482.36
-0.38
568.99
-1.66
8.19
-0.05
+1
Եղանակը Երևանում
Հայ
Ղարաբաղի վարչապետը ծանոթացել է Մարտակերտի սոցիալ-տնտեսական խնդիրներին
12:39
05 Հոկտեմբերի 2007

ԼՂՀ վարչապետ Արա Հարությունյանը նախօրեին այցելել է Մարտակերտ՝ տեղում ուսումնասիրելու և առաջնահերթորեն լուծում տալու այդ շրջկենտրոնում կուտակված սոցիալ-տնտեսական որոշ խնդիրների։

Ինչպես ուրբաթ «Նովոստի-Արմենիա» գործակալությանը տեղեկացրեին ԼՂՀ կառավարության մամուլի ծառայությունից, այցի ընթացքում վարչապետը հետաքրքվել է Մարտակերտ մտնող ջրագծի շուտափույթ գործարկման հարցով։

Ա. Հարությունյանը հանձնարարել է մեկ ամսվա ընթացքում ավարտել ջրագծի վերականգնման աշխատանքները և սկսել խմելու ջրի կանոնավոր մատակարարումը։

ԼՂՀ վարչապետը տեղում քննարկել է նաև Մարտակերտի շրջանային հիվանդանոցի վերակառուցման հեռանկարին վերաբերող խնդիրը, որի վերանորոգումը հանձն է առել «Հայաստան» համահայկական  հիմնադրամը։

Կառավարության ղեկավարի և նրան ուղեկցող անձանց հետ Մարտակերտ այցելած «Հայաստան» համահայկական հիմնադրամի փոխտնօրեն Արարատ Խլղաթյանի տեղեկությամբ՝ հիմնադրամն այս պահին նոր հիվանդանոցի շինարարության համար կարող է հատկացնել շուրջ 600 հազ. ԱՄՆ դոլար, սակայն դա բավարար չէ` օբյեկտի ամբողջական կառուցման և կահավորման համար։

«Կա նաև ԼՂՀ կառավարության ֆինանսական և կազմակերպչական օժանդակության անհրաժեշտությունը», - նշել է Խլղաթյանը։

Մարտակերտի շրջվարչակազմի շենքում կայացած խորհրդակցությունում այդ առթիվ վարչապետ Ա.Հարությունյանը հայտնել է, որ ԼՂՀ կառավարությունը պատրաստ է ֆինանսավորել հիվանդանոցի շինարարության մնացած մասը և իր վրա վերցնել օբյեկտի վերջնական նախագծման և կառուցման պատասխանատվությունը՝ կազմակերպչական քաշքշուկներից խուսափելու և շինարարությունը սեղմ ժամկետում ավարտելու համար։

«Ապագա հիվանդանոցը կունենա  ընդհանուր առմամբ 2800 քառ. մետր տարածք, միանգամից կսպասարկի 250 մարդու, զինված կլինի ժամանակակից բուժսարքավորումներով։ Նախատեսվել է շինարարությունն ավարտել երկու տարում», - տեղեկացրել է Ա. Հարությունյանը։

ԼՂՀ վարչապետը իրավասու պաշտոնյաներին հանձնարարել է սկսել նոր հիվանդանոցի կառուցման աշխատանքները՝ նկատի առնելով ամբողջ շինարարության հետ կապված համալիր միջոցառումները՝ վթարային շենքի քանդում, շինկազմակերպության հաստատում, նախագծում և այլն։

Ղարաբաղի վարչապետին ուղեկցում և աշխատանքային քննարկումներին մասնակցում էին գործադիր մարմնի պատասխանատուներ՝ ԼՂՀ առողջապահության նախարար Արմեն Խաչատրյանը, քաղաքաշինության նախարար Ալեքսանդր Մամունցը, ջրային տնտեսության պետական կոմիտեի նախագահ Արմեն Միքայելյանը, ԼՂՀ ԱԺ փոխնախագահ Ռուդիկ Հյուսնունցը։-0-

