482.89
-0.16
541.32
+2.38
8.54
+0.08
+20
Եղանակը Երևանում
Հայ
ԼՂՀ նախագահը պարգևատրել է ԼՂՀ Պաշտպանության բանակի մի շարք զինծառայողների
20:01
19 Մարտի 2008

ՍՏԵՓԱՆԱԿԵՐՏ, 18 մարտի./Նովոստի-Արմենիա/. Չորեքշաբթի ԼՂՀ Նախագահ Բակո Սահակյանն այցելել է 5-րդ պաշտպանական շրջան և մասնակցել մի խումբ զինծառայողների պարգևատրման արարողությանը: 

Ինչպես չորեքշաբթի «Նովոստի-Արմենիային» հաղորդեցին ԼՂՀ նախագահի աշխատակազմի գլխավոր տեղեկատվական վարչությունից, այցը սկսվել է Ստեփանակերտի զինվորական հոսպիտալից, որտեղ նախագահը «Արիության համար» մեդալով պարգևատրել է մարտի 4-ին մարտական գործողությունների ժամանակ վիրավորված և այստեղ ապաքինվող ՊԲ մայոր Խաչիկ Թավադյանին:

Այնուհետև ԼՂՀ զինված ուժերի գերագույն հրամանատարը  պարգևներ է հանձնել  5-րդ պաշտպանական շրջանի զորամասերից մեկում:

Երկրի ղեկավարը երախտագիտություն է հայտնել զինծառայողներին` նրանց ցուցաբերած խիզախության և արիության համար: Նախագահը նշել է, որ ԼՂՀ Պաշտպանության բանակի գործողությունները ևս մեկ անգամ ցույց տվեցին ԼՂՀ զինված ուժերի մարտունակության բարձր աստիճանը:

ԼՂՀ նախագահի խոսքով, այն հանգամանքը, որ պարգևատրվածների մեջ կան նաև երիտասարդ զինծառայողներ, վկայում է, որ մատաղ սերունդը դաստիարակվել է հայրենասիրության բարձր գաղափարներով և հետամուտ է հայրերի և ավագ եղբայրների հայրենանվեր գործին:

Բակո Սահակյանն ընդգծել է նաև, որ ԼՂՀ իշխանությունները շարունակելու են զինված ուժերի պատրաստվածությունը, տեխնիկական հագեցվածությունը բարձրացնելուն ուղղված քաղաքականությունը, ինչպես նաև ուշադրության կենտրոնում են պահելու Պաշտպանության բանակի անձնակազմի սոցիալական և կենցաղային պայմանների բարելավման հարցերը:


Պարգևատրման արարողությունից հետո երկրի ղեկավարն այցելել է Մարտակերտ շրջկենտրոն և աշխատանքային խորհրդակցություն անցկացրել  շրջվարչակազմի աշխատակիցների հետ:

Խորհրդակցության ընթացքում շրջվարչակազմի համապատասխան բաժինների ղեկավարները նախագահին զեկուցել են շրջանում տիրող իրավիճակի և կատարվող աշխատանքների ընթացքի մասին: Բակո Սահակյանը նշել է, որ օրինականության, արդարության սկզբունքերը հանդիսանում են ցանկացած նախաձեռնության հաջողության գրավականը: Նա կարևորել է նաև նման հանդիպումների պարբերական անցկացումը և շեշտել, որ հաճախակի է այցելելու տարբեր բնակավայրեր` տեղում ծանոթանալու և համպատասխան լուծումներ տալու առկա հիմնախնդիրներին:

Այցի ընթացքում ԼՂՀ նախագահին ուղեկցում էին պաշտպանության, մշակույթի և երիտասարդության հարցերի նախարարները, պաշտոնատար այլ անձինք: --0—

