Հայտնի է դարձել Հայաստանի և Ադրբեջանի ԱԳ նախարարների հանդիպման ամսաթիվն ու վայրը

ԵՐԵՎԱՆ, 14 հունվարի./Նովոստի–Արմենիա/. Հայաստանի ԱԳ նախարարի պաշտոնակատար Զոհրաբ Մնացականյանի և Ադրբեջանի ԱԳ նախարար Էլմար Մամեդյարովի հանդիպումը տեղի կունենա հունվարի 16–ին Փարիզում։

Ինչպես հաղորդում է ՀՀ ԱԳՆ մամուլի ծառայությունը, հանդիպումը տեղի կունենա ԵԱՀԿ Մինսկի Խմբի համանախագահների միջնորդությամբ և մասնակցությամբ:

Հայաստանի և Ադրբեջանի ԱԳ նախարարների նախորդ` երրորդ հանդիպումը, տեղի է ունեցել 2018թ.–ի դեկտեմբերի սկզբին Միլանում։ Հանդիպման ընթացքում կողմերը հանգամանալի կերպով ծանոթացել են միմյանց դիրքորոշումներին և մոտեցումներին ղարաբաղյան հակամարտության կարգավորման գործընթացի հարցում։–0–