ժամանակակից գործընթացների և հեռանկարների հետ։

«Ներկայիս բարդ աշխարհաքաղաքական պայմաններում այս հիմնախնդիրների քննարկումը պետք է ենթադրի հակամարտությունների հանգուցալուծման գործընթացներում առկա իրական դրույթների քննարկումը, մասնավորապես՝ ղարաբաղյան։ Գիտաժողովը պետք է նաև կոնկրետ տեսական և գործնական երաշխավորագրեր մշակի ղարաբաղյան հիմնախնդրի հանգուցալուծման ուղղությամբ՝ հաշվի առնելով ստեղծված իրողությունները և ԼՂՀ անկախ պետականություն ստեղծելու պատմաիրավական հիմքերը, միջազգային իրավունքի զարգացման ժամանակակից միտումները»,- ընդգծեց ԼՂՀ նախագահը։

Սահակյանը հույս հայտնեց, որ գիտաժողովի մասնակիցների կարծիքների կառուցվածքային փոխանակման գործընթացում կառաջարկվեն հետաքրքիր գաղափարներ և նախաձեռնություններ, որոնք դրական ազդակ կհաղորդեն խաղաղության և համաձայնության օպտիմալ ճանապարհներ փնտրելու գործընթացին։

«Շատ կարևոր է, որպեսզի գիտաժողովի աշխատանքը իր շարունակությունը գտնի համապատասխան պետական կառույցների ներկայացուցիչների, գիտական և փորձագիտական հանրության գործունեությունում, ինչպես նաև բոլոր նրանց, ովքեր իսկապես շահագրգռված են ղարաբաղյան հակամարտության հանգուցալուծման և մեր տարածաշրջանում կայուն խաղաղություն հաստատելու հարցում»,- հայտարարեց ԼՂՀ նախագահը։

Գիտաժողովին զեկույցներով ելույթ ունեցան ԼՂՀ խորհրդարանի խոսնակ Աշոտ Ղուլյանը, ԵԱՀԿ Մինսկի խմբի նախկին համանախագահ, Ռուս դիվանագետների միության փոխնախագահ Վլադիմիր Կազիմիրովը և ՀՀ նախկին ԱԳ նախարար Վարդան Օսկանյանը։

«Ղարաբաղյան շարժման 20-ամյակը. իրողություններ և հեռանկարներ» թեմայով միջազգային գիտաժողովը տեղի է ունենում Ստեփանակերտում մայիսի 23-24-ը՝ Ռուսաստանից, ԱՄՆ-ից, Եվրոպայից, Հայաստանից, Իրանից, Աբխազիայից, Հարավային Օսեթիայից, Մերձդնեստրովյան-Մոլդովական Հանրապետությունից և Լեռնային Ղարաբաղից ժամանած քաղաքագետների և փորձագետների մասնակցությամբ։

1988թ. փետրվարի 20-ին տեղի ունեցավ Լեռնային Ղարաբաղի մարզային խորհրդի ազգային դեպուտատների արտահերթ նիստը, որի ժամանակ ընդունվեց «Ադրբեջանի ԽՍՀ և Հայաստանի ԽՍՀ գերագույն խորհուրդներին Լեռնային Ղարաբաղի Ինքնավար Մարզը Ադրբեջանի ԽՍՀ-ի կազմից դուրս բերելու և Հայաստանի ԽՍՀ կազմին հանձնելու վերաբերյալ հայցադիմումի» մասին որոշումը։

Նիստը փաստացիորեն կանխորոշեց Լեռնային Ղարաբաղի պայքարը անկախության համար։ Պատմական որոշման ընդունմանը հաջորդեցին շրջանային Խորհուրդների համանման որոշումները։

Սակայն, փետրվարի 21-ին ԽՍՀՄ ԿՀ քաղբյուրոն որոշում ընդունեց, որն ըստ էության հակասում էր ազգերի ինքնորոշման միջազգային սկզբունքներին։

Ազգային դեպուտատների մարզային խորհրդի նիստը տեղի ունեցավ պաշտոնական Բաքվի ներկայացուցիչների և կոմկուսի մարզային քարտուղար Բորիս Կևորկովի ակտիվ հակագործունեության պայմաններում։