Loading...
Թեմատիկ նյութեր
Բաժնի այլ նյութեր
10:37
23 Մայիսի 2017
Հակառակորդը Դ-44 տիպի հրանոթ է կիրառել շփման գծում
Մայիսի 22-ին և լույս 23-ի գիշերը արցախա-ադրբեջանական հակամարտ զորքերի շփման գծում հակառակորդը տարբեր տրամաչափի հրաձգային զինատեսակներից շուրջ 100 անգամ խախտել է հրադադարի պահպանման ռեժիմը։
13:08
22 Մայիսի 2017
Շահումյան-Սոթք ավտոճանապարհը երկկողմանի փակ է լինելու
Արհեստական քարաթափման պատճառով երկկողմանի փակ է լինելու Շահումյան-Սոթք ավտոճանապարհը։
10:32
22 Մայիսի 2017
Հակառակորդը գիշերն արձակել է ավելի քան 750 կրակոց` կիրառելով նաև 60 մմ ականանետ
ՊԲ առաջապահ զորամասերը հիմնականում ձեռնպահ են մնացել պատասխան գործողություններից։
10:37
20 Մայիսի 2017
Արցախում 21–ամյա զինծառայող է զոհվել
Արցախում այսօր առավոտյան 21–ամյա զինծառայող է զոհվել։
18:17
19 Մայիսի 2017
Ադրբեջանի ԶՈՒ–ն կրակ է վարել իր իսկ դիրքերի ուղղությամբ (ՏԵՍԱՆՅՈՒԹ)
Ադրբեջանի զինուժն այսօր անցել է բանականության մեջ չտեղավորվող գործողության։
12:40
19 Մայիսի 2017
Հակառակորդը շփման գծում ականանետ և նռնականետ է կիրառել
Արցախա-ադրբեջանական հակամարտ զորքերի շփման գծում  հակառակորդը տարբեր տրամաչափի հրաձգային զինատեսակներից խախտել է  հրադադարի պահպանման ռեժիմը։
10:15
18 Մայիսի 2017
Հակառակորդը մոտ 60 անգամ խախտել է հրադադարի պահպանման ռեժիմը շփման գծում
ՊԲ առաջապահ զորամասերը ձեռնարկել են կանխարգելիչ միջոցառումներ։
16:06
17 Մայիսի 2017
ՊԲ–ի կանխարգելիչ գործողությունների արդյունքում հակառակորդը կրել է կորուստներ (ՏԵՍԱՆՅՈՒԹ)
ՊԲ մարտական հերթապահության մեջ գտնվող ստորաբաժանումները ձեռնարկել են կանխարգելիչ գործողություններ:
10:57
17 Մայիսի 2017
ՊԲ–ն հակառակորդի նախահարձակ ակտիվությունը ճնշելու համար դիմել է պատասխան գործողությունների
ՊԲ առաջապահ զորամասերը շարունակել են իրականացնել մարատական դիրքերի հուսալի պահպանություն:
14:50
16 Մայիսի 2017
Չճանաչված ժողովուրդ, մոռացված պատերազմ. Արցախն իտալացի լուսանկարչի օբյեկտիվում (ԼՈՒՍԱՆԿԱՐ)
Իտալացի լուսանկարիչ–վավերագիր Էմանուելե Ամիղեթին Արցախի այցի ընթացքում լուսանկարել է տեղի բնակիչների և առաջնագծի զինվորների կյանքը։
13:04
16 Մայիսի 2017
Դավիթ Բաբայան. Ժամանակն է, որ միջազգային հանրությունն ադեկվատ կերպով արձագանքի այսպիսի երևույթներին
Արցախի նախագահի մամուլի քարտուղար Դավիթ Բաբայանը մեկնաբանել է Ադրբեջանի երեկվա սադրանքը։

10:37
16 Մայիսի 2017
Հակառակորդը կիրառել է ականանետ և հաստոցավոր նռնականետ
Մայիսի 15-ին և լույս 16-ի գիշերը արցախա-ադրբեջանական հակամարտ զորքերի շփման գծում հակառակորդը տարբեր տրամաչափի հրաձգային զինատեսակներից խախտել է հրադադարի ռեժիմը։