478.82
+0.2
557.59
+7.08
8.14
+0.04
+29
Եղանակը Երևանում
Հայ
ԼՂՀ-ում անցկացված նախագահական ընտրությունները հաստատել են պատմական հայրենիքում ազատ և անկախ ապրելու Արցախի ժողովրդի միասնական կամքը. Բակո Սահակյան
19:42
07 Սեպտեմբերի 2007

ԼՂՀ-ում անցկացված նախագահական ընտրությունները հաստատել են պատմական հայրենիքում ազատ և անկախ ապրելու Արցախի ժողովրդի միասնական կամքը։ Ինչպես Ստեփանակերտից հաղորդեց «Նովոստի-Արմենիա» գործակալության թղթակիցը, այս մասին ասաց ԼՂՀ նորընտիր նախագահ Բակո Սահակյանը երդման արարողության ժամանակ։

ԼՂՀ նախագահի բարձր և պատասխանատու պաշտոնը ստանձնելու կապակցությամբ նա բնակչությանը շնորհակալություն հայտնեց 2007-ի հուլիսի 19-ի նախագահական ընտրությունների ակտիվորեն մասնակցելու, իսկ իր ընտրողներին՝ վստահության համար։

Նա բարձր գնահատեց նաև այն քաղաքացիների դիրքորոշումը, որոնք իրենց ձայներն այլ թեկնածուների են տվել, որոնք ևս մտահոգված են երկրի զարգացման և առաջընթացի հարցերով։

«Անցած ընտրությունները հաստատեցին իրենց պատմական հայրենիքում ազատ և անկախ ապրելու Արցախի ժողովրդի միասնական կամքը։ Միևնույն ժամանակ դրսևորվեց լայն հասարակական-քաղաքական շրջանակների վճռական դերը բարձրագույն պետական իշխանության ձևավորման գործընթացի վրա»,-ասաց Սահակյանը։

Նա նշեց, որ որ գալիք հինգ տարիների ընթացքում «կշարունակի բարեկեցիկ և ազատ երկրի շինարարությունը, այդ նպատակի շուրջ համախմբելով ղարաբաղյան հասարակության բոլոր շերտերը»։

Նախագահը նաև  իր երախտագիտությունը հայտնեց այլ երկրների կառավարական և ոչ կառավարական կառույցներին, միջազգային կազմակերպություններին, զանգվածային լրատվամիջոցներին, որոնք հուլիսի 19-ի ընտրությունների ժամանակ իրականացրել են դիտորդական առաքելություն։

«Դիտորդների գնահատականներ, անշուշտ, զգալիորեն կնպաստեն մեր հանրապետության, որպես կայացած և միջազգային հանրության ճանաչմանը արժանի պետության վարկանիշի բարձրացմանը։ Մենք բարձր ենք գնահատում նաև ներկայացված դիտողությունները և առաջարկները, որոնք նկատի կառնվեն երկրի ժողովրդավարական համակարգի կատարելագործման ճանապարհին մեր հետագա քայլերը մշակելիս»,-ասաց Սահակյանը։

Նրա խոսքերով, միջազգային դիտորդների գնահատականները, թույլ են տալիս արձանագրել նաև, որ անկախ պետականության տարիներին ստեղծված հիմքերն բավականին ամուր են։

Այդ կապակցությամբ Սահակյանը երախտագիտթյուն է հայտնել ԼՂՀ առաջին և Հայաստանի Հանրապետության ներկայիս նախագահ Ռոբերտ Քոչարյանին, ԼՂՀ-ն որպես անկախ պետության հռչակման, հանրապետության դեմ ուղղված ռազմական ագրեսիայից արդյունավետորեն պաշտպանվելու, առաջին հետպատերազմական տարիներին պետական ինստիտուտների կայացման, տնտեսության և ենթակառույցների վերականգնման, ղարաբաղյան հիմնահարցի արդար կարգավորման գործում ունեցած ներդրման համար։

«Վերջին շրջանի ձեռքբերումները թույլ են տալիս ինձ մեր ժողովրդի անունից շնորհակալություն հայտնել Լեռնային-Ղարաբաղի Հանրապետության երկրորդ նախագահ Արկադի Ղուկասյանին, որի անմիջական ղեկավարության ներքո մեր երկիրը վերջին 10 տարիների ընթացքում զգալի առաջընթացի է հասել սոցիալ-տնտեսական բարեփոխումների, հասարակական-քաղաքական կյանքի ժողովրդավարացման և, վերջապես, ընդունել է իր հիմնական օրենքը՝ ԼՂՀ Սահմանադրությունը»,-ասաց Սահակյանը։

Նա հույս հայտնեց, Ղուկասյանի հարուստ փորձը և ընդունակությունները, նրա պետական, քաղաքական և ազգային գործչի մեծ հեղինակությունը հետագայում ևս կծառայեն հայրենիքին։

Ավարտելով ելույթը՝ ԼՂՀ նորընտիր նախագահը շնորհակալություն հայտնեց նրանց, ովքեր իրեն շնորհավորագրեր էին ուղարկել նախագահ դառնալու կապակցությամբ։

«Հավատացնում եմ, որ բոլոր ուժերս, գիտելիքներս և փորձս անմնացորդ կտրամադրեմ ազգին ծառայելուն»,-ասաց Սահակյանը։

ԼՂՀ-ում ուրբաթ տեղի  ունեցավ Լեռնային-ղարաբաղի Հանրապետության նորընտիր նախագահ Բակո Սահակյանի երդման արարողությունը։

Արարողությանը մասնակցում է Հայաստանից ժամանած պատվիրակությունը՝ նախագահ Ռոբերտ Քոչարյանի գլխավորությամբ։ Հայաստանյան պատվիրակության կազմում են ԱԳ  նախարար Վարդան Օսկանյանը, Պնախարար Միքայել Հարությունյանը, ԱԺ պատգամավորներ Արմեն Ռուստամյանը և Հրանուշ Հակոբյանը, Երևանի քաղաքապետ Երվանդ Զախարյանը։

Երդման արարողությանը մասնակցում են նաև Աբխազիայի և Հարավային Օսեթիայի ներկայացուցիչները։

Հանդիսավոր արարողության կապակցությամբ ուրբաթ երեկոյան Ստեփանակերտի Վերածննդի հրապարակում տեղի կունենա համերգ հայկական էստրադայի աստղերի մասնակցությամբ։

Լեռնային Ղարաբաղում հուլիսի 19-ին տեղի ունեցած նախագահական ընտրություններին հաղթանակ տարավ ԼՂՀ Ազգային անվտանգության ծառայության  նախկին պետ Բակո Սահակյանը։ Հանրապետության ԿԸՀ-ի տվյալներով՝ նրա թեկնածության օգտին քվեարկել է ԼՂՀ 92 հազ. 114 քաղաքացիներից 59 հազ. 326-ը կամ 85,12 տոկոսը։ Նրա հիմնական մրցակիցը Մասիս Մայլյանն էր, որը հավաքել է ձայների 12,53 տոկոսը։

Նախագահական ընտրություններին հետևում էին տարբերի երկրների ավելի քան հարյուր միջազգային դիտորդ, մասնավորապես Հայաստանից, Ռուսաստանից, Ուկրաինայից, ԱՄՆ-ից, Ֆրանսիայից, Իտալիայից, Բելգիայից, Մակեդոնիայից, Սերբիայից, Չեխիայից, ինչպես նաև Աբխազիայից, Հարավային Օսեթիայից և Մերձդնեստրյան Մոլդովական Հանրապետությունից։ --0--

Loading...
Թեմատիկ նյութեր
Բաժնի այլ նյութեր
15:14
19 Հուլիսի 2017
Բակո Սահակյանն ընտրվեց Արցախի նախագահ
Արցախի Ազգային ժողովը հատուկ նիստում 28 կողմ ձայնով Բակո Սահակյանին ընտրել է հանրապետության նախագահի պաշտոնում:
21:05
18 Հուլիսի 2017
Ադրբեջանի կողմից օբյեկտիվ իրականության ժխտումը հակամարտության կարգավորման հիմնական խոչընդոտներից է. ԱՀ ԱԳՆ
Հուլիսի 19-ին կայանալիք Արցախի Հանրապետության նախագահի ընտրությունները բուռն արձագանք են ստացել Ադրբեջանում։
15:44
18 Հուլիսի 2017
Արցախի խորհրդարանը պատրաստվում է նախագահ ընտրել
Արցախի խորհրդարանը պատրաստվում է հատուկ նիստում երկրի նախագահ ընտրել։
10:40
17 Հուլիսի 2017
Հայաստանը կկիրառի «Իսկանդերներն» անհրաժեշտության պարագայում. ՀՀ նախագահ
Հայաստանը կկիրառի «Իսկանդերներն» անհրաժեշտության պարագայում, հայտարարել է ՀՀ նախագահ Սերժ Սարգսյանը։
13:39
15 Հուլիսի 2017
Հակառակորդը շփման գծում կիրառել է ականանետեր և հաստոցավոր ավտոմատ նռնականետեր
Ադրբեջանական կողմը չի դադարում խախտել հրադադարի պահպանման ռեժիմը:
14:58
14 Հուլիսի 2017
ԵՄ պետությունները պետք է սկսեն Արցախի ճանաչման գործընթացը. չեխ պատգամավոր
Եվրոպական Միության երկրները պետք է սկսեն Արցախի Հանրապետության անկախության ճանաչման գործընթացը:
13:48
13 Հուլիսի 2017
Ւնտերպոլը մերժել է Ադրբեջանին չեխ եվրապատգամավորի նկատմամբ միջազգային հետախուզում հայտարարելու հարցում
Ինտերպոլը մերժել է Ադրբեջանին և միջազգային հետախուզում չի հայտարարել չեխ եվրապատգամավորի նկատմամբ Ղարաբաղ այցելելու համար։
12:58
13 Հուլիսի 2017
Արցախում հուլիսի 19-ին նախագահ են ընտրելու, թեկնածուները երկուսն են
Արցախի նախագահի ընտրությունները տեղի կունենան հուլիսի 19-ին:
18:49
12 Հուլիսի 2017
ԱՀ ՊՆ–ն հերքում է Ադրբեջանի տարածած հերթական ապատեղեկատվությունը
Սենոր Հասրաթյանը հերքում է Ադրբեջանի տարածած հերթական ապատեղեկատվությունը։
10:49
12 Հուլիսի 2017
Ի՞նչ են առաջարկել ԵԱՀԿ ՄԽ համանախագահներն Հայաստանի և Ադրբեջանի արտգործնախարարներին
Պայմանավորվածություն է ձեռք բերվել արտգործանախարարների հաջորդ հանդիպումն անցկացնել այս տարվա սեպտեմբերին Նյու Յորքում՝
17:57
11 Հուլիսի 2017
Նալբանդյանն ու Լավրովը ԼՂ հակամարտությանն առնչվող հարցեր են քննարկել
Զրուցակիցները նաև մտքեր են փոխանակել միջազգային և տարածաշրջանային հրատապ խնդիրների շուրջ։
22:27
10 Հուլիսի 2017
20–ամյա զինծառայող է զոհվել հակառակորդի արձակած կրակոցից
Հակառակորդի արձակաց կրակոցից ՊԲ 20–ամյա զինծառայող է մահացել։