ԵՐԵՎԱՆ, 16 նոյեմբերի. /Նովոստի–Արմենիա/. Արցախի նախագահ Բակո Սահակյանը կիսել է զինվորի առօրյան մարտական դիրքում` հանգիստ ծխելով շարքային զինվորների հետ։
Բակո Սահակյանի խորհրդական Տիգրան Աբրահամյանը Facebook–յան իր էջում հրապարակել է լուսանկարներ ծովի մակերևույթից մոտ 2500 մետր բարձրությամբ տեղակայված մարտական դիրքից, որտեղ «տղերքը բավականին բարդ պայմաններում անչափ պատասխանատու ծառայություն են տանում»։
«Ճիշտ է՝ Բակո Սահակյանի օրակարգում զինված ուժերի հետ կապված տարբեր ձևաչափով քննարկում-խորհրդակցությունները, կարելի է ասել, շուրջօրյա բնույթ են կրում, բայց նախագահը հատուկ ուշադրություն է դարձնում նաև զինծառայողների հետ ուղիղ շփումներին, փորձում իրեն մտահոգող, հետաքրքրող հարցերի պատասխանները լսել նրանցից, քննարկել իր նոր նախաձեռնությունները», – գրել է Աբրահամյանը։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում