Հակառակորդի դիվերսիայի հետևանքով ադրբեջանական կողմի կորուստները հասնում են 7–ի. ՊՆ

ԵՐԵՎԱՆ, 29 դեկտեմբերի. /Նովոստի–Արմենիա/. Այս պահին իրավիճակը հայ–ադրբեջանական սահմանում հանգիստ է, հայտնում է հայկական պաշտպանական գերատեսչության մամուլի քարտուղար Արծրուն Հովհաննիսյանը։

Ինչպես ավելի վաղ հայտնել էր Հայաստանի պաշտպանության նախարարությունը, դեկտեմբերի 29-ի վաղ առավոտյան ՀՀ Տավուշի մարզի՝ Չինարի գյուղից դեպի հարավ-արևելք ընկած պետական սահմանի հատվածում, ադրբեջանական զորքերը ձեռնարկել են դիվերսիոն ներթափանցման փորձ: ՀՀ զինված ուժերի ստորաբաժանումները չեզոքացրել են ադրբեջանական զորքերի նախահարձակ գործողությունները, հակառակորդը հետ է շպրտվել։

ՀՀ ԱԳՆ-ն իրականացնում է բոլոր անհրաժեշտ քայլերը` կապված Ադրբեջանի դիվերսիայի հետ>>
 
«Հակառակորդը կրել է մինչև 7 զինծառայողի կորուստ։ ՀՀ ԶՈւ երի կողմից իրականցվում են որոնողական-մաքրման աշխատանքներ։ ՀՀ ԶՈւ երում վիրավորներ չկան»,– գրել է Հովհաննիսյանը Facebook–ի իր էջում։

Նա միաժամանակ կոչ արեց չտարածել մարտական դիրքերի կորուստների մասին։

Պետական սահմանի պաշտպանական մարտերի ընթացքում զոհվել է երեք հայ զինծառայող։ -0-