543.19
7.57
477.11
+16
Եղանակը Երևանում
Հայ

Փաշինյան. Արցախի` բանակցություններին մասնակցելու հարցը ֆորմատի փոփոխության պահանջ ու քմահաճույք չէ (ՎԻԴԵՈ)

14:18
01 Ապրիլի 2019

ԵՐԵՎԱՆ, 1 ապրիլի. /Նովոստի-Արմենիա/. Արցախի մասնակցության հարց դնելով` մենք ֆորմատի փոփոխության հարց չենք դրել։ Այդ մասին Facebook-ի իր էջում ուղիղ միացման ժամանակ հայտարարել է ՀՀ վարչապետ Նիկոլ Փաշինյանը` խոսելով Վիեննայում կայացած Ադրբեջանի նախագահ Իլհամ Ալիևի հետ կայացած բանակցությունների մասին:

«Մենք լրջորեն փաստել ենք այս տեսակետը, կողմերը եկե՞լ են համաձայնության, իհարկե չեն եկել, բայց այդ հարցը քննարկումից դուրս չի եկել, քննարկումները մենք պետք է շարունակենք», - ընդգծել է Նիկոլ Փաշինյանը։

Նա նշել է, որ ԼՂՀ-ն շատ երկար ժամանակ եղել է բանակցությունների կողմ, և ԵԱՀԿ Մինսկի խմբի ձևավորման առաջին փուլից Ղարաբաղի մասնակցությունը եղել է հենց բանակցային ֆորմատի տրամաբանության հիմքում։ ՀՀ վարչապետը շեշտել է, որ սա բանակցային ֆորմատի փոփոխության պահանջ ու քմահաճույք չէ, այլ՝ գործընթացն արդյունավետ դարձնելու խնդիր։

Загружается новость ... "Лево"

«Վիեննայի բանակցություններին գնացել էինք Ստեփանակերտի օրակարգով, ինչը նախանշել էինք Արցախի ու Հայաստանի անվտանգության խորհուրդների համատեղ նիստում, ու այդ նիստում ես ասել էի, որ մեզ համար շատ կարևոր է Արցախի ներկայացուցիչների մասնակցությունը բանակցային գործընթացում», - ասել է նա։

Նիկոլ Փաշինյանը նշել է, որ հիմա ադրբեջանական կողմը հայտարարում է, որ այս բանակցություններից իրենք հաղթող են դուրս եկել, քանի որ բանակցությունների ձևաչափը չի փոխվում։

Փաշինյանն ադրբեջանական կողմի նման հայտարարությունը ոչ կոռեկտ է որակել՝ նկատելով, որ այն չի տեղավորվում բանակցությունների տրամաբանության մեջ։

«Ղարաբաղի մասնակցությունը շեշտելով՝ մենք ընդհանրապես բանակցային ֆորմատի փոփոխության հարց չենք դրել, ԵԱՀԿ ՄԽ համանախագահության ներքո բանակցության ֆորմատը կասկածի տակ չէ», - ասել է վարչապետը` նշելով, որ Վիեննայում քննարկվել է ԼՂ մասնակության հարցը։

«Երբ Ղարաբաղն ընդգրկվի բանակցային գործընթացում, դա չի կարող լինել ադրբեջանական կողմի պարտություն», – նշել է ՀՀ վարչապետը։

Հիշեցնենք, որ մարտի 29-ին Վիեննայում կայացել է Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի` ղարաբաղյան հակամարտության կարգավորման շուրջ բանակցությունները։ Ավելի ուշ կայացել է Փաշինյան–Ալիև առանձնազրույցը, որը տևել է շուրջ 2 ժամ։

Առաջնորդները կողմ են արտահայտվել հրադադարի ամրապնդման և ուղիղ հաղորդակցության մեխանիզմի բարելավման համար: Նրանք համաձայնվել են նաև մշակել մի շարք միջոցառումներ հումանիտար ոլորտում:

ՀՀ վարչապետը և Ադրբեջանի նախագահը հանձնարարել են իրենց երկրների ԱԳ նախարարներին կրկին հանդիպել համանախագահներին առաջիկայում: Նրանք համաձայնել են նաև շարունակել ուղիղ երկխոսությունը:-0-