Loading...
Թեմատիկ նյութեր
Բաժնի այլ նյութեր
23:32
14 Դեկտեմբերի 2017
Հայաստանի նախագահը նշեց ղարաբաղյան բանակցությունների 2 հիմնական ուղղությունները
Հայաստանի նախագահ Սերժ Սարգսյանը ներկայացրեց այն երկու հիմնական ուղղությունները, որոնցով պետք է ընթանա ղարաբաղյան կարգավորման բանակցային գործընթացը:
17:20
08 Դեկտեմբերի 2017
Ղարաբաղյան հակամարտության կողմերի միջև երկխոսությունը դեռ չի հանգեցնում լուրջ առաջընթացի. Լավրով
Նրա խոսքով, սա հեշտ հարց չէ, սակայն նրանք կշարունակեն զբաղվել դրանով։
13:45
06 Դեկտեմբերի 2017
ԵԱՀԿ առաքելության դիտարկումն Արցախի և Ադրբեջանի սահմանում անցել է ըստ նախատեսված ժամանակացույցի
ԵԱՀԿ առաքելությունն Արցախի և Ադրբեջանի զինված ուժերի շփման գծի պլանային դիտարկում է անցկացրել Մարտունու շրջանի Կուրոպատկինո բնակավայրից դեպի հյուսիս:
12:18
05 Դեկտեմբերի 2017
ԵԱՀԿ–ն պլանային դիտարկում է անցկացվելու շփման գծում
ԵԱՀԿ առաքելությունը շփման գծի պլանային դիտարկում է անցկացնելու Մարտունու շրջանի Կուրոպատկինո բնակավայրից դեպի հյուսիս:
11:00
03 Դեկտեմբերի 2017
ՀՀ նախագահ. մենք կարողանում ենք և պաշտպանելու ենք մեր սահմանն ու հայրենիքը (ՖՈՏՈ)
ՀՀ նախագահն Արցախ կատարած այցի շրջանակում մասնակցել է զորավարժությունների։
21:05
01 Դեկտեմբերի 2017
ՀՀ նախագահն աշխատանքային այցով այցելել է Արցախ (ՖՈՏՈ)
ՀՀ նախագահն աշխատանքային այցով այսօր այցելել է Արցախ։
10:36
22 Նոյեմբերի 2017
Արցախում 3 զինվոր է զոհվել, ևս մեկը վիրավոր է
Արցախում 3 զինվոր է զոհվել, ևս մեկը վիրավոր է, նրա վիճակը ծանր է։
14:47
21 Նոյեմբերի 2017
ՀՀ ԱԳ նախարարը մեկնաբանել է դեկտեմբերին Սարգսյան–Ալիև հանդիպման հնարավորությունը
Նախարարը նշեց, որ ղարաբաղյան հակամարտության կարգավորման հիմնական սկզբունքների շուրջ քննարկումները վաղուց են ընթանում:
13:49
21 Նոյեմբերի 2017
ԵԱՀԿ ՄԽ–ի համանախագահների առաջարկների ամբողջական փաթեթը մնում է անփոփոխ. Լավրով
Նա դրական բնութագրեց Հայաստանի և Ադրբեջանի նախագահների գնահատականները Ժնևում կայացած վերջին հանդիպման մասին։
15:35
18 Նոյեմբերի 2017
Արցախի ՊՆ-ն ներկայացրել է օպերատիվ իրադրությունը սահմանագծում
Նոյեմբերի 12-ից 18-ն ընկած ժամանակահատվածում արցախա-ադրբեջանական հակամարտ զորքերի շփման գծում հարաբերական հանգիստ է:
12:38
16 Նոյեմբերի 2017
Բակո Սահակյանը կիսում է զինվորի առօրյան մարտական դիրքում (ՖՈՏՈ)
Արցախի նախագահ Բակո Սահակյանը կիսել է զինվորի առօրյան մարտական դիրքում` հանգիստ ծխելով շարքային զինվորների հետ։
13:04
08 Նոյեմբերի 2017
Ադրբեջանական կողմը ԵԱՀԿ առաքելությանը դուրս չի բերել առաջապահ դիրքեր
Դիտարկումն անցել է ըստ նախատեսված ժամանակացույցի, սակայն ադրբեջանական կողմը ԵԱՀԿ առաքելությանը դուրս չի բերել իր առաջապահ դիրքեր: