Մուրադովը պարզաբանել է` 5 տարի հետո կերկարաձգվի՞ ռուսական խաղաղապահ զորակազմի առաքելությունն Արցախում

ԵՐԵՎԱՆ, 10 սեպտեմբերի./Նովոստի–Արմենիա/. Արցախում ռուսական խաղաղապահ զորքերի նախկին հրամանատար, գեներալ–լեյտենանտ Ռուստամ Մուրադովը նշել է, որ ռուս խաղաղապները գտնվելու են Լեռնային Ղարաբաղի տարածքում 5 տարի, հաղորդում է ՏԱՍՍ–ը։

«Առաջին հինգ տարին` երեք պետությունների ղեկավարների կողմից ստորագրված համաձայնագրով։ Հետագայում որոշում է ընդունվելու ռուսական խաղաղապահ զորակազմի (տեղակայումը) երկարաձգման մասին», – ասել է Մուրադովը։

Նա նաև դրական է գնահատել այդ տարածաշրջանում ռուս խաղաղապահների աշխատանքը։

«Միայն դրական եմ գնահատում։ Մեզ գնահատական է տալիս խաղաղ բնակչությունը, այսօր Ղարաբաղում լիարժեք կյանք է։ Կան, իհարկե, շատ բարդ հարցեր, բայց գործընթացն ընթացքի մեջ է` մարդկանց վերադարձ, մի շարք խնդրահարույց հարցերի լուծում։ Այդ պատճառով կարծում եմ, որ ամեն ինչ նորմալ կլինի», – ասել է Մուրադովը։

Ռուսաստանի հերոս Ռուստամ Մուրադովը սեպտեմբերի 6–ին ավարտել է իր հրամանատարական առաքելությունը Լեռնային Ղարաբաղում։ Տարածաշրջանում Ռուսաստանի խաղաղապահ առաքելության հրամանատար է նշանակվել գեներալ–մայոր Միխայիլ Կոսոբոկովը։–0–