Թեմատիկ նյութեր
Բաժնի այլ նյութեր
22:04
27 Հունիսի 2019
Արցախի ԱԳՆ–ն ողջունել է ԱՄՆ կոնգրեսականի` Ադրբեջանին զենքի վաճառքն արգելափակելու նախաձեռնությունը
Արցախի ԱԳՆ–ն ողջունել է ԱՄՆ կոնգրեսմեն Բրեդ Շերմանի առաջարկությունը։
17:24
27 Հունիսի 2019
Զոհրաբ Մնացականյանը մեկնաբանել է Ադրբեջանի նախագահի ագրեսիվ հայտարարությունը
Զոհրաբ Մնացականյանը մեկնաբանել է Ադրբեջանի նախագահ Իլհամ Ալիևի ագրեսիվ հայտարարությունը:
16:35
27 Հունիսի 2019
Զոհրաբ Մնացականյանը` Արցախի մասին. հնարավոր չէ միաժամանակ կրակել և բանակցություններ վարել
Զոհրաբ Մնացականյանը մեկնաբանել է Ադրբեջանի ԱԳՆ ղեկավարի հայտարարությունը:
14:49
27 Հունիսի 2019
Ղարաբաղի համար պատերազմը դեռ չի ավարտվել. Ալիև
Հայաստանի հետ պատերազմն ավարտված չէ, այդ պատճառով Ադրբեջանը կշարունակի մեծացնել իր ռազմական հզորությունը:
13:57
25 Հունիսի 2019
Հայաստանի ԱԳՆ–ն Մամեդյարովի հայտարարություններն անվանել է ապակառուցողական և խաղաղ գործընթացը խաթարող
Ադրբեջանի ԱԳ նախարարի պնդումները չեն համապատասխանում իրականությանը:
13:19
25 Հունիսի 2019
Զոհրաբ Մնացականյանը նշել է ղարաբաղյան հակամարտության հանգուցալուծման բանալին (ՎԻԴԵՈ)
ՀՀ ԱԳՆ ղեկավար Զոհրաբ Մնացականյանը նշել է ղարաբաղյան հակամարտության հանգուցալուծման բանալին:
21:20
22 Հունիսի 2019
Արցախում առաջարկում են հանել Թուրքիան ԵԱՀԿ ՄԽ կազմից
Արցախի խորհրդարանի խոսնակ Աշոտ Ղուլյանը համարում է, որ ժամանակն է դիտարկել ԵԱՀԿ Մինսկի խմբի կազմից Թուրքիան հանելու հարցը:
14:29
21 Հունիսի 2019
Արցախի ՊՆ-ն հերքում է ադրբեջանական կողմի ապատեղեկատվությունը
Արցախի Հանրապետության պաշտպանության նախարարությունը հերքում է ադրբեջանական կողմի տարածած ապատեղեկատվությունը:
11:15
19 Հունիսի 2019
ԱՄՆ նախագահի խորհրդականը մտադիր է հանդիպել Մնացականյանի և Մամեդյարովի հետ
ԱՄՆ նախագահի ազգային անվտանգության հարցերով խորհրդական Ջոն Բոլթոնը հայտարարել է, որ մտադիր է հանդիպել է Հայաստանի և Ադրբեջանի ԱԳ նախարարների հետ։
10:34
19 Հունիսի 2019
Վաշինգտոնում մեկնարկել է ՀՀ ԱԳ նախարարի և ԵԱՀԿ ՄԽ համանախագահների հանդիպումը
Վաշինգտոնում մեկնարկել է ՀՀ ԱԳ նախարարի և ԵԱՀԿ ՄԽ համանախագահների հանդիպումը:
11:36
17 Հունիսի 2019
Բակո Սահակյանն ազատել է պաշտոնից ՊԲ հրամանատարի տեղակալին
Բակո Սահակյանն ազատել է պաշտոնից ՊԲ հրամանատարի տեղակալին:
21:08
14 Հունիսի 2019
Ողջունում ենք ֆրանսիական Վալանս, Բուր-լե-Վալանս, Բուր-դե-Պեաժ և Առնուվիլ քաղաքների` Արցախի հետ բարեկամական հարաբերությունները շարունակելու մտադրությունը. ԱՀ ԱԳՆ
ԱԳՆ–ից համոզմունք են հայտնել, որ պաշտոնական Բաքվի կողմից տարվող Արցախը մեկուսացնելու քաղաքականության սատարումը ոչ մի կերպ չի նպաստում ադրբեջանա-ղարաբաղյան հակամարտության խաղաղ լուծմանը։