ԵՐԵՎԱՆ, 13 փետրվարի./Նովոստի–Արմենիա/. Ադրբեջանի նախագահ Իլհամ Ալիևը կարծում է, որ Լեռնային Ղարաբաղն Ադրբեջանի անբաժան մասն է, և հակամարտության կարգավորումը հնարավոր է միայն այդ երկրի տարածքային ամբողջականության շրջանակում։
«Ադրբեջանը երբեք չի հաշտվի հողերի օկուպացիայի հետ»,– հայտարարել է նա Real TV հեռուստաալիքին, հայտնում է
«Интерфакс-Азербайджан»–ը։
Ալիևի խոսքով, այսօր Ադրբեջանն առավելություն ունի ինչպես բանակցային սեղանի շուրջ, այնպես էլ մարտի դաշտում։
Նա հայտարարել է, որ վերջին տարիներին հակամարտության կարգավորման
ամուր իրավական բազա է ստեղծվել, և միջազգային հեղինակավոր կազմակերպությունների մեծամասնությունը կողմ է ադրբեջանական դիրքորոշմանը, ինչն արտացոլվել է նրանց ընդունած որոշումներում և բանաձևերում։
Ալիևն ընդգծել է, որ, ստեղծելով տնտեսական ներուժ, Ադրբեջանը ստեղծել է ռազմական հզոր ներուժ։ «Եվ այսօր ադրբեջանական բանակն աշխարհի ու–եղագույն բանակներից է»,– ավելացրել է նա։
Загружается новость ...
"Право"
Ադրբեջանի նախագահը նշել է, որ ներկայում աշխարհում ուժի գործոնն է գերակշռող, «ով ուժ ունի, նա էլ իրավացի է»։
Նախօրեին Հայաստանի վարչապետ Նիկոլ Փաշինյանը, ներկայացնելով կառավարության ծրագիրը, ասել է, որ եթե Ադրբեջանը պատրաստում է ժողովրդին պատերազմի, ապա Հայաստանի պատասխանը համապատասխան պետք է լինի։
«Հույս ունենք, որ մեր հարևանը կհրաժարվի այդ վարքագծից։ Ցավոք, Ադրբեջանում մեծ է ռազմական ճանապարհով հարցը լուծելու շեշտադրումը։ Կարծում ենք, որ կարգավորման համար պետք է խաղաղության մթնոլորտ հաստատվի։ Դա տեղի չի ունենում, նախևառաջ, Ադրբեջանի ագրեսիվ հռետորության պատճառով»,– ասել է նա։ -0-