+22
Եղանակը Երևանում
Հայ
Ղարաբաղի նախագահը սահմանել է պետության նոր կառավարության գործունեության հիմական ուղղությունները
14:03
03 Հոկտեմբերի 2007

ՍՏԵՓԱՆԱԿԵՐՏ, 3 հոկտեմբերի. /Նովոստի-Արմենիա/. Լեռնային Ղարաբաղի Հանրապետության նախագահ Բակո Սահակյանը ներկայացրել է Ղարաբաղի նոր կառավարության գործունեության հիմնական ուղղությունները։

«Կառավարության ձևավորման ժամանակ մենք առաջին հերթին կարևորել ենք պաշտոնյաների  մասնագիտական և կազմակերպչական ունակությունները, անձնական ու բարոյական հատկանիշները», - ասել է Բ. Սահակյանը՝ ԼՂՀ նոր կառավարության առաջին նիստի ժամանակ։

Նրա խոսքերով, Ղարաբաղի նոր կառավարության անդամները պետք է գիտակցեն, որ իրենց վրա մեծ պատասխանատվություն է դրված:

«Անհրաժեշտ է մշակել նոր գործելաոճ, որի կենտրոնում կլինի շարքային քաղաքացին: Իշխանության բոլոր օղակներն առավելագույնս հասանելի պետք է լինեն ժողովրդի համար, հոգատար և հարգալից վերաբերմունք ցուցաբերեն նրա հոգսերի հանդեպ», - ասել է ԼՂՀ նախագահը։

Նրա խոսքերով, յուրաքանչյուր նախարար պարտավոր է հիշել, որ պաշտոնը արտոնություն չէ, այլ պատասխանատվություն:

«Կառավարության գործունեության հիմքում պետք է լինի օրենքի և արդարության գերակայությունը: Այս ամենն անհրաժեշտ է զուգակցել գործադիր իշխանության տարբեր օղակների միջև ակտիվ համագործակցության,  առկա ներուժի արդյունավետ օգտագործման հետ», - ընդգծել է Ղարաբաղի նախագահը։

Նա անթույլատրելի է համարել ռեսուրսների և միջոցների անխնա և աննպատակ օգտագործումը և կոչ է արել հրաժարվել պատասխանատվությունը վերին օղակների վրա գցելու պրակտիկայից:

Բ. Սահակյանի խոսքերով, կառավարության գործունեությունը պետք է ուղղված լինի Լեռնային Ղարաբաղի կենսական և հրատապ հիմնախնդիրների լուծմանը, որոնք արտացոլված են նախագահի նախընտրական ծրագրում։

«Ձեր աշխատանքի առաջնահերթ ուղղություններից պետք է լինեն առկա սոցիալական լարվածության թուլացումը, զոհված ազատամարտկների ընտանիքների սոցիալական և բնակարանային պայմանների բարելավումը, բնակչության սոցիալապես խոցելի մյուս խավերի հիմնախնդիրները», - ասել է Բ. Սահակյանը։

Նրա խոսքերով, Արցախի զարգացման կարևորագույն  խնդիրներից է ժողովրդագրական իրավիճակի բարելավումը երկրում։

Բ. Սահակյանը նշել է, որ այս նպատակով առանձնակի ուշադրություն կդարձվի երիտասարդ ընտանիքների նկատմամբ պետական  աջակցությանը և ծնելիության խթանմանը։

Նախագահը անհարաժեշտ է համարել նաև ԼՂՀ վերաբնակեցման ծրագրի վերանայումը։

«Լեռնային Ղարաբաղի տնտեսական առաջադիմությունն անհնար է առանց ենթակառուցվածքների համալիր զարգացման: Կենսական են բնակչության ջրամատակարարման, հանրապետության համընդհանուր գազիֆիկացման և զարգացած տրանսպորտային ցանցի ձևավորման հարցերը: Կարևոր եմ համարում նաև փոքր և միջին  ձեռնարկատիրության  զարգացումը, ինչի նպատակով հնարավորինս պետք է թեթևացնել հարկային  բեռը, վերացնել բյուրոկրատական քաշքշուկները», - ասել է Բ. Սահակյանը։

Նրա խոսքերով, այս ամենը նոր թափ կհաղորդի տնտեսական աճին և օրինական դաշտ կուղղորդի ստվերային հատվածում գտնվող միջոցները:

«Տնտեսական զարգացման կարևոր ոլորտներն են նաև գյուղատնտեսությունը, վերամշակող արտադրությունը, լեռնահանքային արդյունաբերությունը, հիդրոէներգետիկ բնագավառը: Անհրաժեշտ է նաև ամուր հիմք ստեղծել ժամանակակից տեխնոլոգիաների ներդրման ու զարգացման համար», - կարծում է նախագահը։

Նրա խոսքերով, անհրաժեշտ է նոր բովանդակություն հաղորդել կրթության և գիտության զարգացմանը, մատաղ սերնդի ճիշտ դաստիարակությանն ու մշակութային քաղաքականությանը:

Նախագահն ավելացրել է, որ կառավարության մշտական ուշադրության կենտրոնում են լինելու ԼՂՀ պաշտպանունակության ամրապնդման, զինված ուժերի մարտունակության և նյութատեխնիկական հագեցվածության բարձրացման, զինծառայողների սոցիալական պայմանների բարելավման խնդիրները:

