Արցախում քաղաքական իրավիճակը լարվում է. Սամվել Բաբայանը զրկված է Արցախի քաղաքացիությունից

ԵՐԵՎԱՆ, 26 փետրվարի. /Նովոստի–Արմենիա/. Արցախում 2020թ. կայանալիք նախագահական ընտրություններին ընդառաջ քաղաքական իրավիճակը գնալով լարվում է, գրում է «Ժողովուրդ» թերթը։

Նախագահի պաշտոնում առաջադրվելու ցանկություն է հայտնել Արցախի պաշտպանության նախկին նախարար, Արցախի հերոս Սամվել Բաբայանը, բայց նախօրեին պարզել է, որ զրկված է Արցախի քաղաքացիությունից, ընդ որում՝ դեռ 13 տարի առաջ՝ 2006 թվականին, նախկին նախագահ Արկադի Ղուկասյանի օրոք:


Պարբերականը փորձել է մեկնաբանություններ ստանալ Ղուկասյանից, չի ցանկցաել որևէ հարցի պատասխանել: «Դա ինձ չի հետաքրքրում: Ես ո՛չ որևէ կապ ունեմ, ո՛չ որևէ գաղափար ունեմ»,- նշել է Ղուկասյանը:

Իսկ Բաբայանն այս թեմայով արտահայտել է իր կարծիքը։ «Ես փորձում եմ այդ հարցը լուծել նորմալ, օրենքի շրջանակում: Եթե շարունակեն պնդել իրենց դիրքորոշումը, իհարկե, քաղաքական կհամարենք: Մենք գրավոր դիմել ենք, որ պարզաբանեն, թե ինչ հիմքով են նման քայլի գնացել: Կպարզաբանեն, կհասկանանք` քաղաքական է, թե քաղաքական չէ», – ասել է Բաբայանը։ -0-