ԱԳ նախարարը մեկնաբանել է ԵԱՀԿ ՄԽ–ի կողմից առաջ քաշվող 3 սկզբունքներն և 6 տարրերը (ՎԻԴԵՈ)
20:16
12 Մարտի 2019
ԵՐԵՎԱՆ, 12 մարտի./Նովոստի–Արմենիա/. ՀՀ ԱԳ նախարար Զոհրաբ Մնացականյանն այսօր Ստեփանակերտում Հայաստանի և Արցախի Անվտանգության խորհուրդների համատեղ նիստի ավարտից հետո լրագրողների հետ զրույցում խոսել է ԵԱՀԿ ՄԽ–ի կողմից առաջ քաշվող 3 սկզբունքների և 6 տարրերի մասին։
Վկայակոչելով ՄԽ ձևաչափում կարգավորման գործընթացի էության վերաբերյալ վերջերս արված որոշ հակասական հայտարարությունները` համանախագահները հաստատում են, որ արդար և կայուն կարգավորումը պետք է հիմնված լինի Հելսինկյան եզրափակիչ ակտի հիմնական սկզբունքների վրա, մասնավորապես` ուժի կամ ուժի սպառնալիքի չկիրառում, տարածքային ամբողջականություն և ժողովուրդների ինքնորոշման իրավունք։
«Ակտում պետք է ներառվեն նաև լրացուցիչ տարրեր, որոնք առաջարկվել են համանախագահ երկրների նախագահների կողմից 2009–2012թթ.–ին, այդ թվում` Լեռնային Ղարաբաղի շուրջ տարածքների վերադարձ Ադրբեջանի վերահսկողության տակ, Լեռնային Ղարաբաղի ժամանակավոր կարգավիճակ, որն ապահովում է անվտանգության և ինքնակառավարման երաշխիքներ, Լեռնային Ղարաբաղը Հայաստանին կապող միջանցք», – նշվում է հայտարարության մեջ։
Загружается новость ... "Лево"
Հայտարարության մեջ նաև նշվում է, որ Լեռնային Ղարաբաղի իրավական կարգավիճակի ապագա սահմանումը հնարավոր է ժողովրդի` իրավաբանորեն պարտադիր կամարտահայտության միջոցով։ Ամրագրված է նաև բոլոր ներքին տեղահանված և փախստականների իրավունքը` վերադառնալու իրենց բնակության նախկին վայրը, ինչպես նաև անվտանգության միջազգային երաշխիքները, որոնք կներառեն խաղաղարար գործողություններ։
Ավելի ուշ ՀՀ ԱԳՆ–ն մեկնաբանեց համանախագահների հայտարարությունը։ ԱԳՆ–ից հայտարարեցին, որ Հայաստանը մշտապես բարձրաձայնել է իր հանձնառությունը և սատարել է ԵԱՀԿ Մինսկի խմբի համանախագահության հովանու ներքո հիմնախնդրի բացառապես խաղաղ կարգավորմանը, որում մեր առաջնահերթություններն են Արցախի անվտանգությունն ու կարգավիճակը:
«Ներողություն դուք առաջին անգա՞մ եք կարդում դա, մի քիչ ավելի պրոֆեսիոնալ մոտեցեք։ Նրանք կրկնել են այն, ինչ դուք շուտվանից գիտեք։ Մենք ունենք մեր գերակայությունները, որոնք վերաբերում են Արցախի անվտանգությանը և Արցախի կարգավիճակին», – նշել է նախարարը լրագրողներից մեկին։
Մնացականյանի խոսքով, Հայաստանը եղել և մնում է Արցախի անվտանգության հիմնական երաշխավորը, շարունակելու է կատարել իր պարտականություններն ու աշխատել խաղաղության համար, հաղորդում է Factor.am–ը։
Բանակցային գործընթացում Արցախի ներգրավման անհրաժեշտության մասին Հայաստանի դիրքորոշման համատեքստում Մնացականյանը մասնավորապես նշել է. «Մենք առաջ ենք քաշել հարց, որը վերաբերում է լիակատար արդյունավետ աշխատանքին»։
«Մենք բացատրել ենք՝ ինչ է նշանակում Արցախի մասնակցությունը և դրա կարևորությունն՝ արդյունավետ աշխատելու համար» , – ավելացրել է Մնացականյանը։
Նրա խոսքով՝ Հայաստանի և Արցախի Անվտանգության խորհուրդների համատեղ նիստում վարչապետ Նիկոլ Փաշինյանի ելույթում շատ հստակ կա նույն միտքը, որ որևէ կերպ նախապայման Հայաստանի կողմից երբևէ չի եղել։
«Հայաստանն աշխատելու է խաղաղության համար: Այս բոլոր հարցերի մասին մենք բազմիցս խոսել ենք, ԱԳՆ-ի հայտարարությունն է եղել այդ առումով: Այսօրվա հանդիպումը նույնպես միտված էր նրան, որ մենք շարունակում ենք սերտ աշխատել Արցախի իշխանությունների հետ», – ասել է ՀՀ ԱԳ նախարարը։
Անդրադառնալով Ադրբեջանում անցկացվող զորավարժություններին` Մնացականյանը նշել է, որ անհանգստության տեղիք միշտ կա, երբ «մենք ունենք չլուծված հակամարտություն»։
«Բայց, ինչպես պաշտպանության նախարարն է ասել` հանգիստ եղեք», – նշել է Մնացականյանը։–0–
Սամվել Շահրամանյանը հայտարարել է, որ Արցախի Հանրապետության իրավական դաշտում գոյություն չունի փաստաթուղթ, որով նախատեսվում է լուծարել պետական ինստիտուտները
Արցախի պետական ինստիտուտները Հայաստանում գործում են՝ ի՞նչ անեն, ի՞նչ ֆունկցիա պետք է իրականացնեն, Հայաստանի Հանրապետություն կա, որի ինստիտուտները գործում են, հայտարարել է ՀՀ նախագահը․ ՎԻԴԵՈ