ԵՐԵՎԱՆ, 31 մայիսի. /Նովոստի–Արմենիա/. ԵԱՀԿ Մինսկի խմբի համանախագահներ Իգոր Պոպովը (ՌԴ), Ստեֆան Վիսկոնտին (Ֆրանսիա) և Էնդրյու Շոֆերը (ԱՄՆ), ինչպես նաև ԵԱՀԿ գործող նախագահի անձնական ներկայացացուցիչ Անջեյ Կասպրշիկը մայիսի 27–30–ի տարածաշրջանային այցի արդյունքներով հանդես են եկել հայտարարությամբ։
«Համանախագահները հանդիպել են վարչապետ Նիկոլ Փաշինյանի հետ մայիսի 27–ին Երևանում և նախագահ Իլհամ Ալիևի հետ մայիսի 30–ին Բաքվում։ Երկու մայրաքաղաքներում նրանք խորհրդատվություններ են անցկացրել արտաքին գործերի նախարարների և պաշտպանության նախարարների հետ։ Մայիսի 28–ին համանախագահները հանդիպել են դե ֆակտո իշխանությունների հետ Լեռնային Ղարաբաղում։ Բաքվում համանախագահները հանդիպել են Լեռնային Ղարաբաղի ադրբեջանական համայնքի նախագահի հետ։ Գտնվելով Լեռնային Ղարաբաղում` միջնորդներն իրազեկվել են մարդասիրական հարցերի վերաբերյալ Կարմիր խաչի միջազգային կոմիտեի տեղական ներկայացուցչի կողմից»,– նշվում է ԵԱՀԿ
կայքում հրապարակված հայտարարությունում։
Փաստաթղթի համաձայն, այցի հիմնական նպատակը շփման գծում և միջազգային սահմանում իրավիճակի զարգացման գնահատականն էր, ինչպես նաև Ադրբեջանի նախագահի և Հայաստանի վարչապետի` մարտի 29–ին Վիեննայում, ինչպես նաև ապրիլի 15–ին Մոսկվայում երկու երկրների արտաքին գործերի նախարարների ընդունված որոշումներին հետևելը։
Загружается новость ... "Лево"
Համանախագահներն առաջարկներ են ներկայացրել կարգավորման ընթացքի հետագա կոնկրետ քայլերի, այդ թվում` մարդասիրական քայլերի և անվտանգության քայլերի վերաբերյալ։ Հայաստանի և ԱԳՆ ղեկավարներն ընդունել են համանախագահների առաջարկն առաջիկայում հանդիպել իրենց հովանու ներքո, և մանրամասներ կհայտնեն համապատասխան ժամկետներում։
«Համանախագահները խորը մտահոգություն են հայտնել վերջին զոհերի կապակցությամբ և կոչ են արել կողմերին առավելագույն զսպվածություն դրսևորել` էսկալացիայից խուսափելու համար»,– նշվում է հայտարարության մեջ։ -0-
