Պուտին. պետք է ինչ–որ ժամանակ ավարտել ղարաբաղյան հակամարտությունը

ԵՐԵՎԱՆ, 31 հոկտեմբերի./Նովոստի–Արմենիա/. Պետք է ինչ–որ ժամանակ ավարտել ղարաբաղյան հակամարտությունը, հայտարարեց ՌԴ նախագահ Վլադիմիր Պուտինը ՀՀ վարչապետ Նիկոլ Փաշինյանի հետ հանդիպման ժամանակ։

«Գիտեմ այդ հարցի շուրջ ՀՀ վարչապետի կամքը», – մեջբերում է Պուտինի խոսքերը ՌԻԱ Նովոստին։

Նրա խոսքով, ամենագլխավորը Ղարաբաղում խաղաղության և կայունության, տրանսպորտային ենթակառուցվածքի ապաշրջափակման ապահովումն է։

Նշենք, որ այսօր նախատեսված է ՀՀ վարչապետի, ՌԴ նախագահի և Ադրբեջանի նախագահի եռակողմ գագաթնաժողովը, որի ընթացքում պետության առաջնորդները կքննարկեն Ղարաբաղում իրավիճակի կարգավորումը։ Գագաթնաժողովի շրջանակում կողմերը կարող են ընդունել փաստաթուղթ, որը կդառնա ապագա խաղաղության պայմանագրի հիմքը։

Բացառված չէ, որ կողմերը կանդրադառնան նաև ռուս խաղաղապահների մանդատը 10–20 տարով երկարաձգելու հարցին։ ՌԴ նախագահի մամուլի քարտուղար Դմիտրի Պեսկովը, խոսելով այդ փաստաթղթի ստորագրման հեռանկարի մասին, առաջարկեց սպասել բանակցություններին ու առաջ չընկնել։–0–