Հայաստանին վերամիավորվելու մարզի որոշմանը ադրբեջանական կողմը պատասխանեց ագրեսիայով։ Հակամարտությունը շուտով փոխվեց դիմադրության, այնուհետև՝ երկարատև և արյունարբու պատերազմի։--0—

Loading...
Թեմատիկ նյութեր

Բաժնի այլ նյութեր
19:26
25 Ապրիլի 2017
Արցախում 19–ամյա զինծառայող է մահացել
Արցախում 19–ամյա զինծառայող է մահացել։
10:32
25 Ապրիլի 2017
Հակառակորդի գնդակից ՊԲ զինծառայող է զոհվել
Հակառակորդի կողմից հրադադարի ռեժիմի խախտման հետևանքով ապրիլի 24-ին ՊԲ զինծառայող է մահացել:
16:01
24 Ապրիլի 2017
The Independent–ի լրագրողը կհայտնվի Ադրբեջանի «սև ցուցակում»
Բաքուն բրիտանական The Independent–ի լրագրողին կներառի «սև ցուցակում»։
10:40
22 Ապրիլի 2017
Գիշերը հակառակորդը կիրառել է հաստոցավոր հակատանկային նռնականետ
Շփման գծի արևելյան ուղղությամբ ադրբեջանական զինուժը կիրառել է նաև հաստոցավոր հակատանկային նռնականետ:
10:43
20 Ապրիլի 2017
Իրադրությունն առաջնագծում. հակառակորդն արձակել է ավելի քան 500 կրակոց
ՊԲ առաջապահ զորամասերը լիակատար վերահսկողություն են պահպանում առաջնագծում։
17:55
19 Ապրիլի 2017
Լավ լուծում կլիներ, եթե Լեռնային Ղարաբաղը միացվեր Հայաստանին. Մարին լը Պեն
Ֆրանսիայի նախագահի թեկնածու, «Ազգային ճակատ» ազգայնական կուսակցության առաջնորդ Մարին Լե Պենը Nouvelles d’Arménie–ին տված հարցազրույցում խոսել է արցախյան խնդրի մասին։

10:08
19 Ապրիլի 2017
Գիշերը հակառակորդը կիրառել է նաև ձեռքի հակատանկային նռնականետ
Շփման գծի հյուսիսային ուղղությամբ ադրբեջանական զինուժը կիրառել է նաև ձեռքի հակատանկային նռնականետ:
19:39
18 Ապրիլի 2017
Արցախում 20–ամյա զինծառայող է վիրավորվել. նրա վիճակը ծանր է
Արցախում նախօրեին 20–ամյա զինծառայող է վիրավորվել։
10:26
18 Ապրիլի 2017
Հակառակորդը դիպուկահար հրացաններ է կիրառել շփման գծում
Ապրիլի 17-ին և լույս 18-ի գիշերը արցախա-ադրբեջանական հակամարտ զորքերի շփման գծում հակառակորդը խախտել է հրադադարի պահպանման ռեժիմը:
11:24
17 Ապրիլի 2017
Իրադրությունն առաջնագծում. հակառակորդը գիշերն արձակել է շուրջ 240 կրակոց
ՊԲ առաջապահ զորամասերը ձեռնպահ են մնացել պատասխան գործողություններից։

10:40
15 Ապրիլի 2017
Ադրբեջանական ԶՈւ-ն հայ դիրքապահների ուղղությամբ արձակել է ավելի քան 400 կրակոց
Հակառակորդը,տարբեր տրամաչափի հրաձգային զինատեսակներից, հայ դիրքապահների ուղղությամբ արձակել է ավելի քան 400 կրակոց
11:18
14 Ապրիլի 2017
Հակառակորդը շփման գծում կիրառել է ականանետ և հակատանկային նռնականետ
Ապրիլի 13-ին և լույս 14-ի գիշերն արցախա-ադրբեջանական հակամարտ զորքերի շփման գծում հակառակորդը խախտել է հրադադարի ռեժիմը տարբեր զինատեսակներից։