ԼՂՀ ԱԳ նախարարն ու Անջեյ Կասպշիկը կարևորել են շփման գծում կայունության պահպանման անհրաժեշտությունը

ՍՏԵՓԱՆԱԿԵՐՏ, 15 օգոստոսի. /Նովոստի–Արմենիա/. Օգոստոսի 15-ին Լեռնային Ղարաբաղի Հանրապետության արտաքին գործերի նախարար Կարեն Միրզոյանն ընդունել է ԵԱՀԿ գործող նախագահի անձնական ներկայացուցիչ դեսպան Անջեյ Կասպշիկին, հաղորդում է ԼՂՀ ԱԳՆ մամուլի ծառայությունը։

Հանդիպման ընթացքում կողմերը մտքեր են փոխանակել Լեռնային Ղարաբաղի և Ադրբեջանի զինված ուժերի շփման գծում տիրող իրավիճակի և ԵԱՀԿ գործող նախագահի անձնական ներկայացուցչի գրասենյակի կողմից իրականացվող դիտարկումների շուրջ։

«Երկուստեք կարևորվել է շփման գծում կայունության և հրադադարի ռեժիմի պահպանման անհրաժեշտությունը», – նշվում է հաղորդագրության մեջ։ –0–