Նա նաև ավելացրել է, որ կառավարությունը մեծ ուշադրություն պետք է դարձնի նաև  Սփյուռքի հետ կապերի համակողմանի ընդլայնմանն ու զարգացմանը։

«Արցախ-Սփյուռք, Արցախ-Հայաստան փոխհարաբերություններն անհրաժեշտ է կառուցել թափանցիկության և ազնվության սկզբունքների հիման վրա: Այս ամենը նոր լիցք կհաղորդի մեր համագործակցությանը և կնպաստի համազգային իղձերի կյանքի կոչմանը», - ասել է ԼՂՀ նախագահը։-0-

Loading...
Թեմատիկ նյութեր
Բաժնի այլ նյութեր
20:48
22 Սեպտեմբերի 2017
Թուրքիայից Արցախ են ժամանել մի խումբ մտավորականներ. նրանց ընդունել է ԱԳ նախարարը
Թուրքիայից Արցախ ժամանած մտավորականներին ընդունել է ԱՀ արտաքին գործերի նախարար Կարեն Միրզոյանը։
10:52
20 Սեպտեմբերի 2017
Ադրբեջանը չունի իրավական և բարոյական որևէ հիմք Արցախի հանդեպ հավակնություն ներկայացնելու համար. ՀՀ նախագահ
Ադրբեջանը չունի իրավական և բարոյական որևէ հիմք Արցախի հանդեպ հավակնություն ներկայացնելու համար, հայտարարել է ՀՀ նախագահ Սերժ Սարգսյանը։
15:11
19 Սեպտեմբերի 2017
Վարչապետ. Հայաստանն ամեն վայրկյան պատրաստ է պատասխանել Արցախի նկատմամբ ցանկացած ոտնձգությանը
Հայաստանն ամեն վայրկյան պատրաստ է պատասխանել Արցախի նկատմամբ ցանկացած ոտնձգությանը:
18:15
18 Սեպտեմբերի 2017
Արցախի շփման գիծը հարկավոր է ամրապնդել. Վիգեն Սարգսյան
Հարկավոր է շարունակել Արցախի առաջնագծի ամրապնդումը, հայտարարեց ՀՀ պաշտպանության նախարար Վիգեն Սարգսյանը Հայաստան–Սփյուռք 6–րդ համաժողովի շրջանակում։
16:23
18 Սեպտեմբերի 2017
Բաքվի հայատյացության քաղաքականության հետևանքները ժամանակի հետ դառնում են վտանգավոր. ԼՂՀ օմբուդսմեն
Բաքվի հայատյացության քաղաքականության հետևանքները ժամանակի հետ դառնում են ավելի վտանգավոր, հայտարարեց Արցախի մարդու իրավունքների պաշտպան Ռուբեն Մելիքյանը:
14:19
18 Սեպտեմբերի 2017
Ի տարբերություն Ադրբեջանի, Արցախի կարծիքով, ղարաբաղյան հակամարտության խաղաղ կարգավորումն այլընտրանք չունի
Ի տարբերություն Ադրբեջանի, Արցախի կարծիքով, ղարաբաղյան հակամարտության խաղաղ կարգավորմանը այլընտրանք չունի:
12:07
18 Սեպտեմբերի 2017
Սարգսյան. Հայաստանի և Արցախի զինված ուժերն անկայուն տարածաշրջանում անվտանգության և խաղաղության երաշխավորներն են
Հայաստանի և Արցախի զինված ուժերն են այսօր այս անկայուն տարածաշրջանում անվտանգության և խաղաղության երաշխավորը, հայտարարել է ՀՀ նախագահ Սերժ Սարգսյանը։
11:32
18 Սեպտեմբերի 2017
Արցախի բնակչությունն ունի սեփական երկրում ազատ, անկախ և անվտանգ ապրելու բնական իրավունք. ՀՀ նախագահ
Արցախի բնակչությունն ունի սեփական երկրում ազատ, անկախ և անվտանգ ապրելու բնական իրավունք, հայտարարել է ՀՀ նախագահ Սերժ Սարգսյանը` ելույթ ունենալով Հայաստան–Սփյուռք 6–րդ համաժողովի շրջանակում։
13:17
15 Սեպտեմբերի 2017
Ադրբեջանական ԶԼՄ–ները հերթական ապատեղեկատվություն են տարածել. Արցախի ՊՆ
Արցախի Հանրապետության պաշտպանության նախարարությունն ապատեղեկատվություն է անվանել ադրբեջանական ԶԼՄ—ներում տարածված տեղեկությունները հայ զինվորների մահվան մասին։
10:43
11 Սեպտեմբերի 2017
ԵԱՀԿ–ն դիտարկում կանցկացնի Հադրութում
Դիտարկումը կանցկացվի Հադրութի շրջանի արևելյան ուղղությամբ:
17:18
07 Սեպտեմբերի 2017
Արցախի նախագահն ընդունել է կառավարության հրաժարականը
Սեպտեմբերի 7-ին Ազգային ժողովի հատուկ նիստում տեղի է ունեցել Արցախի Հանրապետության նախագահի երդման հանդիսավոր արարողությունը։  
14:16
07 Սեպտեմբերի 2017
Արցախի նախագահ Բակո Սահակյանը ստանձնեց պաշտոնը
Բակո Սահակյանը երդում է տվել Սահմանադրությամբ սահմանված կարգով ևստանձնել երկրի ղեկավարի պաշտոնը: