ՍՏԵՓԱՆԱԿԵՐՏ, 26 մայիսի. /Նովոստի-Արմենիա/. Ուրբաթ ժամը 11:45-ի սահմաններում, ՊԲ զորամասերից մեկում պայմանագրային զինծառայող է զոհվել, հայտնում է Արցախի պաշտպանության նախարարության մամուլի ծառայությունը։
21–ամյա պայմանագրային զինծառայող Արմեն Ռաֆիկի Հարությունյանը մահացու վիրավորում է ստացել հակառակորդի կողմից արձակված կրակոցից ՊԲ հյուսիսային ուղղությամբ տեղակայված զորամասերից մեկի պահպանության տեղամասում։
«Արցախի Հանրապետության պաշտպանության նախարարությունը կիսում է կորստյան ծանր վիշտը և իր զորակցությունը հայտնում զոհված զինծառայողի ընտանիքի անդամներին, հարազատներին և ծառայակիցներին»,- ասված է հաղորդագրության մեջ:
Դեպքի մանրամասները պարզելու համար կատարվում է քննություն: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում