ԵՐԵՎԱՆ, 12 սեպտեմբերի. /Նովոստի–Արմենիա/. Վարչապետ Նիկոլ Փաշինյանը նշել է, թե ինչն է խանգարում Արցախի խնդրով բանակցային գործընթացին։
«Բանակցային գործընթացին ամենաշատը խանգարում է այն ռազմատենչ մթնոլորտը, որը ձևավորվում է Ադրբեջանի կառավարության ոչ կառուցողական, ագրեսիվ գործունեության և հռետորության արդյունքում», – ասաց նա չորեքշաբթի խորհրդարանում։
Փաշինյանը կրկին հաստատել է, որ իրեն լիազորված չի համարում բանակցություններ վարել Արցախի անունից, քանի որ ոչ այդ երկրի նախագահն է, ոչ էլ վարչապետը։
Միաժամանակ նա նշեց, որ առանց Արցախի մասնակցությամբ հակամարտության լուծումն անհնար է։
«Անգամ ԵԱՀԿ Մինսկի խմբի համանախագահ երկրների նախագահների հայտարարությունում նշվում է, որ Արցախի վերջնական կարգավիճակի որոշման համար անհրաժեշտ է Արցախի ժողովուրդի դիրքորոշման արտահայտումը։ Այդպիսով ամրագրված է, որ Ղարաբաղը հակամարտության կողմը։ Մենք կարևոր հարց ենք բարձրացնում. մենք բանակցությունները վարում ենք բանակցությունների համար թե՞ հարցի լուծման համար։ Եթե մենք բանակցություններ ենք վարում հարցի լուծման համար, ապա ինչպե՞ս են պատկերացնում լուծումն առանց կողմերի մեկի մասնակցության։–0–